Одете напред за да пристапите до предложените резултати
    Оваа содржина не е достапна на јазикот кој го избравте, па ја направивме достапна на најблискиот достапен јазик засега.

    Против пристрасноста, за топол пречек

    Разберете што значи дискриминацијата и добијте стратегии за справување со несвесната пристрасност.
    Од Airbnb на 26 дек. 2019 г.
    Четиво од 11 мин.
    Ажурирано на 13 мај 2021 г.

    Исклучителни одлики

    • Предрасудата, во голема мера, постои на потсвесно ниво

    • Користете објективни критериуми за проценка на потенцијалните гости, како што е бројот на рецензии на нивниот профил

    • Размислете зошто одбивате гостин — дали би сакале да му ја објасните причината лично?

    • Пречекајте гости од различни општествени сфери и нагласете го тоа на вашиот профил

    • Дознајте повеќе во нашиот целосен водич за да го доведете вашето угостување до следното ниво

    Airbnb верува дека патувањето може да го поттикне поврзувањето на луѓето и да изгради поотворен свет во кој сите ќе се чувствуваат добредојдени. Дискриминацијата е многу реална пречка за тоа поврзување, поради што е многу важно да се занимаваме со тој проблем и да работиме на создавање свет во кој секој секаде ќе се чувствува како дома.

    За да им помогне на домаќините и гостите да ја разберат дискриминацијата и предрасудите што ја предизвикуваат, Airbnb соработуваше со истакнатите социјални психолози д-р Роберт В. Ливингстон од универзитетот Харвард и д-р Питер Глик од универзитетот Лоренс. Насоките и најдобрите практики во оваа статија беа инспирирани од нивните истражувања и знаење.

    Предрасуди наспроти дискриминација: која е разликата?

    „Предрасуди“ се однесува на чувства или претпоставки за лице врз основа на карактеристики како што се етничка припадност, сексуална ориентација, физички карактеристики или социјална група. „Дискриминација“ е кога се однесувате поинаку кон некого бидејќи припаѓа на некоја друга група. Предрасудите не водат секогаш до дискриминација, но тие се вообичаено почетно место за дискриминацијата.

    Што се имплицитни предрасуди?

    Предрасудите, во голема мера постојат на потсвесно ниво и често се нарекуваат „имплицитни предрасуди.“ Имплицитните предрасуди можат да влијаат врз начинот на кој се однесуваме кон луѓето, што не наведува да ги дискриминираме, понекогаш и без да сме свесни за тоа.

    Родови предрасуди и предрасуди кон ЛГБТК заедницата

    Родовите улоги се длабоко вкоренети во општеството и —  без разлика дали сме свесни за тоа или не — повеќето од нас ги користат за да донесат одлука за тоа како треба да се однесуваат луѓето. Родовите стереотипи имаат значителни импликации за ЛГБТК заедницата (лезбијки, геј мажи, бисексуалци, трансродови лица, квир) бидејќи нивните идентитети ги предизвикуваат општествените норми.

    Без разлика кој е вашиот став за родовите прашања и прашањата кои се однесуваат на ЛГБТК заедницата, важно е да не заборавите оти проширувањето на гостопримството кон другите не бара усвојување на нивните ставови или начин на живот.

    Улогата на стереотипите

    Еден од начините на кои се прикажуваат предрасудите се стереотипите. Стереотип е широко распространета, но премногу поедноставена или претерана слика или идеја за одреден тип на личност. Секој користи стереотипи до одредена мера — понекогаш свесно, понекогаш несвесно. Користење стереотипи за одредени групи на луѓе честопати доведува до дискриминирачко однесување, од ненамерни навреди до екстремни случаи на неправда.

    Што може да преземете

    Дискриминацијата е спротивна од основните вредности на Airbnb и е забранета на нашата платформа. За среќа, може да се контролира и избегнува, дури и кога произлегува од имплицитни предрасуди. Еве неколку чекори кои секој домаќин може да ги преземе за да помогне во создавањето на заедница во која сите ќе се чувствуваат добредојдени:

        • Кажете го своето мислење. Напишете порака на профилот дека примате гости од сите општествени сфери. Ова не е само сигнал за гостите дека се добредојдени, туку може да биде и инспирација за другите домаќини да ги прифатат вредностите на разновидноста и чувството на вклученост.
        • Користете исти стандарди за сите. Создајте склоп од објективни критериуми кои секогаш ќе ги користите за проценка на секој потенцијален гостин. Тоа може да биде бројот на рецензии што ги имаат или бројот на луѓе со кои патуваат. Ако вашите критериуми се недоследни од ситуација во ситуација, може да се појават предрасуди при донесувањето одлуки.
        • Одлучувајте свесно. Пред да прифатите или одбиете гостин, размислете зошто сте ја донеле одлуката и дајте му ригорозно објаснување. Запрашајте се дали би ви било пријатно лично на гостинот да му ја кажете причината поради која го одбивате.
        • Искажете сочувствување. Можеби звучи очигледно, но сочувствувањето многу помага. Ставете се во туѓа кожа и обидете се да сфатите како се чувствува тоа лице. Размислете за болката, непријатностите и понижувањето кои би можел некој да ги почувствува кога ќе му се скрати можноста да резервира сместување само бидејќи е различен.
        • Заборавете на стереотипите. Еден од неколкуте докажани начини како всушност да ги надминете имплицитните предрасуди е потрага по искуства и информации кои им се спротивставуваат на стереотипите. Излезете од зоната на удобност и запознавајте различни луѓе. Прифаќајте гости на Airbnb од различни општествени сфери. Позитивниот контакт и социјалната интеракција можат да ги намалат предрасудите.

        Помогнете им на сите гости да се чувствуваат добредојдени

        Напишете на профилот дека примате гости од сите општествени сфери.
        Ажурирајте го профилот

        Исклучителни одлики

        • Предрасудата, во голема мера, постои на потсвесно ниво

        • Користете објективни критериуми за проценка на потенцијалните гости, како што е бројот на рецензии на нивниот профил

        • Размислете зошто одбивате гостин — дали би сакале да му ја објасните причината лично?

        • Пречекајте гости од различни општествени сфери и нагласете го тоа на вашиот профил

        • Дознајте повеќе во нашиот целосен водич за да го доведете вашето угостување до следното ниво
        Airbnb
        26 дек. 2019 г.
        Дали ова беше корисно?

        Разгледајте повеќе теми