Практикување гостопримство од кое никој не се исклучува и борба против пристрасноста

Airbnb верува дека патувањето може да го поттикне поврзувањето на луѓето и да изгради поотворен свет во кој сите ќе се чувствуваат добредојдени. Дискриминацијата е многу реална пречка за тоа поврзување и затоа е многу важно да се справиме со тој проблем.

За да им помогне на домаќините и гостите да ги разберат дискриминацијата и пристрасноста што ја предизвикува, Airbnb соработуваше со истакнатите социјални психолози д-р Роберт В. Ливингстон од универзитетот Харвард и д-р Питер Глик од универзитетот Лоренс. Насоките и најдобрите практики во оваа статија беа инспирирани од нивните истражувања и знаење.

Под „пристрасност“ се подразбираат чувства или претпоставки за некое лице врз основа на особини како што се потеклото, религијата, националното потекло, етничката припадност, попреченоста, полот, родовиот идентитет, сексуалната ориентација или возраста. До „дискриминација“ доаѓа кога некој се однесува поинаку кон некого врз основа на неговите особини. Пристрасноста не води секогаш до дискриминација, но дискриминацијата обично почнува од неа.

Предрасудите, во голема мера постојат на потсвесно ниво и често се нарекуваат „имплицитни предрасуди.“ Имплицитните предрасуди можат да влијаат врз начинот на кој се однесуваме кон луѓето, што не наведува да ги дискриминираме, понекогаш и без да сме свесни за тоа.

Родовите улоги се длабоко вкоренети во општеството и —  без разлика дали сме свесни за тоа или не — повеќето од нас ги користат за да донесат одлука за тоа како треба да се однесуваат луѓето. Родовите стереотипи имаат значителни импликации за ЛГБТК заедницата (лезбијки, геј мажи, бисексуалци, трансродови лица, квир) бидејќи нивните идентитети ги предизвикуваат општествените норми.

Без разлика кој е вашиот став за родовите прашања и прашањата кои се однесуваат на ЛГБТК заедницата, важно е да не заборавите оти проширувањето на гостопримството кон другите не бара усвојување на нивните ставови или начин на живот.

Еден од начините на кои се прикажуваат предрасудите се стереотипите. Стереотип е широко распространета, но премногу поедноставена или претерана слика или идеја за одреден тип на личност. Секој користи стереотипи до одредена мера — понекогаш свесно, понекогаш несвесно. Користење стереотипи за одредени групи на луѓе честопати доведува до дискриминирачко однесување, од ненамерни навреди до екстремни случаи на неправда.

Дискриминацијата е спротивна од основните вредности на Airbnb и е забранета на нашата платформа. Може да се контролира и избегнува, дури и кога произлегува од имплицитна пристрасност.

Еве неколку чекори кои секој домаќин може да ги преземе за да се бори против пристрасноста и да помогне во создавањето заедница која не исклучува никого:

• Кажете го своето мислење. Напишете порака на профилот дека вашата врата е отворена за секого. Тоа не само што ќе покаже дека гостите се добредојдени, туку може и да поттикне други домаќини да ги прифатат вредностите на разновидноста и чувството на вклученост.
• Следете исти стандарди за сите. Создајте склоп од објективни критериуми кои секогаш ќе ги користите за проценка на секој потенцијален гостин. На пример, дали ви одговараат датумите? Дали можете да ги сместите сите гости кои ќе дојдат според најавениот број? Ако вашите критериуми се недоследни од ситуација во ситуација, може да се појават предрасуди при донесувањето одлуки.
• Одлучувајте свесно. Пред да прифатите или одбиете некој гостин, размислете зошто сте ја донеле одлуката и дајте си предизвик ригорозно тоа да му го објасните на гостинот врз основа на критериумите што сте ги поставиле. Запрашајте се дали би ви било пријатно лично на гостинот да му ја кажете причината поради која го одбивате.
• Заборавете на стереотипите. Еден од неколкуте докажани начини како всушност да ја надминете имплицитната пристрасност е да трагате по искуства и информации кои им се спротивставуваат на стереотипите. Излезете од вашата комфорна зона и запознајте луѓе со различни потекла и од разни заедници. Прифаќајте гости на Airbnb со различни животни искуства. Позитивниот контакт и социјалната интеракција можат да ги намалат предрасудите.

Добијте совети за да му помогнете на секој гостин да се чувствува добредојдено

Информациите што ги содржи статијава може да се променети по објавувањето.