Како едно соседство во Рим пречека бегалец во неговиот нов дом

Open Homes сега е Airbnb.org

Програмата Open Homes на Airbnb прерасна во Airbnb.org, сосема нова непрофитна организација чиј даночен статус според законот на САД се регулира со Дел 501(в)(3). Ви благодариме што ја создадовте заедницата на Open Homes со нас. Едвај чекаме да бидете дел од ова ново поглавје.

Кога Елс, Супердомаќин во Рим, прочитала за програмата Open Homes на Airbnb, се заинтересирала и одлучила да се регистрира. Има пречекувано патници од целиот свет во нејзиниот дом, но знаела дека искуството со угостување бегалци на кои им се нуди привремено сместување додека не се сместат во новите заедници ќе биде посебно.

Кога Refugees Welcome Italia ја исконтактирале Елс во врска со угостувањето на Фоде – млад човек од Мали, Западна Африка, кој неодамна добил статус на бегалец – таа била возбудена поради можноста да остави позитивен впечаток на нечиј живот. На крај, тоа искуство ги промени и двајцата.

Елс беше нервозна и возбудена што ќе биде домаќин на Фоде. Како Белгијка која живее во Рим, знаеше како е да се започне нов живот на чудно место и сакаше да го пренесе италијанското гостопримство што го искусила и сама. Со помош на Сара, социјален работник од Refugees Welcome Italia, знаеше што да очекува и дека Сара ќе ја поддржува во текот на целиот процес.

Кога Елс и Фоде се запознаа, меѓу нив се создаде поврзаност. Фоде е на иста возраст како синот на Елс, па таа почувствува „мајчински инстинкт“ кон него додека тој ѝ го раскажуваше своето патување. Во текот на престојот на Фоде, се претворија од странци во семејство. И нејзините соседи станаа дел од животот на Фоде. Исто како што ја примија Елс кога за прв пат се пресели од Белгија, го покажаа истото гостопримство и љубов кон Фоде. Кога Елс не беше дома, Фоде често поминуваше време со соседите од погорниот кат, вкусувајќи италијански јадења и запознавајќи се со нивните култури.

Фоде вели дека додека живеел со Елс бил најсреќен откако дошол во Италија. Беше изненаден што сите овие Италијанци се грижат за него, не затоа што мораа, туку затоа што сакаа. Започнувањето нов живот е застрашувачко, но нечија добрина може да значи многу. Ова искуство остави траен впечаток врз Елс и Фоде.

Придружете ѝ се на растечката заедница која ја активира моќта на споделувањето во тешки времиња.

За организацијата Refugees Welcome Italia

Refugees Welcome Italia (RWI) е непрофитна организација која е партнер на програмата Open Homes на Airbnb. Организацијата RWI е основана во декември 2015 година како дел од меѓународната мрежа на Refugees Welcome за да ги поврзе бегалците со локални луѓе (семејства, парови, самци) кои сакаат да ги примат привремено.

Информациите што ги содржи статијава може да се променети по објавувањето.