Што да правите ако сместувањето каде што престојувате не е чисто при пријавувањето

Секогаш прво испратете му порака на домаќинот за да разговарате за можно решение. Веројатно ќе може да ви помогне да го решите проблемот. Ако домаќинот не може да ви помогне или сакате да побарате враќање на парите, ние сме тука да ви помогнеме.

Испратете барање за враќање на парите

Еве како да се подготвите:

1. Соберете докази: ако е можно, направете фотографии или видеа за да го документирате проблемот, на пример, ако некоја удобност недостасува или не функционира.
2. Поднесете го барањето: опишете го проблемот и доставете фотографии или видеа ако можете. Може да побарате од домаќинот да го реши проблемот, да побарате да ви биде вратен надоместокот за чистење или, ако има некаков сериозен проблем, да побарате да ја откажете резервацијата со целосно враќање на парите за преостанатите ноќевања.
3. Почекајте одговор: ако домаќинот го одбие барањето или ако не ви одговори, може да побарате од Airbnb да се вклучи за да ви помогне. Airbnb ќе утврди на кој начин можеме да ви помогнеме во согласност со „Правилата за повторно резервирање и враќање на парите“.

Како да го вклучите Airbnb

Иако секогаш сакаме домаќините и гостите директно да наоѓаат заемно решение, знаеме дека тоа не е секогаш можно. Ако се појави проблем што не можете да го решите со домаќинот (или домаќинот одбие или не одговори на вашето барање за враќање на парите), известете нѐ и некој од нашиот тим ќе се вклучи за да ви помогне.

Ако утврдиме дека проблемот е заштитен со AirCover, ќе ви ги вратиме парите целосно или делумно или, во зависност од околностите, ќе ви најдеме слично или подобро сместување.

Запомнете дека имате 72 часа од моментот на откривањето на каков било проблем за да го пријавите кај нас.

За проблеми што може да претставуваат непосреден здравствен ризик, како што се дрвеници, мувла или други алергени, контактирајте со локалните служби за итни случаи ако е потребно. Ако ви треба помош со резервацијата, може да испратите барање до Airbnb, а ние ќе одлучиме кое е соодветното решение според нашите „Правила за повторно резервирање и враќање на парите“.