Совети од домаќините на Airbnb Plus: како да додадете внимателни детали

Секој домаќин на сместување од програмата Airbnb Plus има своја животна приказна, доаѓа од одредено опкружување и е поврзан со некое соседство, а сето тоа се одразува во нивниот стил на угостување и уникатните простори што ги изнајмуваат. Еве неколку инспиративни начини да ги споделите тие посебни детали со гостите:

Изненадете ги гостите со мали гестови кои имаат големо влијание, како што се оставање ладен пијалок, додавање свежо набрани цвеќиња или понуда да им резервирате маса каде што локалните жители претпочитаат да вечераат. Овие неочекувани детали прават гостите да се чувствуваат посебно додека се поврзуваат со места и луѓе во вашата заедница.

Оставете одличен прв впечаток со тоа што ќе понудите грицки, пијалоци и локални специјалитети. Размислете на тоа да оставите и работи што се лични за вас, како што е овошје од вашата градина или домашен леб, ако сакате да приготвувате печива.

Еден одличен пример на убав гест: „Елена, освен кафе, ни остави и olio nuovo [еднаш пресовано екстра девствено маслиново масло] од семејната фарма“, вели Наташа, гостинка која престојуваше кај Елена, домаќин на сместување од програмата Airbnb Plus, на нејзината фарма за маслинки во Фиренца, Италија. „Имавме сѐ што ни требаше за ноќ под ѕвездите!“

Пречекајте ги гостите со персонализирана порака на нивно име. Ако ја знаете причината за посетата, можете да им посакате убав помин на местото или настанот поради кои се дојдени во градот. Дури може да додадете и личен совет, на пример кој е најдобриот начин да се патува до местото дое коешто одат. Ако сте свесни дека гостите ќе бидат на меден месец или ќе слават роденден, оставете честитка или пак роденденски букет.

Слободно бидете креативни. „Поставивме огромна табла за луѓето да можат да оставаат пораки и предлози за другите луѓе. Често знаат да нацртаат и убави цртежи“, вели Елена.

Постојат многу начини за надминување на очекувањата на гостите и подигнување на границата за незаборавни престои, но некои од советите за угостување споделени тука се одличен начин за почеток.