Поставете ги очекувањата на гостите со помош на точна локација

Локацијата на сместувањето може да игра голема улога во тоа дали гостите ќе одлучат да направат резервација. А откако ќе резервираат, на гостите им треба вашата точна локација за да можат непречено да се пријават.

Од суштинско значење е да ја прикажете прецизната локација на вашиот оглас на Airbnb. Исто така, добро би било да наведете слични информации во описот за сместувањето. „Во описот кажувам каде се наоѓа сместувањето“, вели Џулиет, член на Советодавниот одбор на домаќини во Најроби, Кенија.

Може да правите промени на адресата сѐ додека не ја прифатите првата резервација. Потоа, ќе треба да контактирате со тимот за поддршка на заедницата за помош.

Не штедете на детали кога на гостите им ги објаснувате насоките до вашето сместување пред да се пријават. Џулиет ги споделува своите GPS координати со гостите. Таа вели и дека споделува точни детали, како бојата на нејзината порта и она што е напишано на неа.

Исто така, Џулиет останува на располагање во периодот за пријавувањето, во случај гостите да имаат проблем да го најдат местото. „Бидејќи ги имаат нашите контакти, обично ни се јавуваат ако имаат какви било прашања“, вели таа.

Може да додадете повеќе информации во описот на огласот, како што се детали за соседството и паркингот. Заедно со мапата, ова може да им помогне на гостите да знаат што да очекуваат и да им пружи доверба во одлуката да резервираат.

Стандардното подесување е за општа локација. Може да се префрлите на споделување точна локација со прилагодување на вашата мапа.

Може да изберете да додадете и повеќе информации во описот на огласот, како што се детали за соседството и паркингот. Заедно со мапата, ова може да им помогне на гостите да знаат што да очекуваат и да им пружи доверба во одлуката да резервираат.

Ако на гостите им е тешко да го најдат вашето место, размислете да додадете број на улицата на предната врата или подобро осветлување на патеката до влезот.

Понекогаш треба да бидете малку покреативни. „Нашите куќи од кал тешко се наоѓаат“, вели Кешав, член на Советодавниот одбор на домаќини во Њу Делхи, Индија. „Структурата на улицата е малку поразлична. Навистина ви треба некој што ќе може да ве однесе дотаму.“

Кешав се обидува да најде решение и да им овозможи на гостите полесно да се пријават без помош. „Почнавме да размислуваме за тоа како можеме да поставиме знаци на главната улица, мала табла која постојано ќе биде таму“, вели тој.