Зошто домаќин во Тексас го отвори својот дом за семејство бегалци

Open Homes сега е Airbnb.org

Програмата Open Homes на Airbnb прерасна во Airbnb.org, сосема нова непрофитна организација чиј даночен статус според законот на САД се регулира со Дел 501(в)(3). Ви благодариме што ја создадовте заедницата на Open Homes со нас. Едвај чекаме да бидете дел од ова ново поглавје.

Домаќините на Airbnb ги отвораат своите домови и го споделуваат својот живот со патници од целиот свет, а многумина од нив вложуваат многу повеќе труд од она што се очекува од нив како домаќини. Инспириран од топлината и великодушноста на нашата заедница, Airbnb соработуваше со голем број агенции за помош на бегалци за да им помогне на раселените бегалци да најдат соодветни сместувања.

Нашите домаќини помагаат да се создаде свет во кој секој секаде ќе се чувствува како дома. Линда, Супердомаќин од Далас, навистина го отелотворува ова. Кога нејзиното семејство добило повик за угостување на семејство бегалци во период од две недели, таа без двоумење се согласила. „Чувствував дека ова е мојот начин да се спротивставам... на позитивен начин“, вели таа.

Кога Мухамед пристигнал со сопругата и доенчето, двете семејства веднаш се зближиле. Мухамед служел како мрежен администратор и преведувач во американска воена база за време на војната во Ирак и бидејќи работел за САД, неговиот живот бил во опасност.

Она што започнало како однос помеѓу домаќин и гостин, прерасна во доживотно пријателство, оставајќи траен впечаток врз погледот на светот на двете семејства.

По двонеделниот престој, Линда и нејзиното семејство продолжиле да им помагаат да најдат и да опремат стан. Одлучиле да го угостат семејството за уште еден месец бесплатно додека барале соодветно место. Во тој месец, сопругот на Линда им помогнал да преговараат за пониска цена за закуп и со помош на донации од еврејската заедница во нејзиниот храм, успеале целосно да го опремат својот нов стан.

Дури и откако семејството се сместило во новиот дом, великодушноста продолжила. Со помош на многу нивни пријатели, собрале доволно пари за да купат автомобил за семејството. Потоа, преку великодушноста на храмот, синот на Мухамед добил место во градинка. Организирале ран ручек за Мухамед и неговото семејство да можат да се запознаат со оние што им помогнале да се сместат.

Мухамед ја опишува Линда како мајчинска фигура и вели дека откако се вселиле во сопствениот стан, редовно се гледаат со Линда и нејзиното семејство. Нивната врска премина од странци во семејство.

Започнувањето на нов живот е застрашувачко. Мухамед вели дека никогаш не очекувал да биде пречекан од оваа мала заедница и почитуван од луѓе со различно потекло. Средбата со Линда и нејзиното семејство преку Airbnb навистина направи да се чувствуваат како да припаѓаат во заедницата.

Придружете ѝ се на растечката заедница која ја активира моќта на споделувањето во тешки времиња.

Информациите што ги содржи статијава може да се променети по објавувањето.