Што треба да знаат домаќините за соопштението на Airbnb

Имајќи го предвид фактот дека многу места во светот повторно се отвораат, во исчекување сме на најголемото враќање на патувањето во овој век. За да ви помогнеме да се подготвите, главниот извршен директор на Airbnb, Брајан Чески, претстави нов извештај за трендовите што ќе ја оформат иднината на патувањето.

Тој откри и повеќе од 100 нови алатки, функции и надградби на Airbnb што ќе им помогнат на домаќините од целиот свет да ја искористат оваа уникатна можност. Погледнете го видеото погоре за да слушнете повеќе детали во соопштението на Брајан.

Сите овие промени имаат за цел да ги направат работите полесни:

• Полесно инспирирање на гостите, наоѓање на совршеното сместување и брзо резервирање со новите функции, како што се флексибилниот избор на дестинации и флексибилните датуми;
• Полесен почеток на угостувањето за новите домаќини во неколку едноставни чекори преку подобрена поддршка и корисни информации;
• И најважно од сѐ, по една година во која угостувањето беше потешко од кога било досега, полесно справување со секојдневните задачи, воодушевување на секој гостин и напредување на Airbnb за домаќините.

Бидејќи многу домаќини се подготвуваат за зголемена побарувачка во областа на патувањето, сакавме да ги направиме нашите алатки и функции помоќни, поинтуитивни и полесни за употреба. Еве неколку од најинтересните подобрувања што ги направивме:

Поголема интуитивност и усогласеност на апликацијата и веб-страницата
Направивме некои важни промени во главните копчиња за навигација на апликацијата и веб-страницата на Airbnb за полесно да го најдете она што го барате. Откако добивме многу повратни коментари од домаќините на оваа тема, се погриживме да го усогласиме корисничкото искуство на апликацијата и на веб-страницата, така што сега ги имате истите копчиња и јазичиња, без разлика кој уред го користите.

Дознајте што се промени

Јазичето „Денес“: вашата нова почетна страница за домаќини
Како дел од оваа промена, додадовме и сосема нов центар за домаќини наречен јазиче „Денес“. Во јазичето „Денес“ може да ги видите најважните задачи, известувања и новости на едно место, а тоа ќе ви помогне да управувате со вашите секојдневни задачи како домаќин од еден екран.

Домаќините претходно ни имаа кажано дека им треба премногу време да го најдат она што го бараат. Со јазичето „Денес“, има еден екран кој е достапен од секој уред. Таму ќе може брзо и лесно да ги проверите и да бидете во тек со резервациите, барањата, прашањата, новостите и известувањата.

Дознајте повеќе за вашиот нов центар за домаќини

Подобра и побрза пошта
Сите добри домаќини знаат дека секој беспрекорен престој започнува со одлична комуникација со гостите. Вашата пошта е меѓу најважните алатки за угостување, а ние воведовме некои важни промени за да ја подобриме.

Новата пошта е до 10 пати побрза и вклучува клучни функции како пребарување и филтрирање за да може брзо да ги најдете важните пораки. Додадовме и алатки што ќе ви заштедат време, како што се закажаните пораки и брзите одговори за да ви помогнеме да ги автоматизирате и поедноставите секојдневните задачи како домаќин.

Дознајте повеќе за овие промени

Нови, автоматизирани „Водичи за пристигнување“ за гостите
Пријавувањето може да биде пресудниот момент за секоја резервација. Според она што ни го кажаа домаќините, управувањето со пријавувањата може да биде мачно и да одзема време.

Овој месец воведуваме нова алатка која автоматски ги поставува најважните информации за пријавувањето за секоја резервација во горниот дел на јазичето „Патувања“ на гостите 48 часа пред пријавувањето.

Погледнете го новиот „Водич за пристигнување“ и изработете свој

Подобрени услуги за поддршка на заедницата
Нашите алатки за поддршка на заедницата и специјалистите за поддршка на Airbnb се основата на нашиот однос со домаќините. Врз основа на вашите повратни коментари, темелно ги прегледавме сите механизми за поддршка и ги направивме потребните измени за да имате што е можно подобро искуство.

Ова вклучува повеќе од двојно зголемување на бројот на специјалисти за поддршка во споредба со истиов период лани, ставање акцент врз емпатијата при сите форми на комуникација во нашиот „Центар за помош“ и зголемување на транспарентноста и усогласеноста на правилата. Исто така, работиме на тоа да ви понудиме „Специјална поддршка за Супердомаќини“, почнувајќи од 30 септември 2021 г. во Северна Америка и на глобално ниво во текот на 2021 г.

Дознајте повеќе за тоа како ќе ја подобриме „Поддршката на заедницата“

Ви наброивме само неколку од повеќе од 100 подобрувања што ќе ви ги претставиме овој месец. Ви препорачуваме да ја разгледате целосната листа на подобрувања, да ги испробате новите алатки и функции и да ни дадете повратни коментари за тоа што може да направиме за да продолжиме да се подобруваме.