Одговори на вашите прашања за угостувањето во врска со COVID-19

Откако Светската здравствена организација го прогласи COVID-19 за глобална пандемија во март 2020 година, нашата заедница се соочи со невидени предизвици и време на неизвесност. Сакаме да продолжиме да ве поддржуваме одговарајќи на некои вообичаени прашања на домаќините за вакцините, варијантите на COVID-19, чистењето и друго.

Какви упатства можете да им понудите на домаќините во врска со тековните грижи поврзани со COVID-19, како што се новите варијанти?
Во текот на пандемијата од COVID-19, се консултиравме со врвни медицински експерти за да ни помогнат околу нашата реакција.

„Бидејќи гледаме како се појавуваат нови варијанти низ целиот свет, продолжуваме тесно да соработуваме со Airbnb за да ги следиме и ажурираме нашите препораки за заедницата на Airbnb според потребите“, вели медицинскиот советник на Airbnb, д-р Меган Кофи, лекар за инфективни болести, епидемиолог и истражувач.

„Airbnb сè уште бара од сите домаќини да го следат задолжителниот процес на чистење во 5 чекора, а исто така ги советуваме домаќините и гостите да ги почитуваат сите локални барања за здравје и патување“, вели таа.

За да им помогнеме на патниците да ги следат промените во упатствата поврзани со COVID-19, соработувавме и со Sherpa, онлајн алатка преку која патниците добиваат правила за патување во реално време за дестинации низ целиот свет. Домаќините и гостите можат да ја користат алатката Sherpa за да дознаат за барањата за тестирање, протоколите за карантин и други ограничувања.

Што да правам ако не можам да угостувам поради ограничувањата поврзани со COVID-19 во мојот регион?
Може да ја користите алатката Sherpa за да дознаете за барањата за тестирање, протоколите за карантин и други ограничувања во близина. Ако очекувате дека можеби ќе мора да откажете претстојна резервација поради ограничувања одредени од властите, ви препорачуваме да комуницирате со гостите што е можно порано за да ги известите дека нивното патување може да биде засегнато.

Искусните домаќини ни кажаа дека им предлагаат на гостите да резервираат повторно за датуми во иднина и понекогаш нудат дополнителни денови или други попусти за да ја зголемат шансата гостите да сакаат да презакажат.

Ако треба да откажете резервација поради ограничувања за патување или угостување одредени од властите, ви препорачуваме да контактирате со нашиот тим за „Поддршка на заедницата“ што е можно поскоро за помош при проверката на вашата ситуација. Ако откажете, нема да добиете исплата, но можеби ги исполнувате условите за отстранување на одредени дополнителни последици, како што е влијанието врз статусот на Супердомаќин.

Дали можам да побарам од моите гости да бидат вакцинирани или тестирани за COVID-19?
Домаќините може да постават сопствен куќен ред, вклучително и да наведат дали бараат од гостите да бидат вакцинирани или неодамна тестирани за COVID-19, освен ако не е забрането според важечките локални закони или прописи.

Ако барате гостите да бидат вакцинирани или неодамна тестирани, не заборавајте да го наведете тоа јасно во описот на сместувањето и да биде истакнато, како и во куќниот ред, за потенцијалните гости да не го пропуштат.

Кои се најновите упатства за чистење, социјално дистанцирање и маски?
Бидејќи и понатаму правиме напори да помогнеме во заштитата на нашите заедници и да го спречиме ширењето на COVID-19, домаќините се задолжени да го следат процесот за потемелно чистење во пет чекора помеѓу престоите. За детални упатства и листи на барања, може да го преземете нашиот прирачник за чистење којшто е создаден во соработка со медицински експерти.

Бидејќи Airbnb има сместувања низ целиот свет, а различни региони можеби се во различна фаза од нивните напори за спречување на COVID-19, ги замолуваме домаќините и гостите да ги следат локалните закони и упатства за носење маска и социјално дистанцирање. Кога тоа се бара од локалните закони или упатства, домаќините и гостите мора да се согласат да носат прекривка за лице и да одржуваат растојание од 2 метра кога комуницираат меѓу себе во живо.

Дознајте повеќе за нашите безбедносни практики во врска со COVID-19

Каква е „Полисата за непредвидени околности“ и дали сѐ уште ги покрива откажувањата поврзани со COVID-19?
„Полисата за непредвидени околности“ се применува кога непредвидени настани, како што се природни непогоди или здравствени итни случаи, го оневозможуваат или го прават нелегално завршувањето на резервацијата. Домаќините и гостите кои се погодени од настан кој е опфатен со полисата може да ги исполнуваат условите за откажување на резервацијата без казна.

„Полисата за непредвидени околности“ има за цел да ги покрие непредвидливите околности, но COVID-19 веќе е дел од нашиот живот. За резервациите направени на или по 31 мај 2022 г., околностите поврзани со COVID-19 нема да бидат покриени со нашата полиса. Ова значи дека гостите нема да може да добијат целосно враќање на парите ако ја откажат резервацијата бидејќи имаат COVID-19, освен ако тоа не е дозволено со вашите правила за откажување.

За резервации направени пред 31 мај 2022 г., како и за домашни резервации во Јужна Кореја и континентална Кина, одредени околности поврзани со COVID-19 и понатаму ќе бидат покриени.

Дознајте повеќе за отстранувањето на COVID-19 како непредвидена околност

Што ако моите гости или јас се заразиме со COVID-19?
Ако домаќинот или гостинот имаат позитивен резултат од тестирањето или ако биле изложени на COVID-19 во текот на изминатите 14 дена или ако имаат симптоми на COVID-19, правило на Airbnb е дека гостите не треба да се пријавуваат, а домаќините не треба да влегуваат во нивниот простор или да комуницираат со гостите лично.

Ако гостинот се разболи од COVID-19 и сака да откаже, правилата за откажување на домаќинот ќе важат за резервациите направени на или по 31 мај 2022 г.* Ако гостинот веќе се пријавил и или вие или тој се заразите со COVID-19, контактирајте со Airbnb за да можеме да помогнеме.

Дали ако откажам резервација бидејќи имам COVID-19, тоа ќе влијае на мојот статус на Супердомаќин?
Ако треба да откажете резервација бидејќи сте болни, ви препорачуваме да контактирате со нашиот тим за „Поддршка на заедницата“ што е можно поскоро за помош при проверката на вашата ситуација. Ако откажете, нема да добиете исплата, но можеби ги исполнувате условите за отстранување на одредени дополнителни последици, како што е влијанието врз статусот на Супердомаќин.

Што друго треба да знам за да го задржам својот статус на Супердомаќин за време на COVID-19?
Кога започна пандемијата од COVID-19 во 2020 година, привремено се откажавме од некои критериуми за постоечките Супердомаќини. Сега се вративме на нашите стандардни барања за Супердомаќини, што значи дека домаќините треба да ги исполнат сите 4 критериума за да го стекнат или да го задржат статусот на Супердомаќин.

Дознајте повеќе за новостите во проценката за Супердомаќини

Имам уште прашања. Со кого да контактирам?
За повеќе информации, ви препорачуваме да ги разгледате нашите информации за безбедноста во врска со COVID-19 или да го посетите „Центарот за помош“. Ако имате итно прашање, контактирајте со нашиот тим за „Поддршка на заедницата“.

*За резервации направени пред 31 мај 2022 г., како и за домашни резервации во Јужна Кореја и континентална Кина, одредени околности поврзани со COVID-19 и понатаму ќе бидат покриени со нашата „Полиса за непредвидени околности“.

Информациите што ги содржи статијава може да се променети по објавувањето.