Одговори на најчестите прашања за процесот на чистење во пет чекора

Гостите се грижат за чистотата, од средствата што ги користите до дополнителните чекори што ги преземате, сакаат да знаат што правите за да помогнете во зачувување на нивната безбедност. И не се единствените. Владини претставници и креатори на политики се фокусираат на практиките на чистење во обид да ги заштитат своите заедници сега кога продолжуваат патувањата и повторно се отвораат заедниците.

На почетокот на пандемијата, многумина од вас нѐ контактираа и побараа повеќе упатства за тоа како да ги исчистите и дезинфицирате вашите сместувања. Тоа беше едно од најпопуларните барања во неодамнешните сесии за слушање со домаќини од целиот свет, а советите за чистење и понатаму се популарна тема во дискусиите во „Центарот на заедницата“ и овде во „Центарот за информации“.

Затоа го развивме процесот за потемелно чистење во пет чекора, којшто им помага на домаќините како вас поефикасно да чистат за време на COVID-19 и општо. Процесот во пет чекора се заснова на прирачникот за чистење на Airbnb, којшто е создаден во соработка со експерти. Знаеме дека може да биде тешко да се усвои нова процедура за чистење, поради што сеопфатниот прирачник вклучува упатства, безбедносни совети и листи на барања поддржани од експерти.

Знаеме дека можеби имате прашања во врска со процесот и дадовме сѐ од себе да одговориме на нив тука.

Каде може да ги најдам информациите за потемелно чистење?
Процесот на потемелно чистење во пет чекора се заснова на прирачникот за чистење на Airbnb, којшто е создаден во соработка со експерти. Сеопфатниот прирачник вклучува совети поддржани од експерти, список на средства што треба да ги снабдите и листи на барања. Може да најдете дополнителни совети, приспособени листи на барања и друго во делот за чистење на јазичето „Сознанија“.

Која е разликата помеѓу процесот за потемелно чистење во пет чекора и безбедносните практики за COVID-19?
Процесот на потемелно чистење во пет чекора е само еден дел од безбедносните практики за COVID-19. Домаќините и гостите мора да носат маска и да практикуваат социјално дистанцирање кога комуницираат во живо ако тоа се бара согласно локалните закони или упатства.

Дали безбедносните практики за COVID-19 важат за гостите?
Да, кога тоа се бара согласно локалните закони или упатства, практиките за здравје и безбедност на Airbnb налагаат гостите да носат маска за лице и да одржуваат растојание од 6 стапки (2 метра) кога комуницираат во живо со домаќини или други гости кои не се во нивната група.

Зошто сега сите домаќини се задолжени да го следат овој процес за потемелно чистење во пет чекора?
Бидејќи пандемијата и понатаму трае, важно е сите да дадеме сѐ од себе за да помогнеме и да го спречиме ширењето на COVID-19. Знаеме дека може да биде тешко да се усвои процедурата за чистење, па затоа составивме сеопфатен прирачник за чистење, којшто вклучува упатства, безбедносни совети и листи на барања поддржани од експерти.

Како гостите ќе знаат дека сум се обврзал на процесот на потемелно чистење во пет чекора?
Откако домаќините ќе се обврзат на процесот, нивната посветеност кон потемелното чистење ќе се прикаже на страницата со огласот, за гостите да знаат дека се согласиле да следат доследен стандард за чистење. Има неколку работи што треба да ги знаете:

• За нивната посветеност на потемелно чистење да се прикаже на страницата со огласот, Домаќините ќе треба да се согласат да го следат процесот за потемелно чистење во пет чекора за сите свои огласи помеѓу секој престој на гостите
• Домаќините на приватни соби ќе треба да ги следат дополнителните упатства како дел од процесот на чистење
• Откако ќе се обврзете на процесот, вашата посветеност кон потемелното чистење ќе се појави на страницата со огласот во рок од 24 часа

Како Airbnb ќе потврди дека домаќините го следат процесот на чистење?
Домаќините се задолжени да го следат процесот за потемелно чистење во пет чекора. Нашиот систем за рецензии нуди дополнителни проверки и порамнувања, па ако домаќинот не ги следи барањата, гостите може да го нагласат тоа во своите рецензии за сместувањето. Гостите, исто така, може да побараат враќање на парите за престојот ако ги исполнуваат условите според нашите „Правила за враќање на парите на гостите“, така што ќе контактираат со корисничката поддршка.

