Како да го користите Zoom за организирање онлајн доживувања

Без разлика дали се работи за бинго со трансвестити, работилница за астрологија или часови по готвење со италијански баби, сите онлајн Airbnb доживувања имаат едно нешто заедничко, а тоа е Zoom. Покрај тоа што ќе го организирате вашето онлајн доживување преку Zoom, ќе го користите и за да поднесете предлог снимка за одобрување. Преземете го тука.

Снимање на предлогот за доживувањето

Како дел од процесот на поднесување, ќе побараме да го користите Zoom за да направите видеоснимка како предлог за доживувањето. Еве неколку совети за тоа како да направите одлична снимка.

Може да користите друг начин за да го снимите видеото за поднесување, но ви препорачуваме да го користите Zoom за да се навикнете да го користите при организирање на доживувањето.

Активирање на вашата нова сметка на Zoom

Кога вашето доживување ќе биде одобрено, ќе ви биде побарано да активирате нова сметка на Zoom во подесувањата за доживувањето. Ова е уникатна сметка на Zoom која е поврзана со доживувањето на Airbnb. За оваа нова сметка мора да се користи адреса на е-пошта која се разликува од сите постоечки сметки на Zoom што веќе ги имате.

Може да се потребни до 30 минути по завршувањето на сите чекори за статусот на активирање на Zoom да се ажурира.

Организирање

Наоѓање на вашите линкови за Zoom

Вашите гости ќе добијат единствен линк за Zoom за секој термин од календарот за вашето доживување. Постојат 2 начина да се најде линкот:

• Во е-поштата за потврда што се испраќа секој пат кога гостинот ќе резервира.
• Во е-поштата за потсетување што се испраќа пред почетокот на доживувањето.

Вклучување на гостите

Функцијата „Чекалница“ на Zoom ви овозможува да контролирате кој ќе се приклучи на доживувањето со тоа што ќе ги вклучувате сите гости еден по еден. Ако некој гостин го сподели линкот за Zoom со друг гостин кој не бил вклучен во резервацијата, не мора да го пуштите тој дополнителен гостин кој нема платено. Сепак, може да побарате дополнителниот гостин да плати преку „Центарот за барање и праќање пари“.

Отстранување проблеми

Ако имате проблем поврзан со Zoom, контактирајте со „Центарот за помош“ на Zoom. Ако вашите гости имаат проблеми, може би било корисно да им ја испратите оваа статија за учествување на онлајн доживувања.