Прескокни на содржина
    Одете напред за да пристапите до предложените резултати
    Известување за COVID-19
    За да ги најдете опциите за откажување и враќање на парите, изберете резервација од страницата „Патувања“. Нашата „Полиса за непредвидени околности“ важи само за одредени резервации. Ако датумот на пристигнување ви е по 15 септември, проверете тука повторно на 15 август 2020 г. за новости.

    Што треба да знам пред да присуствувам на онлајн доживување на Zoom?

    Zoom е платформа за видеоконференции во облак од трета страна и може да се користи на десктоп компјутери, таблети и мобилни уреди.

    Системски барања и интернет-врска

    Пред да присуствувате на доживувањето, проверете дали вашиот уред ги исполнува системските барања за Zoom и тестирајте ја интернет-врската така што ќе се приклучите на пробен состанок.

    За да дознаете повеќе за системските барања за десктоп компјутер, прочитајте ја статијата „Системски барања за компјутери, Mac и Linux“ во „Центарот за помош“ на Zoom. За да дознаете повеќе за системските барања за мобилни уреди, прочитајте ја статијата „Системски барања за iOS, iPadOS и Android“. За да ја тестирате интернет-врската, приклучете се на пробен состанок.

    Одржување на приватноста при користење на Zoom

    Вашата приватност ни е важна. Еве ги чекорите што ги презедовме за да помогнеме во заштитувањето на вашата приватност за време на онлајн доживувањата, како и совети за тоа како да си ја заштитите приватноста кога го користите Zoom.

    Како Airbnb помага да се заштити вашата приватност кога го користите Zoom:

    • За секое доживување се создава случаен идентификациски број на состанокот заштитен со лозинка
    • Доживувањата не може да се снимаат
    • Видеото на гостинот е исклучено при влезот во собата за состаноци на Zoom
    • Гостите не може да ги споделуваат своите екрани за време на доживувањето
    • Гостите не може насамо да разговараат со други гости преку Zoom
    • Не може да се пренесуваат датотеки преку Zoom
    • Функцијата „Чекалница“ е стандардно вклучена, овозможувајќи им на домаќините поединечно да ги примаат гостите во собата за состаноци на Zoom

    Совети што ќе ви помогнат да ја заштитите вашата приватност:

    • Не го споделувајте линкот за состанокот на Zoom заштитен со лозинка со никој друг
    • Користете ја најновата верзија на апликацијата Zoom
    • Внимавајте на вашата околина и на тоа што има зад вас кога сте пред камерата – домаќинот и другите гости ќе може да го видат
    • Исклучете го микрофонот кога не зборувате
    • Внимателно користете ја функцијата за групен разговор бидејќи сите учесници ќе може да го прочитаат она што ќе го објавите
    • Ако не сакате да им го дадете целосното име на гостите и домаќините на доживувањето, може да внесете прекар или да го користите само личното име кога ќе се најавите на Zoom
    • Ве молиме не правете слики од екранот и фотографии од домаќинот и другите гости без нивна дозвола

    Каде да се сретнете со домаќинот

    Ќе добиете линк за да се приклучите на онлајн доживувањето во е-поштата за потврда и во е-поштата која се испраќа како потсетник пред да започне онлајн доживувањето. Може да го најдете и во информациите за вашата резервација на страницата „Патувања“.

    Најавете се на Zoom најмалку 5 минути порано за да проверите дали сѐ функционира како што треба и за да бидете навреме за доживувањето. Важно е да се напомене дека домаќинот има опција да ги одбие гостите што доцнат и дека гостите кои ќе пристигнат со задоцнување не ги исполнуваат условите за враќање на парите. Дознајте повеќе во нашата статија за „Правилата за враќање на парите на гостите на доживувања“.

    Проблеми со Zoom

    Проверете дали го имате точниот линк за онлајн доживувањето. Ако линкот не функционира, затворете го Zoom и повторно обидете се со линкот. Ако сѐ уште не функционира, испратете му порака на домаќинот за да потврдите дали има проблеми со Zoom.

    Ако Zoom ви бара лозинка, испратете му порака на домаќинот преку Airbnb за да ја побарате.

    На крај, ако домаќинот нема никакви проблеми, посетете го „Центарот за помош околу Zoom“.

    Проблеми со приватноста или безбедноста во текот на доживувањето

    Ако наидете на некоја несоодветна содржина или имате проблем со приватноста или безбедноста во текот на доживувањето, контактирајте со „Поддршката на заедницата“ на Airbnb и пријавете го. Доставете што е можно повеќе информации и Airbnb ќе го истражи проблемот.

    Ја добивте помошта што ви беше потребна?