Создајте привлечен профил на кодомаќин

Вашиот профил на кодомаќин е можност да се рекламирате. Мрежата на кодомаќини користи персонализиран алгоритам за да ги прикаже профилите на релевантните локални кодомаќини на секој што бара помош.

Пополнете го вашиот профил на кодомаќин за да се појавува во резултатите од пребарувањето. Информациите на вашиот профил се јавно достапни.

• Име: вашиот профил на кодомаќин автоматски ги користи вашето име и презиме од вашата сметка на Airbnb, освен ако не изберете да се прикажува само вашето име во подесувањата на профилот на кодомаќин. За да се појави на мрежата на кодомаќини, името што ќе ви се прикажува – без разлика дали е законско или е прекар – мора да биде вашето име на физичко лице, а не име на фирма.*
• Вовед на профилот: напишете краток опис за вашето искуство како домаќин во кој ќе го објасните она што ве прави посебни. На пример: „Почнав да угостувам во слободна соба. Сега им помагам на домаќините да добијат сјајни рецензии и да си го исполнат потенцијалот за заработка.“ Вашиот вовед ќе се појави во резултатите од пребарувањето и на почетокот на вашиот профил.
• Услуги: изберете помеѓу 10 категории, како што се поставување на оглас и испраќање пораки до гостите и накратко опишете како вашиот пристап се истакнува. На пример: „Работам со лицата кои ми помагаат со чистењето повеќе од пет години и правиме рутинска проверка на квалитетот пред и по првиот престој на гостинот.“
• Цени: известете ги домаќините колку наплаќате по резервација за постојана поддршка (задолжително) и по поставување на оглас (незадолжително).
• Локален регион во кој се нуди услугата: додајте ја локацијата каде што може лично да обезбедите услуги за угостување во радиус од околу 100 километри.
• Повеќе за вас: може да споделите детали за вашето патешествие како домаќин, како на пример што ве натерало да се впуштите во угостителството и со што најмногу се гордеете.

Вашиот профил на кодомаќин исто така ги вклучува овие информации.

• Клучна статистика: домаќините гледаат на колку сместувања сте домаќин или кодомаќин, колку години угостувате и севкупната оцена на гостите на сите сместувања на кои сте биле домаќин или кодомаќин.
• Исклучителни одлики: домаќините го гледаат признанието што вие или сместувањата за кои сте домаќин или кодомаќин сте го добиле на Airbnb, како што се „Супердомаќин 8 години“ или „Совршени оцени од неодамнешни гости“.
• Рецензии од гости: домаќините ги гледаат рецензиите за сместувањата на кои сте домаќин или кодомаќин, почнувајќи од најновите. Тие, исто така, може да филтрираат по највисока или најниска оцена и да пребаруваат по клучни зборови.
• Вашите сместувања: домаќините ги гледаат сите огласи за сместувањата во кои помагате и колку долго сте биле домаќин или кодомаќин на секое од нив.

Вашиот профил на кодомаќин автоматски ја презема профилната фотографија од вашата сметка на Airbnb. Фотографијата мора да биде со висока резолуција, со големина на датотека до 100 MB и не треба да биде матна. Фотографијата мора јасно да ви го покажува лицето.*

Следете ги овие упатства:

• Користете едноставна заднина и природна светлина.
• Направете вертикална фотографија и оставете простор за сечење.
• Избегнувајте селфи, блиц, заднинско осветлување, логоа и илустрации.
• Не треба да има миленичиња и други луѓе.

*Ако угостувате како фирма во Австралија, Европската економска област или во Обединетото Кралство, ова барање не важи.

Дознајте повеќе за алгоритмот за пребарување во „Центарот за помош“.

Мрежата на кодомаќини е достапна во Франција, Шпанија, Италија, Германија, Обединетото Кралство, Австралија, Мексико (овозможено од Airbnb Global Services Limited), Канада, САД (овозможено од Airbnb Living LLC) и Бразил (овозможено од Airbnb Plataforma Digital Ltda).

Информациите што ги содржи статијава може да се променети по објавувањето.