Што ако не ги потврдам барањата за безбедност во врска со COVID-19?
Домаќините кои нудат сместувања ќе најдат потсетник во нивната апликација или контролна табла што ќе го вклучува процесот за потемелно чистење во пет чекора и страница каде што може да ги потврдите безбедносните барања за COVID-19. Ако не ги потврдите барањата, вашата сметка може да биде предмет на предупредувања, суспензии и, во одредени случаи, отстранување од Airbnb.

Што ако гостинот пријави домаќин кој се обврзал на процесот на чистење во 5 чекора, но не се придржува на стандардите?
Веруваме дека повеќето случаи може да се решат со дополнителна обука и поддршка на домаќинот. Сепак, домаќините кои постојано или сериозно ги прекршуваат стандардите за чистење може да бидат предмет на предупредувања, суспензии и, во одредени случаи, отстранување од платформата на Airbnb.

Следењето на процесот на чистење во пет чекора ќе чини повеќе. Како ќе платам за тоа?
Како домаќин, имате можност да додадете надоместок за чистење* во огласот и сами да одлучите колку ќе наплаќате. Додавањето надоместок за чистење (или прилагодувањето на вашиот ако веќе имате) може да помогне да се надоместат сите дополнителни трошоци за следење на овие барања.

Домаќин сум во приватна соба. Дали треба да го следам процесот на чистење во пет чекора?
Да, домаќините на сместувања мора да го следат процесот на чистење во пет чекора. Откако домаќинот ќе се обврзе на процесот, неговата посветеност на подобрено чистење ќе се прикаже на страницата со огласот. Знаеме дека домаќините со заеднички простории се соочуваат со уникатни предизвици кога станува збор за чистењето и социјалното дистанцирање, па затоа вклучивме дополнителни упатства.

Најмив професионален чистач. Како да се осигурам дека ги исполнува барањата?
Треба да го споделите процесот во пет чекора, прирачникот за чистење и други материјали во „Центарот за информации“ со вашиот професионален чистач и да се уверите дека се согласува да ги следи стандардите. Ќе треба да се согласите со секој чекор во име на вашиот чистач и да преземете одговорност дека ги следи чекорите.

Дали се потребни меѓупериоди за резервации ако се обврзам на процесот на потемелно чистење во пет чекора?
Имајте предвид дека ако се обврзете на процесот на чистење во пет чекора, се согласувате да ги почитувате локалните закони. Ова вклучува следење на сите дополнителни упатства за безбедност или чистење од вашиот надлежен владин орган, на пример, колку долго треба да почекате пред да влезете во сместувањето. На пример, Центрите за контрола и спречување на болести на САД предлагаат да се почека што е можно подолго (барем неколку часа) откако гостинот ќе замине. Ако сакате да поставите меѓупериод помеѓу одделните резервации, тоа може да го направите во подесувањата. Оставањето дополнително време помеѓу престоите не само што го намалува ризикот од изложување на бактерии, туку и ви дава повеќе време по секој гостин да го исчистите, дезинфицирате и одново да го наместите сместувањето.

Домаќин сум на Airbnb доживување. Дали имате барања за чистење и за мене?
Да. За оние кои угостуваат во земја или регион каде што доживувања што се одвиваат на лице место почнаа повторно, создадовме група упатства за чистење и препораки и барања за здравје и безбедност специјално за вас.

Покрај барањата, дали имате дополнителни упатства за угостување и патување за време на COVID-19?
Покрај безбедносните практики за COVID-19, еве и други чекори што домаќините и гостите мора да ги преземат кога угостуваат и патуваат во овој период:

• Погрижете се да ги миете рацете често и избегнувајте да го допирате лицето во секое време
• Не патувајте или угостувајте ако неодамна сте биле изложени на COVID-19 или имате симптоми
• За повеќе информации, прочитајте ги упатствата за здравје и безбедност за домаќините и гостите и следете ги сите релевантни локални барања

Како можам да бидам во тек со локалните закони и упатства?
Ситуацијата продолжува да се развива, а одредени правила и препораки (на пример, колку долго треба да почекате пред да влезете во сместувањето) може да се разликуваат во зависност од тоа каде угостувате. Обележете ја нашата статија во „Центарот за помош“ за повеќе информации за законите и упатствата за чистење во вашиот регион. Исто така, може да ја препорачате оваа страница со информации за тековни совети за патување, ограничувања и маски и упатства за социјално дистанцирање во вашата област.

Се надеваме дека овие информации ќе ви бидат корисни додека ја преиспитувате вашата процедура за чистење. Ни значи тоа дека домаќините се трудат да им овозможат безбедност и удобност на гостите во ова тешко време.

Информациите што ги содржи статијава може да се променети по објавувањето.

*Со исклучок на домаќините кои нудат сместувања во континентална Кина. Дознајте повеќе