Совети за безбедност при избор на место
Одењето на патување обично значи трошење на сопственото време и пари. Затоа сакате да бидете сигурни дека ќе најдете место што целосно ќе ви одговара. Еве неколку совети кои ќе ви помогнат да патувате безгрижно, знаејќи дека сте ја донесле вистинската одлука.
Како да го најдете она што ви одговара
Најпрво, најдете сместување што одговара на вашите потреби така што ќе ги користите нашите многубројни филтри за пребарување. Кога ќе забележите место што навистина ви се допаѓа, одвојте време за да ги прочитате профилот на домаќинот и описот за сместувањето, обраќајќи посебно внимание на удобностите, куќниот ред и правилата за откажување.
Прочитајте ги оцените и рецензиите
Секогаш препорачуваме да ги читате повратните коментари од другите гости бидејќи е тоа одличен начин да го најдете вистинското место. Ќе најдете оцени за работи како што се чистотата и точноста, како и детални рецензии од други патници. Гостите можат да остават рецензија само по патувањето, така што ќе знаете дека повратните коментари што ќе ги прочитате се од некој што навистина престојувал таму.
Прегледајте ги безбедносните карактеристики
Добро би било да проверите дали има детектори за чад и јаглерод моноксид на имотот. Нив може да ги најдете во листата на удобности во делот „Домашна безбедност“.
Прочитајте повеќе за детекторите за чад и јаглерод моноксид во нашиот „Центар за помош“.
Одговори на вашите прашања
Нашата алатка за заштитени пораки е безбеден и лесен начин да му поставите какви било прашања на потенцијалниот домаќин пред да резервирате. По резервирањето, исто така, може да разменувате пораки со домаќинот за да го координирате пријавувањето, да поставите дополнителни прашања и да бидете во контакт во текот на целото патување.
Секогаш комуницирајте и плаќајте преку Airbnb
Заштитете се себеси, вашите плаќања и лични податоци така што ќе ја користите само нашата сигурна платформа во текот на целиот процес – од комуникацијата, до резервирањето и плаќањето. Од вас нема никогаш да се побара да извршите банкарски трансфер на пари, да доставите податоци за кредитната картичка или директно да му платите на домаќинот на некој поинаков начин. Ако се случи тоа, пријавете ни го случајот веднаш.
Проверете ја безбедноста
Откако ќе пристигнете, добро би било да ги најдете информациите за безбедност и соодветната опрема за итни случаи, како што е апаратот за гаснење пожар или приборот за прва помош. Ако барате нешто и не сте сигурни каде се наоѓа, не двоумете се да го прашате домаќинот. Секогаш е подобро да бидете подготвени.
Проверете дали се објавени локални известувања и предупредувања за дестинацијата
Без разлика дали патувате со Airbnb или не, паметно е да ја истражите вашата дестинација однапред и да се консултирате со локалната амбасада во врска со предупредувањата за патување или некои посебни барања. На пример, патниците од САД треба да проверат во Министерството за надворешни работи на САД за информации во врска со визи и предупредувања за патување.
Дознајте повеќе на нашата страница за безбедност за домаќини и гости.
Тука сме да ви помогнеме
Ако во тек е итен случај, контактирајте со локалните служби за итни случаи или надлежните органи за помош.
За други проблеми со безбедноста, достапни сме 24 часа на ден. Прочитајте повеќе за тоа како да нѐ контактирате во нашиот „Центар за помош“.
Запомнете: во итен случај или ако вашата лична безбедност е загрозена, веднаш контактирајте со локалната полиција или итните служби.
Поврзани статии
- Гостин
Совети за безбедност кои ќе им бидат од корист на домаќините на сместувања
Добивајте информации за одговорностите поврзани со угостувањето, како и најдобри практики кои овозможуваат гостите да ги имаат сите потребни… - Гостин
Безбедност на домаќините и гостите
За да се обезбеди безбеден престој, доживувања и интеракции, одредени активности и однесувања не се дозволени во нашата заедница. - Гостин
Ако не се чувствувате безбедно за време на патувањето
Ако сметате дека можеби сте во опасност или ви е загрозена личната безбедност, веднаш контактирајте со локалните власти.