Одете напред за да пристапите до предложените резултати
    Оваа содржина не е достапна на јазикот кој го избравте, па ја направивме достапна на најблискиот достапен јазик засега.

    Кои удобности е најдобро да се понудат сега

    Еве што им е најважно на гостите, од сигурна wifi мрежа до простор погоден за миленичиња.
    Од Airbnb на 18 јун. 2020 г.
    Четиво од 4 мин.
    Ажурирано на 17 мар. 2022 г.

    Исклучителни одлики

    • Најпопуларните удобности во моментов вклучуваат погодно место за миленичиња, wifi и бесплатен паркинг

    • Размислете за тоа што би можело да им се допадне на различни патници, вклучувајќи семејства и лица кои работат на далечина

    • Ажурирајте го огласот

    Според новите податоци на Airbnb,* гостите често ги филтрираат резултатите од пребарувањето за да ги најдат 10-те најпопуларни удобности. Ако имате некоја од овие популарни удобности, погрижете се да ја вклучите во огласот за гостите да можат да ве најдат кога пребаруваат.

    Што најмногу сакаат гостите во моментов

    Дом далеку од дома
    Резултатите од пребарувањето на гостите во светот покажуваат дека најпопуларните 10 удобности што гостите ги сакаат во моментов се:

    1. базен
    2. wifi
    3. кујна
    4. бесплатен паркинг
    5. џакузи
    6. машина за перење или сушење
    7. клима уред или греење
    8. самопријавување
    9. погодно место за работа со лаптоп
    10. можност за престој со миленичиња

    Еве што може да направите за да се осигурате дека некои од овие удобности се што е можно попријатни за гостите:

    • Wifi: проверете повторно дали функционира и дали гостите знаат како да се најават. Добро би било да поставите пластифициран знак со корисни инструкции кој е лесен за чистење некаде во сместувањето.
    • Клима уред: знаеме дека централната климатизација не е вообичаена во некои региони. Ако ја имате, кажете им на гостите каде да ги најдат управувачите и како да ги користат. И тука би бил доста корисен еден пластифициран знак со инструкции. Ако ја немате, размислете за тоа да обезбедите преносен клима уред за жешките летни месеци.
    • Кујна: гостите можеби ќе сакаат сами да ги приготвуваат оброците за време на нивниот престој, затоа погрижете се да набавите садови, тенџериња, тави и прибор за готвење. Добро би било да ги споменете овие работи во описот на сместувањето.
    • Паркинг: ако имате место за паркирање за гостите, не заборавајте да им дадете инструкции пред да пристигнат и не заборавајте да изберете „паркинг“ како удобност во својот оглас.

    Надворешни простори
    Многу гости сакаат да престојуваат во сместувања со можност за активности на отворено. Ако вашиот регион нуди одлични пешачки патеки и други активности на отворено, информирајте ги гостите за нив во својот водич или во упатството за користење на куќата.

    Друг начин да им помогнете да уживаат малку на свеж воздух е да ги уредите надворешните простори во своето сместување. Одржувајте го надворешниот простор добро уреден и размислете за тоа дали да ги додадете (или подобрите) следниве удобности:

    • мебел за во двор
    • скара
    • чаши и чинии за употреба на отворено
    • игри и други работи за забава

    Материјали за чистење
    Многу гости ќе ја ценат можноста да можат да чистат. Добро би било да се снабдите со:

    • хартиени марамчиња
    • ракавици за еднократна употреба
    • средство за чистење повеќе површини
    • марамчиња или спреј за дезинфекција
    • антибактериско средство за дезинфекција на раце
    • сапун за раце
    Ако нудите некои од овие удобности, погрижете се да ги вклучите во огласот за гостите да можат да ве најдат кога пребаруваат.

    Кои се патниците и како да се исполнат нивните очекувања

    Семејства со деца
    Може да им помогнете на родителите со мали деца да се чувствуваат поудобно во вашето сместување така што ќе им обезбедите некои од работите кои им се најпотребни, како што се:

    • детски креветчиња
    • високи столчиња за хранење
    • заштитни огради за бебе
    • детски чаши, чинии и прибор
    • подлога за преслекување
    • уреди за надзор на бебиња
    • заштитни капачиња за штекери

    Исто така, треба да се погрижите да имате доволно основни удобности, како што се:

    • сапун
    • шампон
    • тоалетна хартија
    • дополнителна постелнина и крпи

    Дознајте повеќе за угостувањето семејства

    Сопственици на миленичиња
    Многу гости сакаат да ги понесат своите четириножни членови на семејството со себе на патувањата. Знаеме дека некои домаќини не можат да понудат простор погоден за миленичиња. Но ако можете, сега е вистинското време да го направите тоа.

    Гостите кои патуваат со миленичиња сакаат да знаат што да очекуваат во вашето сместување, како на пример дали имате ограден двор или приватен поплочен двор. Можеби ќе сакате да обезбедите и удобности погодни за миленичиња, како што се:

    • садови за храна и вода за миленичиња
    • прекривки за мебел
    • посебни крпи за бришење на шепите блиску до вратата
    • дополнителни материјали за чистење

    Исто така, добро би било да го ажурирате својот куќен ред. Може да им кажете на гостите колку миленичиња дозволувате по престој, какви видови миленичиња прифаќате и дали е во ред да се остави миленичето без надзор во вашето сместување.

    Дознајте повеќе за угостувањето миленичиња

    Лица кои работат на далечина
    Многу луѓе продолжуваат да си ја вршат работата на далечина и може да одлучат да работат додека патуваат. Можете да им помогнете да останат продуктивни со тоа што ќе ги вклучите следниве удобности:

    • Брза wifi мрежа: гостите имаат поголеми очекувања за брз интернет сега кога многу од нив работат на далечина. Може да ја тестирате брзината на wifi мрежата користејќи ја Airbnb апликацијата и ако резултатите покажуваат дека врската е бавна, размислете за тоа да обезбедите побрза.
    • Погодно место за работа со лаптоп: најдете биро или маса во близина на штекови со удобен стол (уште подобро ако е ергономски). Сакате дополнително да се потрудите? Додајте хефталка, куп лепливи белешки и шолја полна со сосема нови пенкала. Ако имате печатач или машина за копирање, не заборавајте да ги истакнете во описот на огласот.
    • Апарат за кафе и чајник: на овие гости најверојатно ќе им биде мило ако имаат нешто што ќе им дава енергија во текот на нивните напорни денови.
    • Дознајте како да додадете нови удобности

    Не заборавајте да го ажурирате огласот

    Не заборавајте да ги прикажете промените што сте ги направиле така што ќе ги ажурирате удобностите, описот за сместувањето и фотографиите. Додавањето само неколку барани работи може многу да им помогне на гостите да се чувствуваат попријатно во вашиот простор, што може да доведе до одлична рецензија.

    *Според внатрешните податоци на Airbnb со кои се мерат најчесто пребаруваните удобности во светот од 1 јануари до 31 декември 2021 г.

    Информациите што ги содржи статијава може да се променети по објавувањето.

    Исклучителни одлики

    • Најпопуларните удобности во моментов вклучуваат погодно место за миленичиња, wifi и бесплатен паркинг

    • Размислете за тоа што би можело да им се допадне на различни патници, вклучувајќи семејства и лица кои работат на далечина

    • Ажурирајте го огласот
    Airbnb
    18 јун. 2020 г.
    Дали ова беше корисно?

    Разгледајте повеќе теми