Надградби за професионални домаќини

Белешка на уредникот: оваа статија е објавена како дел од Летното издание на Airbnb за 2023 г. Информациите може да се променети по нивното објавување. Дознајте повеќе за најновото издание на нашиот производ.

Со Летното издание на Airbnb за 2023 г. се воведуваат 25 надградби за домаќини, како и дополнителни осум надградби за домаќини кои користат софтвер поврзан со API. Тие се дизајнирани да ви помогнат полесно да го следите квалитетот на огласите и да ги помогнат околу секојдневните задачи поврзани со угостувањето.

Ќе имате пристап до сите осум надградби директно од вашиот софтвер ако вашиот давател на софтверски услуги ги има интегрирано. Во спротивно, контактирајте со давателот на софтверски услуги за да дознаете кога ќе бидат достапни.

Додавајте детални инструкции за одјавување директно од софтверот, слично како што внесувате стандардни правила во куќниот ред. Брзо создајте листа за одјавување со избирање од овие вообичаени задачи: 

• Соберете ги употребуваните крпи.
• Исфрлете го ѓубрето.
• Исклучете ги уредите.
• Заклучете ја вратата.
• Вратете ги клучевите.

Може да додадете детали за секоја задача. На пример, може да наведете гостите да го ставаат ѓубрето во една канта, а да рециклираат во друга. Исто така, може да напишете дополнителни барања, како што е покривање на скарата по употреба. 

На гостите ќе им испратиме автоматски потсетник со времето на одјавување и инструкциите еден ден пред одјавувањето. Исто како и куќниот ред, гостите можат да ги прочитаат и инструкциите за одјавување пред да го резервираат вашето сместување. Откако ќе се одјават, гостите може да ве известат дека заминале со еден допир или клик.

Во зимското издание на Airbnb за 2022 година, додадовме можност гостите и домаќините да остават подетални повратни коментари еден за друг. Може да додадете оцена со ѕвезди во неколку категории и да наведете што било добро или што можело да биде подобро. На пример, гостите може да ги изберат ознаките за рецензии „секогаш одговарање брзо“ или „корисни инструкции“ ако ја оценат вашата комуникација со пет ѕвезди. 

Отсега може да пристапувате до овие функции од поврзаниот софтвер. Ќе може да оставите подетални рецензии за гостите и да добиете повратен коментар за тоа што им се допаднало на гостите и што може да се подобри.

Ако некое од вашите сместувања не ги почитува основните правила за домаќини, ќе најдете дневник со неодамнешни патувања што имале проблеми во вашиот софтвер. На пример, ако гостинот го оцени пријавувањето со две ѕвезди бидејќи не можел да влезе внатре, тоа ќе биде регистрирано тука со предложени ажурирања за да се подобри вашата рутина на угостување.

Проблемите со сместувањето што се појавуваат тука се резултат на ниски оцени, повратни коментари од гостите до корисничката поддршка или откажувања од домаќинот. Дневникот исто така ве известува дали постои ризик вашиот оглас да биде суспендиран или отстранет.

Ќе ви испратиме е-пошта и мобилно известување преку вашиот давател на софтверски услуги ако некој од вашите огласи не е во согласност со основните правила за домаќини и добил предупредување или постои ризик од суспендирање или отстранување. Известувањето ќе ве однесе до записникот со проблеми за сместувањето, во кој е наведено какви проблеми биле пријавени, со предлози за тоа како да ги поправите. 

Исто така, ќе добиете информации за тоа кога огласот може повторно да се активира по суспендирањето, како и за тоа како може да се поднесе жалба за отстранување на огласот. Може да поднесете жалба само директно на Airbnb.

Категориите на Airbnb им помагаат на гостите да откријат милиони уникатни сместувања низ целиот свет. Над 60 различни категории ги класифицираат сместувањата според нивниот стил, локација или близина до некоја активност.

Сега може да дознаете во која категорија на Airbnb се наоѓа секое од вашите сместувања од вашиот софтвер. Ова беше главно барање од домаќините и ќе ви овозможи да разберете како вашите огласи се прикажани на Airbnb.

Ќе добиете известување во поврзаниот софтвер кога ќе треба да го пополните потребниот формулар за усогласеност со регулаторните барања или да обезбедите други деловни информации. Исто така, ќе може да добивате пораки во вашиот софтвер ако се потребни дополнителни информации. 

Треба да ги собереме и потврдиме деловните податоци на домаќините на Airbnb за да бидеме во согласност со локалните закони. Ова ажурирање ви овозможува да бидете свесни и да ги пополните барањата за согласеност со регулаторните барања од вашиот софтвер.

Ни кажавте дека сакате да можете да наведете точно колку миленичиња сакате да угостувате. Сега лесно може да го внесете максималниот број на миленичиња што сакате да ги пречекате, најмногу до пет.

Исто така, слушнавме дека сакате да можете да им ја понудите промоцијата за нов оглас на гостите од вашиот софтвер. Автоматски применете ја промоцијата со попуст од 20% на првите три резервации кога создавате нов оглас.