Одете напред за да пристапите до предложените резултати

    Летното издание на Airbnb за 2022 г.: што треба да знаат гостите

    Создаваме нови начини за откривање на вашите сместувања и додаваме AirCover за гости.
    Од Airbnb на 11 мај 2022 г.
    Видео од 8 мин.
    Ажурирано на 11 мај 2022 г.

    Исклучителни одлики

    Порака од Брајан Чески, главен извршен директор и соосновач на Airbnb

    Секој од вашите домови на Airbnb е уникатен. Но во последните 25 години тешко беше да се најдат поради традиционалното пребарување на сместувања. Тоа е затоа што луѓето мора да внесат локација и датуми во полето за пребарување, а гледаат само резултати што се совпаѓаат со она што го пишуваат во полето.

    Почнувајќи од денес, со помош на категориите на Airbnb, им овозможуваме на луѓето да ги откријат вашите сместувања полесно од кога било. Сега, кога гостите ќе го отворат Airbnb, веднаш ќе видат над 50 категории со 4 милиони домови, а секоја категорија ги прикажува работите по кои вашите имоти се истакнуваат, вклучувајќи ги и нивниот стил и удобности, локацијата и активностите во близина, како што се голф, сурфање и скијање.

    Дури и ако гостите пребаруваат на точно одредена дестинација, ќе им покажеме категории со дополнителни сместувања што инаку можеби никогаш не би ги нашле. Ќе додадеме уште повеќе категории со текот на времето, бидејќи веруваме дека може да постои категорија за секој дом и секој домаќин. И тоа не е сѐ.

    Бидејќи сѐ повеќе луѓе престојуваат на подолг период, сакавме да обезбедиме уште повеќе опции за овој вид патувања. Затоа ја воведуваме новата и иновативна функција „Поделени престои“ која спојува две сместувања во една резервација. Ова значи дека кога гостите ќе пребаруваат сместувања за подолг престој ќе видат во просек до 40% повеќе сместувања. За гостите ја додаваме и програмата за заштита AirCover, програма којашто веќе ја воведовме за домаќините минатата есен.

    Со оглед на тоа дека сите овие функции се дел од едно ажурирање, ова издание е најголемата промена на Airbnb во последнава деценија.

    – Брајан Чески

    Категории на Airbnb

    Ви претставуваме нов начин на прелистување заснован на категориите на Airbnb. Кога гостите прелистуваат на Airbnb, им се прикажуваат над 56 категории кои ги групираат сместувањата во избрани колекции врз основа на нивниот уникатен стил, локација или близина до некоја туристичка активност.

    Категориите прикажуваат места со прекрасен поглед или инспиративен дизајн, имоти кои се наоѓаат во близина на езеро или на национален парк и сместувања кои нудат пристап до легендарни градови или голф. Ова се само неколку од категориите што вклучуваат 4 милиони уникатни сместувања овозможени од вас.

    Кога гостите пребаруваат по точно одредена дестинација, сместувањата ќе им се прикажуваат во категоријата наречена „Сите сместувања“. Ќе им се прикажуваат и дополнителни категории врз основа на таа локација, со што ќе им биде полесно да откријат неверојатни сместувања во регионот во кој пребаруваат или во негова близина. Огласите за едни исти сместувања може да се појават и во повеќе категории. Значи, ако вашето сместување на езерото Тахо има голема кујна, освен тоа што ќе се појавува во резултатите од пребарувањето за езерото Тахо, огласот може да се прикажува и во категоријата „Во близина на езеро“ и во категоријата „Големи кујни“.

    Придобивките од ова се уште поголеми за оние од вас чии сместувања не се наоѓаат на најпопуларните туристички дестинации. На гостите им е полесно да откријат уникатни сместувања на места кои инаку не би ги пребарувале. На пример, некој амбициозен музичар кој пребарува во категоријата „Креативни места“ може да најде сместување во Џорџија со студио за снимање со целосна опрема.

    Категориите можат дури и да ги инспирираат гостите да престојуваат на нови локации. Со досегашните начини на пребарување, некој што сакал да оди на одмор во Обединетото Кралство можеби размислувал да престојува само во Лондон или на места што ги познава. Сега луѓето може да пребаруваат низ категории што ги интересираат и да добијат инспирација да престојуваат во сместување во село недалеку од Оксфорд или миникуќи во близина на Манчестер.

