Барања за здравје и безбедност за сместувањата на Airbnb

За време на пандемијата од COVID-19, важно е да ги имате предвид здравјето и безбедноста. Создадовме група на задолжителни безбедносни практики во врска со COVID-19 како за домаќините, така и за гостите на сместувањата на Airbnb врз основа на упатствата од Светската здравствена организација и Центрите за контрола на болести на САД. Покрај тоа, треба да ги знаете општите упатства за здравје и безбедност поврзани со COVID-19, да продолжите да ги следите важечките владини ограничувања и совети за патување и да ги следите сите национални и локални упатства.

Airbnb воведе упатства и програми коишто помагаат во справувањето со загриженоста околу здравјето и безбедноста, но тие мерки не може да ги исклучат сите ризици. Ви препорачуваме да побарате професионален совет и да бидете многу претпазливи кога одлучувате да резервирате сместување или доживување на Airbnb, особено ако сте во категорија со повисок ризик (на пр., лица на возраст од над 65 години или лица со постоечки медицински проблеми, како дијабетес или срцеви заболувања). Дознајте повеќе за упатствата за здравјето и безбедноста за домаќините и гостите на Airbnb доживувања.

Безбедносни практики во врска со COVID-19 (задолжително)

Носете маска и практикувајте социјално дистанцирање кога тоа се бара со локалните закони и упатства

Кога тоа се бара со локалните закони или упатства, сите домаќини и гости мора:

• Да носат маска или прекривка за лице кога комуницираат во живо.
• Да одржуваат меѓусебно растојание од 2 метра (6 стапки) во секое време.

Следете го процесот за потемелно чистење во 5 чекора на Airbnb

Сите домаќини и гости треба да ги следат безбедносните практики во врска со COVID-19 коишто се наведени погоре, како што е применливо, вклучувајќи го и процесот за потемелно чистење во 5 чекора на Airbnb помеѓу секој престој на гостите. Секој домаќин или гостин кој повеќепати ќе ги прекрши овие упатства може да се соочи со други последици, вклучувајќи и суспензија на сметката или отстранување од заедницата.

Дополнителни упатства за патување и угостување за време на COVID-19

Не патувајте и не угостувајте ако неодамна сте биле изложени на COVID-19 или имате симптоми

За да се заштитат здравјето и безбедноста на нашата заедница, домаќините (и сите луѓе што можеби се присутни во сместувањето пред или за време на престојот) не треба да влегуваат во сместувањето или да комуницираат со гостите, а гостите не треба да се пријавуваат во сместувањето ако нешто од следново е точно:

• Во моментот сте заразени или неодамна сте добиле позитивен резултат на тест за COVID-19.
• Се сомневате дека сте болни или сте биле изложени на вирусот и чекате резултати од тестот за да се потврди дали имате COVID-19 или не.
• Имате симптоми или сте загрижени дека можеби сте се заразиле со COVID-19.
• Сте имале близок, подолг контакт со лице за кое е потврдено или за кое постои сомнеж дека е заразено со COVID-19.

За повеќе детали околу одговорното патување за време на пандемијата од COVID-19, разгледајте ја нашата статија за сместувањата за карантин и изолација.

Редовно мијте ги рацете

Не заборавајте да ги миете рацете често, особено ако сте биле во контакт со луѓе што не се дел од вашата резервација и ако допирате површини и прибор во заеднички простор или во заедничка просторија.

• Мијте ги рацете правилно, со сапун и вода, најмалку 20 секунди.
• Ако немате сапун и вода при рака, користете средство за дезинфекција на раце што содржи најмалку 60% алкохол; прекријте ги рацете со средството и тријте ги додека не почувствувате дека се суви.

Следете ги локалните закони или упатства за носење маски и социјално дистанцирање во заедничките простори

Кога сте во заеднички простор (како домаќин или гостин), следете ги локалните закони и упатства за носење маска и социјално дистанцирање од сите лица кои не се дел од вашата резервација. Домаќините треба да размислат да овозможат пријавување без контакт, секогаш кога е тоа можно.

Не заборавајте дека ако не се чувствувате пријатно да престојувате во приватна соба или во заеднички простор, наместо тоа, може да се одлучите да резервирате цел објект. Ако не се чувствувате пријатно во врска со пречекувањето гости во приватна соба или во заеднички простор, може да го огласите целиот објект или да паузирате со угостување ако тоа не е можно.

Домаќините треба и да ги следат локалните упатства во врска со угостувањето во приватни соби, заеднички простори и вкупниот број на луѓе што е дозволено да се собираат во сместувањето.

Дополнителни упатства за домаќини на приватни соби и заеднички простори

Домаќините на приватни соби или заеднички простори треба и:

• Да го ограничат бројот на гости за да се овозможи социјално дистанцирање во сите заеднички простори кога тоа се бара од локалните закони или упатства.
• Да ги проветруваат заедничките простори во текот на престојот, кога е безбедно и сигурно да се прави тоа, како што е наведено во процесот за потемелно чистење во 5 чекора.
• Да ги чистат и дезинфицираат заедничките простори (како што се бањите и кујните) што е можно почесто.

Некои влади може да воведат ограничувања за угостувањето во приватни или заеднички соби или да наложат дополнителни обврски или барања за тие простори. Проверете ги и следете ги сите дополнителни упатства за безбедност и чистење од владата и/или здравствените органи во локалното подрачје на надлежност.

Што да правите ако добиете позитивен резултат на тест за COVID-19 за време на или по престојот

Ако неодамна сте добиле позитивен резултат на тест за COVID-19 или сте почнале да чувствувате какви било симптоми на COVID-19, контактирајте со медицинско лице и добро би било да го информирате секој што можеби бил засегнат или потенцијално изложен, покрај соодветните локални власти.