Создајте видео за вашето доживување што се одвива на лице место

Следејќи го овој едноставен водич, може да помогнете да се создаде уникатно и привлечно кратко промотивно видео за вашата страница со доживување што се одвива на лице место. Оваа услуга е достапна бесплатно за сите домаќини кои одржуваат доживување што се одвива на лице место.

Процесот е лесен. Сѐ што треба да направите е да ни испратите неколку клипови во кои ќе ги истакнете највпечатливите моменти од вашето доживување. Потоа, тим на професионални уредници ќе ја уреди снимката во кратко промотивно видео и ќе го додаде на вашата страница.

Снимајте разни видеа кои ги доловуваат различните елементи на вашето доживување. Идеално би било секој клип да трае од 10 до 15 секунди. Сите клипови мора да бидат снимани вертикално, што значи дека при снимањето секогаш треба да го ставате телефонот во вертикална положба.

За почеток, еве неколку идеи за тоа што да снимате:

• Детали од она што го прави вашето доживување да се истакнува.

• Локацијата или атмосферата на доживувањето.

• Крупни кадри од материјалите и предметите што се користат за време на доживувањето.

• Интеракцијата помеѓу вас и вашите гости.

• Крајниот производ или заклучокот од доживувањето.

Погрижете се да снимите различни аспекти од вашето доживување од разни агли и растојанија (како на пример снимки во висина на очите, одгоре, оддалеку и одблизу).

• Користете паметен телефон, како на пример iPhone или Android. Поновите модели имаат одличен квалитет на видеата.

• Испланирајте што сакате да снимите за време на пробното организирање на доживувањето за пријателите или семејството.

• Погрижете се во просторот да нема неред за гостите да можат да се фокусираат на она што е најважно.

• Побарајте од некој пријател да сними клипови за да имате снимки и од вас.

• Дозвола од учесникот: пред да ги поставите вашите клипови, погрижете се да имате дозвола од луѓето во вашето видео за да знаат дека ќе биде јавно прикажано.

• Гласовни коментари или музика во заднина: снимајте ги само звуците што гостите обично ги слушаат за време на доживувањето. Не додавајте гласовни коментари или музика на вашите клипови.

• Логоа или други слики со авторски права: избегнувајте прикажување на брендирани производи, како што се маици или капи со логоа.

• Алкохол: не снимајте гости кои консумираат алкохол. Ако доживувањето вклучува пиење (како што е посета на повеќе барови или дегустација на вино), може да покажете кадри на кои се гледа како пијалаците се точат или се споделуваат на маса.

• Нелегално однесување: во видеоклиповите не смеат да се прикажуваат опасни или сексуално експлицитни сцени (вклучувајќи голотија), употреба на дрога од каков било вид или други забранети активности.

• Деца: ако се прикажуваат гости помлади од 18 години, уверете се дека ќе ги придружува возрасно лице.

• Правила за содржина: избегнувајте прикажување содржини кои ги прекршуваат нашите правила за содржини или авторски права.

• Регионални исклучоци: домаќините кои нудат доживувања што се одвиваат на лице место во континентална Кина немаат пристап до оваа функција.

• Изберете од пет до десет од вашите омилени клипови и поставете ги користејќи го јазичето „Видео“ во делот „Вашите доживувања“. Испраќајте само оригинални видеоклипови кои не биле уредувани. Уредниците не можат да користат видеа што се изменети со филтри или ефекти.

• Уредниците ќе ги состават вашите клипови во кратко промотивно видео.

• Потребно е околу една или две недели за уредниците да го создадат вашето кратко промотивно видео. Штом сѐ ќе биде спремно, ќе го постават директно на страницата со огласот.

Ако имате прашања во врска со краткото промотивно видео или сакате да го промените, пополнете го овој формулар и нашиот тим ќе ве исконтактира.