    Сместувањата во секоја категорија поминуваат низ процес на одбирање. Милиони активни огласи на Airbnb се проценуваат со помош на машинско учење за анализа на наслови, описи, описи на фотографии, структурирани податоци од домаќини и рецензии.

    Овие нови категории се само почеток на овој нов начин на истражување. Со текот на времето, ќе воведеме уште повеќе категории кои ги покажуваат уникатните карактеристики и специјалните локации на вашите имоти.

    Што може да направите како домаќин:

    • Огласите и понатаму се рангираат врз основа на бројни фактори, како што се квалитетот, цената, популарноста, близината (кога се пребарува по локација) и квалитетот на фотографиите. Затоа, погрижете се податоците на огласот да ви бидат актуелни, целосни и точни.
    • Фотографиите од сместувањето кои претставуваат одредена категорија и имаат потенцијал да ги инспирираат гостите обично се прикажуваат на повисоко место во категоријата. Не заборавајте да додадете одлични фотографии на вашиот оглас.
    • Во подесувањата за огласот истакнете ги уникатните карактеристики на вашето сместување, како што е неговото историско значење или одличниот дизајн.
    • Дознајте повеќе за категориите на Airbnb.

    Поделени престои

    Бидејќи сѐ повеќе гости бараат сместувања за подолги престои, може да најдат ограничен број на сместувања кои се достапни за целиот период на нивното патување.

    Поради таа причина, ако досега вашето сместување не беше достапно за целото времетраење на престојот на гостинот, огласот немаше да се покажува во резултатите. Затоа ја создадовме новата иновативна функција „Поделени престои“ која им овозможува на гостите да го поделат своето патување помеѓу две сместувања. На тој начин гостите ќе видат и до 40% повеќе сместувања кога пребаруваат сместувања за престој од 14 ноќевања или повеќе.*

    Кога гостинот бара сместување за една недела или повеќе, поделените престои автоматски се појавуваат во резултатите од пребарувањето. Гостинот потоа ќе може да избере некои од сместувањата кои се достапни за целото времетраење на престојот или опција која го дели патувањето помеѓу две сместувања на истата дестинација.

    Претходно, ако некој гостин пребарувал сместување за еден месец, но ако вашето сместување било достапно само две недели во тој период, тоа не би се појавило во резултатите од пребарувањето. Со функцијата „Поделени престои“, вашето сместување може да биде споено со друго сместување за да се покрие целото времетрање на патувањето, така што ќе стане опција за голем број на гости.

    Секој поделен престој спојува два имота кои се совпаѓаат по локацијата, видот на имот и удобностите од пребарувањето. На пример, ако некое семејство бара место со карактеристики за пристапност за лица со попреченост, како што е влез за гости без скали или пошироки врати, предложените поделени престои ќе вклучуваат две сместувања што ги содржат овие карактеристики.

    На мапата, функцијата „Поделени престои“ се прикажува со анимирана линија која визуелно ги поврзува двете сместувања за да им го покаже на гостите растојанието меѓу нив и редоследот на престоите. Откако гостинот ќе избере поделен престој, ќе може да следни лесна постапка за да го резервира секое сместување поединечно, на ист начин како што и досега е резервирано вашето сместување.

    Што може да направите како домаќин:

    • Огласите ќе ги исполнуваат условите да бидат вклучени во „Поделени престои“ ако имаат минимум три слободни ноќевања, затоа би било добро да си го ажурирате календарот.
    • За да ги исполните условите за уште повеќе поделени престои, ви препорачуваме да ја зголемите максималната должина на престој на најмалку седум ноќевања.
    • Исто така, сега е добро време да ги истакнете популарните удобности за подолг престој, како што се брз и сигурен wifi, погодно место за работа со лаптоп и карактеристики за пристапност за лица со попреченост.
    • Дознајте повеќе за тоа како да ги привлечете гостите кои се заинтересирани за подолг престој.

    AirCover – заштита за сите домаќини и гости

    Силата на Airbnb се темели врз посветеноста на домаќините да им понудат одличен престој на гостите. Бидејќи сѐ повеќе гости откриваат сѐ повеќе сместувања на Airbnb, сакаме да знаат дека ако дојде до некаков проблем ќе бидеме тука за нив и дека ќе им помогнеме да најдат решение.

