Како да станете Супердомаќин

Програмата за Супердомаќини на Airbnb ги препознава нашите највисоко оценети, најискусни домаќини.

Го славиме и наградуваме исклучителното гостопримство со значка на нивниот оглас, што може да им помогне да добијат повеќе резервации. Околу 59% од гостите велат дека статусот на Супердомаќин ги прави посигурни во квалитетот на сместувањето, а Супердомаќините заработуваат 60% повеќе од домаќините кои не се.* Супердомаќините, исто така, добиваат пристап до специјалната „Поддршка на заедницата“, покани за специјални настани, ваучери за патување и подобро прикажување во резултатите од пребарувањето.

Повеќе од 1,3 милиони домаќини станаа Супердомаќини, а и вие можете така што ќе ги зголемите резервациите и ќе обезбедите одлично гостопримство.** Неколку измени на календарот, освежување на огласот и дополнителна внимателност при комуникацијата може да направат голема разлика.

Супердомаќинот мора да биде сопственик на сместување со валидна сметка и да ги исполни овие четири критериуми во текот на изминатите 365 дена:

• Да добие доволно резервации. Да биде домаќин на најмалку 10 резервации или три резервации со вкупен број од најмалку 100 ноќевања за три престоја.
• Да избегне откажувања. Да одржува стапка на откажување под 1%, со исклучоци за откажувања поради големи нарушувачки настани или други важечки причини.
• Да им одговори на гостите. Да одржува стапка на одговор од 90% или повисока. Стапката на одговор е процентот на прашања од нови гости на кои сте одговориле во рок од 24 часа.
• Да му даде приоритет на гостопримството. Да одржува севкупна оцена од 4,8 или повисока.

Јасното и брзо одговарање, избегнувањето откажувања и давањето приоритет на гостопримството, исто така, може да помогне вашиот дом да се истакне во пребарувањето и да ја зголеми вашата заработка.

Еве совети кои ќе ви помогнат да ги исполните овие критериуми и да започнете да го користите статусот на Супердомаќин.

Ако отворите повеќе ноќевања во календарот, вашиот оглас ќе се појави во повеќе резултати од пребарувањето и ќе ги зголемите можностите да угостувате лица за да ги исполните критериумите за Супердомаќин.

Одете на календарот на вашиот оглас и побарајте ги блокираните ноќевања кои се појавуваат во сива боја. Отворете ги сите блокирани ноќевања за кои сте во можност да угостувате.

Дозволувањето пократки престои е уште еден начин на кој вашиот оглас може да се појави во повеќе резултати од пребарувањето. Може да го прилагодите минималниот број на ноќевања според денот од неделата. На пример, ако побарувачката на гостите е поголема за време на викендите, може да изберете да дозволите престој од едно ноќевање во средина на неделата, но не и кога гостите резервираат ноќевање во петок или сабота.

Нудењето поголема флексибилност и можноста гостите да резервираат непосредно пред пристигнувањето, исто така, помага да се привлечат повеќе резервации. Изберете минимално време од резервацијата до пријавувањето, во зависност од тоа колку време ви треба помеѓу резервацијата на гостинот и неговото пристигнување.

Исто така, може да дозволите барања со пократко известување од минималното време од резервацијата до пријавувањето. Ќе бидете замолени да ги прегледате и одобрите овие барања.

Огласите со цени пониски од другите слични сместувања во близина обично се рангираат повисоко во резултатите од пребарувањето. Може да ја прилагодите цената за ноќевање во споредба со конкуренцијата што би можело да ви помогне да остварите резервација за најмалку 10 престоја.

За да ги проверите цените на сличните сместувања во вашиот регион, одете на календарот на вашиот оглас и изберете опсег на датуми до 31 ден.

Просечните цени на слични сместувања ќе ги видите на мапата од вашиот регион. Факторите што одредуваат кои сместувања се слични ја вклучуваат локацијата, големината, карактеристиките, удобностите, оцените, рецензиите и другите сместувања што гостите ги прелистуваат додека го разгледуваат вашето.

Ако ја нудите истата цена за секое ноќевање, може да ги прилагодите цените за работни денови и викенди за да привлечете повеќе гости. Промената на цените врз основа на ноќевањето може да ви помогне да ги зголемите резервациите и заработката.

Додавањето попусти е уште еден начин да се истакнете кај гостите. Може да угостите различни патници така што ќе понудите:

• Неделни и месечни попусти. Понудете неделни попусти за престои од седум или повеќе ноќевања или месечни попусти за престои од 28 или повеќе ноќевања. Ова може да ја продолжи просечната должина на престој на вашите огласи и да го намали бројот на промени на гости.
• Попуст за рана резервација. Додајте попуст за резервации направени од 1 до 24 месеца пред пристигнувањето и создајте цврста основа на резервации пред сезоните со голема побарувачка.

