Вашите рецензии од домаќините

Рецензиите се одличен начин за домаќините да ви дадат повратни коментари откако патувањето ќе заврши. Рецензиите ѝ помагаат и на нашата поширока заедница на домаќини да разбере што да очекува врз основа на претходните рецензии за чистота, куќен ред и комуникација.

Еве детали за тоа што може да добиете кога некој ќе остави рецензија за вас и што домаќинот би можел да прочита кога ќе поднесете барање за резервација или ќе резервирате сместување во иднина.

Оцени од домаќинот

Како дел од незадолжителниот процес за оставање рецензии, домаќините може да ве оценат со 1 до 5 ѕвезди во три категории: чистота, куќен ред и комуникација. Слично на оцените со ѕвезди за домаќините, овие оцени за категориите потоа се комбинираат во просечна оцена за престојот.

Домаќините може да ги прочитаат вашите детални оцени за претходни престои, како и севкупната оцена од категориите и просечните оцени за сите престои само кога ќе испратите барање за резервација или кога ќе резервирате сместување кај нив во иднина. Категориите со позитивни оцени (од 4 до 5) ќе се прикажуваат со ознака за штиклирање, а негативните оцени (од 1 до 3) со икона за предупредување.

Оцените се користат на повеќе начини и помагаат:

• Тековните или потенцијалните домаќини да одлучат дали да прифатат барање за резервација од гостин.
• Airbnb да утврди дали гостинот ги исполнува барањата на домаќинот за „Инстант резервација“.
• Airbnb да одреди дали гостинот се квалификува како искусен гостин што ги исполнува условите да резервира одредени сместувања.
• Airbnb да утврди дали гостинот ги следи нашите основни правила за гости. Постојаните или тешки прекршувања пријавени преку оцени или преку корисничката поддршка може да доведат до предупредувања, суспендирање и/или отстранување од платформата.

Јавна рецензија од домаќинот

Иако рецензиите не се задолжителни, кога домаќините ќе изберат да поднесат рецензија, таа задолжително мора да биде јавна. Рецензијата на домаќинот се прикажува на вашиот профил, така што секој што ќе кликне или притисне на вашиот профил ќе може да ја прочита.

Што беше добро кај вас

Домаќините имаат можност да го истакнат она што добро сте го направиле (пр.: сте го одржувале местото уредно и чисто, во добра состојба, сте го изнесле ѓубрето, сте испраќале корисни пораки, сте се однесувале со почит, секогаш сте одговарале итн.). Ако побарате или резервирате сместување кај домаќин, тој може да провери што истакнале другите домаќини за вашите претходни престои. Позитивните повратни коментари ќе се прикажуваат до ознака за штиклирање.

Што треба да имате предвид за следниот пат

Ако домаќинот поднесе ниска оцена во која било категорија, го замолуваме да сподели што не било во ред за време на вашето патување. Користејќи ги повратните коментари, Airbnb ќе ви предложи начини да избегнете проблеми на следното патување. Ако побарате или резервирате сместување кај домаќин, тој може да ги провери повратните коментари за вашите претходни престои. Негативните повратни коментари ќе се прикажуваат до икона за предупредување.

Приватна белешка од домаќинот

Може да добиете приватна порака од домаќинот со повеќе повратни коментари. Кога одговарате, имајте предвид дека само вие можете да ја прочитате оваа порака.