    Во ретките случи кога ќе се случи нешто што е надвор од вашата контрола и не сте во можност да го решите проблемот, Airbnb е тука да помогне. Затоа додаваме дополнителни заштити во рамките на AirCover за сите домаќини и сите гости да бидат покриени. Ова ќе направи сите да се чувствуваат сигурно ако сакаат да угосуваат или да престојуваат преку Airbnb.

    Во ноември 2021 година, го воведовме AirCover за домаќини – целосна заштита, бесплатно за секој домаќин и само на Airbnb. AirCover за домаќини обезбедува „Заштита на домаќинот од оштетување“ во износ од 1 милион долари и „Осигурување од одговорност на домаќинот“ во износ од 1 милион долари.**

    Ако се појави некој сериозен проблем за време на престојот на гостинот и не можете да го решите, AirCover нуди четири вида заштита за секој гостин при секој престој:

    1. Гаранција за заштита на резервацијата: во случај да треба да ја откажете резервацијата на гостинот во период од 30 дена пред пријавувањето, на вашиот гостин ќе му најдеме слично или подобро сместување и тој трошок ќе го сноси Airbnb или ќе му ги вратиме парите.
    2. Гаранција за пријавување: ако гостинот не може да се пријави во вашето сместување, а вие не можете да го решите проблемот (на пример, ако гостинот не може да пристапи до вашиот имот и не може да стапи во контакт со вас), ќе му најдеме слично или подобро сместување за времетраењето на неговиот првичен престој и тој трошок ќе го сноси Airbnb или ќе му ги вратиме парите.
    3. Гаранција за точност на огласот: ако во кој било момент за време на престојот гостинот смета дека вашиот простор не одговара на описот во огласот (на пример фрижидерот престане да работи, а вие не можете лесно да го поправите или има помалку спални соби отколку што е наведено), тој има три дена да го пријави проблемот, а ние ќе му најдеме слично или подобро сместување и тој трошок ќе го сноси Airbnb или ќе му ги вратиме парите.
    4. Деноноќна линија за безбедност: ако гостинот некогаш не се чувствува безбедно, ќе добие деноноќен и приоритетен пристап до специјално обучени агенти за безбедност.

      Добијте детални информации за тоа како AirCover ја штити резервацијата на секој гостин и за сите исклучоци кои важат.

      Ве потсетуваме дека AirCover е секогаш вклучен и секогаш бесплатен за вас и за вашите гости. Неговите функции се достапни директно во Airbnb апликацијата и на веб-страницата, што им олеснува на гостите да ве контактираат или да добијат помош од „Поддршката на заедницата“ ако им е потребно.

      Што може да направите како домаќин:

      • Продолжете да бидете брзи во комуникацијата со гостите бидејќи вие сте секогаш најдобрата личност за да ги решите нивните проблеми.
      • Најдете одговори на прашањата во врска со AirCover за гости.
      • Ако сѐ уште не сте го направиле тоа, прегледајте ги бесплатните придобивки што ви се достапни преку AirCover за домаќини.

      *Врз основа на внатрешните податоци на Airbnb за тестирањето од 14.04.2022 г.

      **„Заштитата на домаќинот од оштетување“, „Осигурувањето од одговорност на домаќинот“ и „Осигурувањето од одговорност за доживувања“ не ги покриваат домаќините кои нудат сместувања преку Airbnb Travel, LLC, ниту пак домаќините со сместувања во континентална Кина и Јапонија, каде што важат „Планот за заштита на домаќините во Кина“, „Осигурувањето на домаќини во Јапонија“ и „Осигурувањето за заштита за време на доживувањето во Јапонија“. „Заштитата на домаќинот од оштетување“ не е поврзана со „Осигурувањето од одговорност на домаќинот“. Имајте предвид дека сите ограничувања на покритието се прикажани во американски долари, а постојат и други правила, услови и исклучоци.

      Информациите што ги содржи статијава може да се променети по објавувањето.

      Исклучителни одлики

      Airbnb
      11 мај 2022 г.
      Дали ова беше корисно?

      Можеби ќе ви се допадне и

      Можеби ќе ви се допадне и

      Разгледајте повеќе теми