Гостите гледаат специјална понуда во резултатите од пребарувањето и на страницата со огласот за неделни или месечни попусти од 10% или повеќе и за попусти за рана резервација од 3% или повеќе. Цената со попуст се појавува до првичната цена, која е прецртана.

Имајте предвид дека попустот за рана резервација не е достапен кога е вклучено „Паметното одредување цени“ и дека попустите за подолг престој треба да бидат во согласност со локалните правила и прописи.

Гостите ценат брза, јасна комуникација, а критериумите за Супердомаќини бараат од домаќините да имаат стапка на одговор од најмалку 90%. Поставувањето на брзи одговори ви помага лесно и ефикасно да им одговарате на гостите.

Брзите одговори се кратки шаблони за пораки кои се однесуваат на конкретни теми за кои домаќините често добиваат прашања. Може да ги напишете или уредите однапред за да ги испратите кога разговарате со некој гостин.

Да се стремите кон рецензии со пет ѕвездички, исто така, значи да ги предвидите потребите на гостите и да направите сѐ што е во ваша моќ да ги исполните кога е можно.

• Додајте лични детали. Малите гестови, на пример, да го понудите вашето омилено локално кафе или рачно напишана порака за добредојде, може да направат гостите да се чувствуваат посебно.
• Помогнете им на гостите да се чувствуваат како дома. Обидете се да го замислите вашиот простор и сѐ што нудите од нивна гледна точка. Нештата како што се овозможување рано пријавување и уредно диплење и редење на крпите може да придонесат во разликата помеѓу добрата и одличната севкупна оцена.
• Останете во контакт. Кажете им на гостите дека можат да ве контактираат вас или вашиот кодомаќин во секое време. Поставете ги известувањата да ви стигнуваат веднаш штом гостите ќе ви испратат порака.

Редовното освежување на страницата со огласот може да ви помогне да ги привлечете вистинските гости за вашето место.

Одличните фотографии привлекуваат внимание, помагаат да се постават јасни очекувања и им даваат поголема доверба на гостите да го резервираат вашиот дом. Може да ги ажурирате фотографиите од огласот за да го достигнете статусот на Супердомаќин.

• Испланирајте ги сликите. Фокусирајте се на тоа да направите слики што ги прикажуваат уникатните детали на вашиот дом, популарните удобности и карактеристиките за пристапност за лица со попреченост. Снимете ги од различни перспективи сите соби и простори што гостите може да ги користат.
• Поставете хоризонтални слики со висока резолуција. Фотографиите треба да бидат со големина од најмалку 800 пиксели на 1200 пиксели. Поголемите датотеки се подобри, до околу 10 мегабајти.
• Најмете професионалец. Размислете за тоа да ангажирате професионален фотограф за да ви помогне. Airbnb може да ве поврзе со професионалец во избрани градови низ целиот свет.
• Создајте фото-обиколка. Алатката на Airbnb автоматски ги сортира поставените слики по соби за да им помогне на гостите да го разберат распоредот на вашиот дом. Може да преместувате, отстранувате и додавате фотографии, да додавате детали за секоја соба и да пишувате описи за секоја фотографија.

Она што го кажува вашиот оглас е исто толку важно колку и тоа како изгледа. Вашиот наслов, опис и удобности обезбедуваат повеќе можности да ги привлечете гостите и да поставите јасни очекувања за нивниот престој.

• Вклучете краток, описен наслов на огласот. Проверете дали насловот нуди уникатна, точна перспектива на вашиот дом и околина. На пример, „Тивко студио во близина на Уфици“ со неколку збора објаснува дека местото е мирен стан што се наоѓа на централно место во Фиренца, Италија.
• Јасните, искрени описи на огласите обично најдобро функционираат. Вклучете конкретни детали што го опишуваат она што гостите може да очекуваат да го видат, чујат и доживеат во вашето сместување. На пример, може да кажете дека дворот е ограден, со многу простор за децата и миленичињата да трчаат наоколу.
• Додајте ги сите удобности што ги нудите. Размислете кои популарни удобности може да ги додадете или подобрите, на пример, да го замените сефот за клучеви со паметна брава или да го надградите вашиот wifi. Најпопуларните удобности кои ги бараат гостите вклучуваат самопријавување, wifi, машина за перење алишта, машина за сушење алишта, телевизор или кабелска телевизија и простор за скара.***

*Врз основа на средната заработка за Супердомаќини и лицата кои не се Супердомаќини од октомври 2023 г. до октомври 2024 г.

**Врз основа на внатрешните податоци на Airbnb од 7 октомври 2024 г.

***Според податоците на Airbnb со кои се мерат најчесто пребаруваните удобности во светот од 1 јануари до 30 јуни 2024 г.

Вие постојано ги контролирате цените и другите подесувања. Вашите резултати може да бидат различни.

На домаќините им беше платено за нивното учество во интервјуата.

Советите за угостување подлежат на локалните закони.

Информациите што ги содржи статијава може да се променети по објавувањето.