Како да ги пречекате првите гости на Airbnb

Можеби ќе бидете малку нервозни додека го очекувате пристигнувањето на вашите први гости. Но ние сме тука за вас во секој момент. Сакате да создадете одлично искуство за првите, но и за идните гости? Погледнете го овој водич во пет чекора.

Пречекувањето на гостите започнува уште пред да влезат во сместувањето. Со брзо одговарање на пораките на гостите им покажувате дека се грижите за нивните потреби.

Овие рани разговори истовремено се можност да ги поставите очекувањата. Некои корисни совети:

• Бидете искрени. Гостите можеби пропуштиле некои важни детали од описот за сместувањето. Добро би било да ги потсетите ако треба да споделуваат дел од просторот со вас, вашето семејство, други гости или миленичиња.
• Бидете љубопитни. Може да започнете да практикувате неисклучување на никого со едноставно прашање до гостите: „Што ви е потребно за да се чувствувате пријатно и добредојдено во моето место?“
• Одговарајте на лесен начин. Користете ја размената на пораки на Airbnb или апликацијата за да им одговарате на гостите кога сте дома или во движење.
• Планирајте однапред. Ако планирате да испратите слични информации до повеќе гости, заштедете време со нашите алатки за размена на пораки.

Може да одговорите на често поставуваните прашања и да им го олесните пристигнувањето на гостите така што ќе ги пополните сите полиња во делот „Информации за гостите“ во јазичето „Огласи“, вклучувајќи и насоки до местото, инструкции за пријавување и информации за wifi. Ова ќе биде споделено во јазичето „Патувања“ на вашите гости 48 часа пред да се пријават.

Гостите, особено оние од традиционално маргинализираните заедници, споделија дека самопријавувањето може да направи да се чувствуваат попријатно. Но, ако сте во близина, може да ги прашате гостите дали би сакале пријавување со личен пречек.

Истражете го водичот за угостување од кое никој не се исклучува

Кога гостите резервираат на Airbnb, тие очекуваат да најдат чисто место. Ако гостите најдат топки од прашина во спалната соба или трошки во кујната, тоа можеби ќе биде единственото нешто што ќе го запомнат од вашето место.

За голем недостаток се смета и ако има влакна насекаде, па не заборавајте да им посветите внимание на местата каде што косата често се собира, како што се чаршафите, крпите, подовите и бањите. И премногу лични предмети ќе направат вашиот простор да изгледа пренатрупано, па затоа нив ставете ги во плакар или на некое друго место што не е многу воочливо

Секој гостин е различен, но повеќето очекуваат веднаш да имаат пристап до одредени предмети и информации. Може треба да го земете предвид следново:

• Снабдување на вашиот простор со основни удобности, вклучувајќи крпи, постелнина, сапун и тоалетна хартија.
• Ажурирање на упатството за користење на куќата за да им дадете на гостите важни информации за просторите до коишто нема да имаат пристап, упатствата за wifi итн.
• Создавање водич со вашите омилени ресторани, продавници, кафулиња и друго.
• Бидете достапни преку порака, телефон или е-пошта во случај нешто да тргне наопаку.
• Чувајте ги на лесно достапно место телефонските броеви на лица кои би можеле да притребаат, како водоводџија, мајстор, агент за поддршка околу интернетот и кабелската телевизија или на соседите.

Откако гостите ќе се одјават, ќе имаат можност да остават рецензија за вашето место. Првите неколку рецензии се клучни за вашиот успех на Airbnb. Просечната оцена со ѕвезди ќе се појави на вашиот оглас откако ќе добиете три рецензии и може да влијае на вашето рангирање во резултатите од пребарувањето.