Основни информации за угостувањето на Airbnb

Некои домаќини ја користат својата заработка од Airbnb за да си овозможат пензија. Други ја користат за финансирање проекти што им се допаѓаат. „Успеав да завршам три години на насоката за текстил на колеџот Морли Арт“, вели Теса, домаќин од Лондон. „Имав можност да патувам, а угостувањето ми помогна да ги покријам трошоците за нова кујна.“ Без оглед на тоа какви финансиски цели имате, угостувањето на Airbnb може да биде одличен начин да заработите дополнителен приход. Дознајте како да започнете, од создавање на огласот до добивање исплати.

Па, што е потребно за да се биде домаќин на Airbnb? Прво, треба да имате слободен простор што ќе го споделувате со патниците. Без разлика дали станува збор за цел дом, слободна соба или удобен кауч, најверојатно ќе има гостин на кој ќе му одговара вашиот простор. Клучно е да создадете оглас на Airbnb кој искрено и точно ќе им покажува на патниците што да очекуваат. И треба да бидете подготвени да им понудите на гостите топло гостопримство, што обично значи:

1. Комуницирајте брзо и јасно
2. Обезбедете чист простор со основните удобности потребни за пријатен престој
3. Додајте дополнителни детали што мислите дека ќе го направат вашиот простор посебен

Угостувајќи на Airbnb, може без обврски да го рекламирате вашиот дом на патници – без трошоци за регистрација или членарина. И сами одлучувате за цената за ноќевање. Може да поставите посебни цени за секое годишно време, за викенди и за други ноќевања кога сакате да контролирате колку наплаќате. Може да побарате дополнителни надоместоци однапред за работи како што се дополнителни гости или чистење на сместувањето*. Ако ви треба помош да одредите колку да наплатите, Airbnb има алатки што ги усогласуваат вашите цени со побарувачката и ви предложуваат конкурентна цена за секое ноќевање.

Откако ќе го огласите вашиот простор на Airbnb, ќе почнете да добивате прашања и резервации од гостите. Airbnb му наплаќа на секој гостин пред пристигнувањето за да се осигури дека секогаш ќе бидете исплатени навреме кога угостувате. Никогаш нема да треба директно да работите со пари.

Може и да изберете и како ќе бидете платени, користејќи начини како директен банкарски депозит или PayPal. Airbnb вообичаено ги испраќа исплатите околу 24 часа по закажаното пристигнување на гостинот. Може да се потребни два дена за средствата да стигнат на вашата сметка. Исплатата ќе ви се состои од цената за ноќевање со исклучок на малиот надоместок за услугата. Airbnb не наплаќа надоместоци за обработка на кредитни картички, а со тоа им го олеснува процесот на резервација на гостите, но и процесот на исплата на домаќините.