Практики од кои никој не се исклучува за да му помогнете на секој гостин да се чувствува добредојдено

Угостувањето преку Airbnb значи отворање на вашиот простор за луѓе од целиот свет, а вклучувањето на секого е основата на угостувањето.

Клучот за да бидете успешен домаќин е да разберете како да им помогнете на луѓето од сите средини да се чувствуваат пријатно и како да се дома. Како заедница, ние сме посветени на тоа да ги пречекаме сите гости од кое било потекло, религија, национално потекло, етничка припадност, попреченост, пол, родов идентитет, сексуална ориентација или возраст – со почит и без осудување или пристрасност.

Гостопримството од кое никој не се исклучува е клучен дел од тоа да се биде успешен домаќин. Ова значи:

• Прифаќање и пречекување на сите гости од сите средини

• Обезбедување рамноправно искуство и задоволување на потребите на гостите

• Градење поврзаност преку разликите и сличностите

• Усвојување отворен начин на размислување и желба да поставувате прашања за да дознаете што им е потребно на гостите за нивниот престој

Airbnb собра сознанија од домаќини, гости и експерти за да може да ги интегрирате практиките од кои никој не се исклучува во вашата рутина за угостување и да обезбедите топло гостопримство за секој гостин. Од поставување на огласот до оставање рецензија, овие препорачани дејства може да помогнат да се намали имплицитната пристрасност и да се овозможи поврзаност.

Со тоа што јасно покажувате дека примате луѓе од сите средини, може да им помогнете на гостите од традиционално маргинализираните заедници да се чувствуваат пријатно и да се охрабрат да го резервираат вашето место. Од разговорот со гостите дознавме дека луѓето од овие заедници особено бараат знаци на вклучување во огласите пред да резервираат.

Еве некои работи што може да ги направите за да ги известите гостите дека сте домаќин кој не исклучува никого:

• Појаснете во првите неколку реченици од описот на огласот дека примате луѓе од сите средини (примери подолу).

• Точно опишете што нуди вашиот имот од карактеристики за пристапност за лица со попреченост и ажурирајте ги вашите фотографии.

• Додајте ги вашите заменки (примери: таа/неа, тој/него, тие/нив) на вашиот профил. Така ќе покажете како сакате да ви се обраќаат и ќе истакнете дека се грижите и дека сакате да ги користите и претпочитаните заменки на гостите.

• Вклучете „Инстант резервација“ за да им овозможите на гостите да го резервираат вашето сместување без однапред одобрено барање. Ова, исто така, покажува дека сте подготвени да го угостите секој што одговара на вашите критериуми за резервација.

• Понудете им однапред одобрени барања и охрабрете ги гостите кои ќе ве исконтактираат пред да резервираат. Дознавме дека гостите понекогаш контактираат со домаќините пред да резервираат за да проценат дали ќе бидат прифатени и добредојдени.

• Пред да го одбиете барањето за резервација на гостинот, добро размислете за вашата причина. Дали би ви било пријатно да му го објасните тоа лице в лице на гостинот?

Може да се обидете да ги прилагодите изјавите од кои никој не се исклучува што другите домаќини ги користат во своите огласи. Разговаравме со членовите на Советодавниот одбор за домаќини за да ги смислиме овие примери:

1. Питер од Сан Франциско пишува: „Мојот дом е безбеден простор за луѓе од сите малцински и маргинализирани групи. Примам гости од секакво потекло, вера, пол и сексуална ориентација.“

2. „Втората фотографија во мојот оглас покажува споменик на кој пишува: „Припаѓате“, вели Шинја од Осака, Јапонија. Шинја, исто така, вклучува фотографија на која пишува: „Ги почитувам разновидноста и неисклучувањето на никого“, како изјава за намера. Ова може да го напишете и во опис.

Откако вашиот простор ќе биде резервиран, испратете топла и пријатна порака до гостите. Многу е важно да покажете емпатија, а не да си правите претпоставки.

• Персонализирајте ја пораката за добредојде со информации од профилот на гостинот. Ова може да вклучува прашања за неговите интереси, роден град и хобија.

• Користете говор кој е неутрален во однос на сексуалната ориентација и полот кога им се обраќате на гостите. Најдобро е да избегнувате претпоставки за нечиј пол или статус на врска.

• Ако гостинот има барања за потребите за непречено движење, не заборавајте да одговорите на неговите прашања и да прашате што друго би можело да му треба.

Ако ви треба инспирација, земете ги предвид пораките на другите домаќини до гостите. Еве два примера:

1. Мајкл од Фалкараг, Ирска, вели дека приоритет му е создавањето пријатен однос однапред. „Секогаш им се заблагодарувам на гостите што побарале да престојуваат во нашето сместување“, вели тој. „Потоа споменувам дека ќе ги контактирам кога ќе се приближи времето за нивната посета, ќе им посакам убав ден и [ќе им кажам] да не се двоумат да ме контактираат ако нешто им треба во меѓувреме.“

2. Сузан од Денвер пишува: „Нашиот дом е и ваш дом. Чувствувајте се удобно. Направете го овој простор свој. Известете нѐ ако имате идеи за подобрување на искуството на нашите гости.“

Гостите – особено оние од традиционално маргинализираните заедници – споделија дека овие работи можат да направат да се чувствуваат попријатно:

• Овозможете самопријавување кога ќе можете, но прашајте ги гостите дали би сакале пријавување со личен пречек.
• Не ги посетувајте гостите без потреба. Наместо тоа, дајте им приватност и јасно кажете им дека сте достапни (лично или виртуелно) ако им требате.

Рецензиите се основата на доверливата заедница на Airbnb. Оставањето рецензија за вашите гости е можност да ја покажете вашата благодарност и да напишете корисен повратен коментар.

• Применувајте ги истите стандарди за проценка на секој гостин.

• Угостувајте лица кои се нови на Airbnb кога ќе можете и оставете им рецензија по нивниот престој. Рецензијата многу ќе им помогне на гостите при идните резервации.

• Поттикнете ги гостите да оставаат рецензии. Дознавме дека патниците од традиционално маргинализираните заедници често ги читаат рецензиите пред да резервираат за да дознаат дали другите гости како нив се чувствувале добредојдено.

Проверете дали ги следите овие практики од кои никој не се исклучува, особено ако сте нови во угостувањето. Запомнете дека кога станува збор за пречекување на сите гости, најважно е да поставувате прашања за нивните потреби и постојано да одржувате комуникација.

Патот кон инклузијата може да го отворите едноставно прашувајќи ги гостите: „Што ви е потребно за да се чувствувате пријатно и добредојдено во мојот простор?“ Се надеваме дека така гостите полесно ќе се решат да тргнат по патот што ќе ги доведе до вашето сместување и притоа одлично да си поминат кај вас.