Безбедност на домаќините и гостите

За да се обезбеди безбеден престој, доживувања и интеракции, одредени активности и однесувања не се дозволени во нашата заедница.

Што дозволуваме

• Самоодбрана: ако некогаш сте физички нападнати за време на престојот или доживувањето, дозволено ви е разумно да се браните.
• Дозволено и безбедно складирано оружје: оружјето е обично дозволено кога е безбедно складирано, законски поседувано и правилно наведено. Дознајте повеќе за нашите правила.

Што не дозволуваме

• Закани или злоупотреби: во нашата заедница нема место за закани, насилство или злоупотреба кон други лица, вклучувајќи интимни партнери, деца, животни и болни лица или лица со попреченост.
• Сексуален напад и недолично однесување: забранети се сексуални напади и недолично однесување од каков било вид. Неприфатливи се сите несакани или неповикани допири, флертувања и сексуално однесување или разговор за лични врски или сексуални склоности.
• Опасни или нелегални животни: забранети се сите животни чија раса или вид е нелегално да се поседува на локацијата на сместувањето или доживувањето. Домашните, дивите и животните кои живеат на фарма, а може да претставуваат безбедносен ризик во текот на резервацијата мора да бидат соодветно обуздани и да се откријат однапред. Животните за кои се покажало дека не претставуваат ризик не мора да бидат наведени бидејќи алатката за откривање е за „опасни животни“. Дознајте повеќе за нашите правила за опасни животни.

Тука сме да ви помогнеме

Ако во тек е итен случај, контактирајте со локалните служби за итни случаи или надлежните органи за помош.

За други проблеми со безбедноста, достапни сме 24 часа на ден. Дознајте како да нѐ контактирате во нашиот „Центар за помош“.

Многу сериозно ги сфаќаме заканите за самоубиство и самоповредување и можеби ќе контактираме со надлежните органи за да побараме проверка на здравствената состојба ако добиеме известување дека постои непосреден ризик за безбедноста. Ако вие или некој друг се чувствувате загрозено или небезбедно, прво контактирајте со локалните надлежни органи за помош.

Како и секогаш, ако посведочите или доживеете некое однесување што сметате дека е спротивно на нашите услови или правила, известете нѐ.