Добивање резервации кога побарувачката е ниска

Дури и најпопуларните сместувања имаат периоди со помалку резервации. Еве неколку начина на кои можете да ги користите алатките за угостување на Airbnb за да привлечете гости кога побарувачката е пониска.

Редовното прилагодување на цената може да ви помогне да останете конкурентни. Може да го направите следново според распоредот кој вам ви одговара:

• Додајте приспособена цена за викенд. Ако ја нудите истата цена за секое ноќевање, може да поставите различна цена за работни денови и за ноќевања во петок и сабота. Промената на цените врз основа на ноќевањето може да ви помогне да ги зголемите резервациите.
• Споредете ги сличните сместувања. Огласите со цени пониски од сличните сместувања во близина обично се рангираат повисоко во резултатите од пребарувањето. Може да ја прилагодите цената за ноќевање во споредба со резервираните и нерезервираните сместувања во вашиот регион.

Отворете го календарот на вашиот оглас и изберете опсег на датуми до 31 ден за да ги видите просечните цени на слични сместувања на мапата од вашиот регион. Факторите што одредуваат кои имоти се слични ја вклучуваат локацијата, големината, карактеристиките, удобностите, оцените, рецензиите и другите сместувања што гостите ги прелистуваат додека го разгледуваат вашето.

„Ги проверувам сместувањата кои се слични на моите за да се уверам дека цената ми е конкурентна“, вели Кејти, член на Советодавниот одбор на домаќини и Супердомаќин во Палм Спрингс, Калифорнија. „Важно е да бидете флексибилни во периодот со ниска побарувачка ако навистина сакате да привлечете луѓе во вашето сместување.“

Попустите за престои од седум или повеќе ноќевања може да ви помогнат да го подобрите рангирањето во резултатите од пребарувањето и да ја намалите промената на гостите, додека пократките престои може да ви помогнат да ги пополните празнините во календарот.

• Додајте неделен попуст. Гостите гледаат специјална понуда во резултатите од пребарувањето и на страницата со огласот за попусти од 10% или повеќе. Цената со попуст се појавува до првичната, која е прецртана.
• Намалете го минималниот број на ноќевања. Може да го прилагодите минималниот број на ноќевања според денот од неделата. Ако побарувачката е поголема за време на викендите, може да дозволите престој од едно ноќевање во средина на неделата, но не и кога гостите резервираат ноќевање во петок или сабота.

„За време на периодите со помала побарувачка, дефинитивно ќе го намалам минималниот број на ноќевања и тоа ми помага да привлечам луѓе кои можеби ќе дојдат само на неколку ноќевања“, вели Фелисити, Супердомаќин во Сиднеј, Австралија.

Обновувањето на деталите на огласот помага да се постават јасни очекувања и им дава поголема доверба на гостите да го резервираат вашиот дом, особено во периодите со помала побарувачка.

• Создајте фото-обиколка. Алатката на Airbnb автоматски ги сортира поставените слики по соби за да им помогне на гостите да го разберат распоредот на вашиот дом. Може да преместувате, отстранувате и додавате фотографии, да додавате детали за секоја соба и да пишувате описи за секоја фотографија.
• Додајте јасни инструкции за одјавување. Објаснете што е најважно гостите да направат пред да заминат, на пример, да заклучат. Секој може да го прочита ова пред да резервира, а повеќе гости резервираат сместувања со инструкции за одјавување. Гостите ни кажаа дека претпочитаат кратка листа за одјавување, затоа размислете да ги сведете задачите на минимум.

Стотици клубови на домаќини низ целиот свет им помагаат на домаќините на Airbnb да се поврзат и да учат едни од други. Видовме дека членовите на овие локални клубови заработуваат двапати повеќе од домаќините кои не се членови на клубот,* и имаат речиси трипати поголема веројатност да бидат Супердомаќини.**

Популарните активности во клубот вклучуваат:

• Размена на совети за угостување кои би можеле да помогнат да се зголеми заработката.
• Разговарање за прописите за краткорочно изнајмување.
• Споделување сигурни локални услуги, како што се чистачи и водоводџии.
• Присуство на ексклузивни настани за меѓусебно поврзување.

*Според внатрешните податоци на Airbnb, кога ќе се споредат просечната заработка и просечните оцени на членовите на глобалниот клуб на домаќини на Airbnb со целата глобална популација на домаќини, од септември 2022 г. до септември 2023 г. Податоците за заработката се разликуваат во зависност од локацијата, сезоната и видот на сместувањето.

**Според внатрешните податоци на Airbnb за статусот на Супердомаќин за домаќини кои се приклучиле од јули 2023 г. до јули 2024 г.

Вие постојано ги контролирате цените и другите подесувања. Вашите резултати може да бидат различни.

На домаќините им беше платено за нивното учество во интервјуата.

Советите за угостување подлежат на локалните закони.

Информациите што ги содржи статијава може да се променети по објавувањето.