Сѐ што треба да знаете за надоместоците за чистење

Одлуката дали да додадете надоместок за чистење е клучен дел од вашата стратегија за одредување цени. Некои домаќини сметаат дека тоа е корисен начин за враќање на трошоците за чистење. Но ако надоместокот е премногу висок, може да ги обесхрабри гостите да го резервираат вашиот дом и да ја намали вашата заработка.

Еве што треба да имате на ум додека размислувате за трошоците за чистење и можноста за резервирање.

Гостите ни кажуваат дека пред сѐ ги ценат чистиот простор и правичната цена. Една од најчестите причини поради кои гостите им даваат помалку од пет ѕвезди на домаќините е недоволната чистота. Нашето истражување покажува дека ако за вашето сместување има надоместок за чистење, гостите ќе очекуваат повисок стандард на чистота, а тоа може да доведе до построга рецензија за престојот.

Ако изберете да додадете надоместок за чистење, тоа ја зголемува вкупната цена за престојот и е видливо за гостите како посебна наплата при одјавувањето. Високиот надоместок за чистење може да ги натера гостите двапати да размислат дали да резервираат кај вас. Гостите имаат можност и да ја вклучат функцијата за прикажување на вкупната цена која им овозможува да ги гледаат вкупните трошоци за огласите во резултатите од пребарувањето, вклучувајќи ги и сите надоместоци.

Одржувањето конкурентна цена може да помогне вашиот оглас да се истакне и да се рангира повисоко и во резултатите од пребарувањето. Алгоритмот на Airbnb им дава приоритет на вкупната цена и квалитетот на сместувањето во споредба со сличните сместувања во близина.

Може да ги користите алатките за одредување цени во календарот за да ја видите вкупната цена за различни датуми и видови патувања и да ја споредите со слични сместувања во близина.

Откако ќе најдете систем за чистење кој ви одговара, додајте ги трошоците и поставете точен буџет за чистење. Еве неколку совети што треба да ги земете предвид при проценката на трошоците:

• Споредете ги цените. Ако најмите професионален куќен помошник, споредете ги неговите надоместоци со оние на други фирми за да ја најдете најдобрата цена, а сепак да плаќате соодветна плата.
• Преговарајте со лицата задолжени за чистење. Размислете да го прашате вашиот куќен помошник дали ќе прифати помалку пари за почеста работа. „Понудивме месечен загарантиран приход за време на сезоната со ниска побарувачка, дури и ако сме имале само една или две резервации“, вели Лорна, домаќин. „За да компензираме, плаќавме малку помалку за време на сезоната со голема побарувачка.“
• Снабдете се. Размислете за средствата за чистење што најчесто ги користите. Нарачувањето на овие предмети на големо обично чини помалку со текот на времето.

Одредете како ќе ги покриете трошоците за чистење и одржувајте ја цената на вашиот дом конкурентна. Размислете за следново:

• Истражување потенцијални даночни одбитоци. Можеби ќе можете да си вратите некои од трошоците за угостување, вклучувајќи ги и трошоците за чистење, кога ќе ги пријавите даноците на приход. Лице кое е стручно во даночната област може да ви даде повеќе детали или да ви помогне.
• Вклучување на трошоците во вашата цена за ноќевање. Пресметајте колку плаќате за средства за чистење, услуги за перење алишта и одржување на домот, заедно со другите оперативни трошоци. Ова ќе ви ја даде целосната слика и ќе ви помогне да ја одредите вашата цена за ноќевање.
• Додавање надоместок за чистење. Користете го ова за да платите за средства за чистење или за професионални услуги за чистење, а не како начин да остварите дополнителна заработка.

Ако одлучите да додадете надоместок за чистење, имате неколку опции:

• Поставете стандарден надоместок. Додајте еден надоместок за чистење за сите гости, без оглед на должината на нивниот престој. Ова може да биде добра стратегија за домаќини кои дозволуваат подолги престои.
• Променете го надоместокот за чистење. Привлечете гости кои резервираат кратки престои од само едно или две ноќевања поставувајќи понизок надоместок за чистење. Може да го задржите стандардниот надоместок за чистење за сите други резервации.

Ако сте нови во угостувањето, не додавајте надоместок за чистење додека не добиете неколку одлични рецензии за да поттикнете резервации.

Додајте или уредете надоместок за чистење од јазичето за цени на календарот на вашиот оглас.

Во ретките случаи кога на вашиот дом му е потребно посебно подлабинско чистење по одреден престој, како за отстранување дамки и чад, може да ви бидат вратени парите како дел од AirCover за домаќини. „Заштитата на домаќинот од оштетување“ покрива средства во износ до 3 милиони американски долари. Ова е одвоено од вашиот надоместок за чистење и не е потребно однапред да го поставите.

AirCover за домаќини, „Заштитата на домаќинот од оштетување“, „Осигурувањето од одговорност на домаќинот“ и „Осигурувањето од одговорност за доживувања“ не ги покриваат домаќините што нудат престои или доживувања во Јапонија, каде што важат „Осигурувањето за домаќини од Јапонија“ и „Осигурувањето за заштита за време на доживувања во Јапонија“, ниту домаќините што нудат сместувања преку Airbnb Travel LLC. Имајте предвид дека сите ограничувања на покритието се прикажани во американски долари.

„Осигурувањето од одговорност на домаќинот“ и „Осигурувањето од одговорност за доживувања“ ги преземаат осигурителни компании од трета страна. Ако угостувате во Обединетото Кралство, полисите за „Осигурување од одговорност на домаќинот“ и за „Осигурување од одговорност за доживувања“ ги презема Zurich Insurance Company Ltd. и се договорени и склучени без дополнителни трошоци за домаќините во Обединетото Кралство од страна на Airbnb UK Services Limited, назначен претставник на Aon UK Limited, кој е овластен и регулиран од Управата за финансиско работење. Регистарскиот број на Aon во УФР е 310451. Ова може да го проверите така што ќе го посетите Регистарот на финансиски услуги или ќе контактирате со УФР на 0800 111 6768. Полисите за „Осигурување од одговорност на домаќинот“ и за „Осигурување од одговорност за доживувања“ во рамките на AirCover за домаќини се регулирани од Управата за финансиско работење. Останатите производи и услуги не се регулирани производи договорени од Airbnb UK Services Limited. FPAFF405LC

„Заштитата на домаќинот од оштетување“ не е осигурување и не е поврзана со „Осигурувањето од одговорност на домаќинот“. Според „Заштитата на домаќинот од оштетување“, ќе ви биде надоместено за одредени штети предизвикани од гостите на вашиот дом и предмети ако гостинот не плати за тие штети. За сместувања во државата Вашингтон, договорните обврски на Airbnb според програмата „Заштита на домаќинот од оштетување“ се покриени со осигурителна полиса купена од Airbnb. За домаќини чија земја на живеење или основање е надвор од Австралија, важат овие услови за „Заштита на домаќинот од оштетување“. За домаќините чија земја на живеење или основање е во рамките на Австралија, „Заштитата на домаќинот од оштетување“ е предмет на условите за „Заштита на домаќинот од оштетување“ за корисниците од Австралија.

Информациите што ги содржи статијава може да се променети по објавувањето.