Запознајте ги домаќините од Флорида кои ги пречекаа евакуираните од ураганот

Open Homes сега е Airbnb.org

Програмата Open Homes на Airbnb прерасна во Airbnb.org, сосема нова непрофитна организација чиј даночен статус според законот на САД се регулира со Дел 501(в)(3). Ви благодариме што ја создадовте заедницата на Open Homes со нас. Едвај чекаме да бидете дел од ова ново поглавје.

Кога Џејсон и Карен се разделиле за време на ураганот Мајкл, домаќините на Open Homes, Боб и Хуан, помогнале нивното семејство одново да се здружи.

Во октомври 2018 г., откако тропската бура ескалираше до ураган од категорија-5 над Западна Флорида (Florida Panhandle), Џејсон и Карен ги зеле своите деца за да избегаат во Орландо.

„Бидејќи сме од Флорида, малку сме тврдоглави кога станува збор за урагани“, вели Џејсон, чие семејство живее во Форт Волтон Бич, на пет километри од брегот. „Не ги земаме предвид освен ако не се силни – од категорија 3 или категорија 4. Ама кога овој стана силен од категорија 5, не требаше многу да се мислиме. Решивме да избегаме.“

„Ги затворија училиштата на два дена, што е невообичаено“, вели Карен, која предава глума во локално средно училиште. „Тогаш знаевме дека ситуацијата е сериозна. И сакавме да бидеме заедно, во случај да се случи нешто навистина катастрофално.“

Ураганот Мајкл го погоди копното во централна Флорида со ветрови од 240 километри на час, преплавувајќи ги автопатиштата со морска вода, соборувајќи ги далноводите и загрозувајќи цели населби. Во тоа време, Џејсон бил заглавен на службено патување, оддалечен на 10 часа од дома, а Карен била дома со нивните два сина. Семејството брзо сфатило дека засолништата во близина се полни, а хотелите прескапи.

„Ги проверив апликациите за резервирање хотелски сместувања и видов дека брзо се резервираат, а цените излегуваат од контрола, па ја отворив Airbnb апликацијата“, вели Џејсон. „Оттогаш во нашиот план за евакуација, Airbnb има дефинитивно предност пред хотелските сместувања. Не сакате да се најдете на патиштата обидувајќи се да се евакуирате кога невремето ќе ве погоди. Колку подолго чекате, толку повеќе луѓе одлучуваат да се евакуираат.“

Ја отворил Airbnb апликацијата на својот телефон и во едно известување имало прашање дали тој или неговото семејство се погодени од ураганот. Тогаш ја открил Open Homes, програма која ги поврзува луѓето засегнати од непогоди со бесплатни сместувања. До куќата што ја нашол – место со три спални соби и три бањи – можело да се стигне со автомобил и била совршено лоцирана за семејството повторно да се соедини.

Џејсон и Карен се сретнаа во сместувањето на Airbnb каде што престојуваа, во централна Флорида, јужно од Орландо – особено популарно место со оглед на неговата близина до Дизни Ворлд. Домот изгледаше многу опуштено, уреден во морски стил – со мебел во боја на скапоцен камен и шарено обоени ѕидови.

Сопрузите Боб и Хуан првпат го отвориле својот дом преку програмата во 2016 година и оттогаш вдомиле неколку семејства погодени од ураганите Ирма и Мајкл. Двојката е во брак седум години и заедно повеќе од една деценија; Боб е пензионер и управува со нивните имоти, а Хуан неодамна започна ЛГБТ-ориентиран бизнис за патување во Еквадор. До денес, тие имаат угостено повеќе од 2000 луѓе од над 35 земји.

„Кога стигнавме таму, се чувствувавме како да сме дома, далеку од дома“, вели Карен. „Се разбира дека бевме многу нервозни за нашиот дом, но убаво беше што дел од тој стрес го снема. Базенот беше пријатно изненадување.“

Три ноќи, семејството се одмарало, правело планови и ги следело вестите додека невремето се засилувало. „Бевме во стресна ситуација, но се чувствувавме згрижени“, вели Џејсон. „И тоа преку апликација.“

Иако Боб и Хуан биле дома во Форт Лодердејл, сепак можеле да придонесат и оддалеку. Хуан бил во близок контакт со Џејсон и често проверувал како е неговото семејство. „Сепак постои чувство на одговорност кога пречекувате гости во својата куќа“, вели Боб. „Дури и ако бегаат од уште полоши околности, ќе помислите: се надевам дека ништо нема да им се случи.“

Обично, Џејсон и Карен се подготвуваат за сезоната на урагани така што се снабдуваат со храна што не се расипува и ја полнат кадата со мраз и дополнителни количества на вода. „Ако чекате до последниот момент, кога сите ќе одат во продавниците, полиците се празни“, вели Карен. „Чуваме батерии, фенери и рачно управувани полначи за нашите телефони, во случај да снема струја.“

Хуан и Боб се подготвија да го угостат семејството на Џејсон и Карен, како што би го угостиле секој друг гостин на Airbnb. „Кога патуваме, сите сакаме да најдеме место каде што ќе се чувствуваме како дома“, вели Хуан, истакнувајќи дека оваа ситуација не е поинаква. „Место кое е чисто, каде што сте добредојдени и што ќе биде безбедно.“

Кога Џејсон и Карен се вратиле во нивната куќа подоцна таа недела, не затекнале значителна штета, но многу луѓе во нивната заедница немале толку среќа. „Ќе ни требаат многу години да се опоравиме и да изградиме сѐ одново“, вели Џејсон. „Веќе не се зборува за тоа на вестите, но сѐ уште има луѓе чии куќи беа срушени и живеат во шаторските населби во Панама Сити“. Најмалку 36 лица загинаа за време на ураганот Мајкл, најразорниот ураган во регионот од 1992 година.

„Има нешто што ве исполнува кога помагате некому без да очекувате нешто за возврат“, вели Хуан. „Џејсон се понуди да плати неколку пати и му кажавме дека нема потреба. Знаеме дека сте раселени и со задоволство ќе ви помогнеме.“

„Ако некогаш се најдеме на нивно место и ако ни се приближува ураган“, вели тој, „би било убаво да знаеме дека можеме да се потпреме на Open Homes.“

Информациите што ги содржи статијава може да се променети по објавувањето.