Одете напред за да пристапите до предложените резултати
    Оваа содржина не е достапна на јазикот кој го избравте, па ја направивме достапна на најблискиот достапен јазик засега.

    Одговори на Airbnb: совети за добивање повеќе резервации

    Фотографиите им се важни на гостите – еве како да ги подобрите вашите.
    Од Airbnb на 21 септ. 2018 г.
    Четиво од 2 мин.
    Ажурирано на 5 окт. 2021 г.

    Нѐ прашавте што може да направите за да добиете повеќе резервации.

    Веднаш се обративме до изворот за овој одговор: ги прашавме гостите што е она што го бараат во сместувањата на Airbnb и го анализиравме нивното однесување при резервирањето за да дознаеме како од прелистување стигнуваат до резервирање.

    Се чини дека, освен цената и рецензиите, фотографирањето е најважниот фактор. Всушност, 60 % од прегледите на огласите почнуваат кога гостинот ќе кликне на фотографија, а во повеќе од 40 % од случаите кога гостинот избира да не резервира сместување, последното нешто на кое кликнал е фотографија. Фотографиите се важни и треба да бидат што е можно подобри.

    Започнете да фотографирате со телефон или фотоапарат, а кога ќе бидете спремни да го издигнете вашиот оглас (и успешноста во резервирањето) на повисоко ниво, размислете за професионално фотографирање.

    Откривме дека со професионалното фотографирање може да му помогнете на вашиот оглас да се истакне и да има подобри резултати отколку без него. Поточно, може да очекувате:

    • 16 % поголема веројатност за добивање резервации
    • 39 % поголем вкупен број на резервации (што значи дека гостите најчесто резервираат подолги престои)
    • 28 % повеќе резервирани ноќевања
    • 26 % повисока просечна цена за ноќевање

    Како што многу од вас знаат, Airbnb може да ве поврзе со професионални фотографи на локации низ целиот свет. Може да побарате професионално фотографирање без да имате трошоци однапред, а надоместокот за услугата едноставно ќе ви се одземе од идните резервации.

    Ако услугата за професионално фотографирање на Airbnb не е достапна во вашиот регион, размислете да ангажирате фотограф чијашто специјалност е фотографирање внатрешни простори.

    Сега кога имате фотографии што го претставуваат вашето место во вистинското светло, време е на потенцијалните гости да им ја раскажете и приказната. На одличните фотографии им требаат одлични кратки објаснувања. И гостите навистина ги читаат. Објаснувањата на фотографиите се вашата можност да направите две големи работи: да го насочите вниманието на потенцијалните гости кон уникатните и неодоливи предности на вашето сместување и да помогнете во поставувањето на очекувањата. Затоа немојте само да им покажете убав кревет, раскажете им и колку е удобен. Опишете им го она што не може самите да го видат, на пример, дека бањата има подно греење. Ова е вашата шанса да им помогнете на гостите да се замислат себеси во вашиот простор.

    Одвојте време за да покажете колку е одлично вашето место – така ќе привлечете повеќе патници. Вашата посветеност кон деталите во вашиот онлајн оглас ќе им покаже на гостите дека сте домаќин кој ќе обрне внимание на малите нешта што се важни при престојот.

    Информациите што ги содржи статијава може да се променети по објавувањето.

    Airbnb
    21 септ. 2018 г.
    Дали ова беше корисно?

    Разгледајте повеќе теми