Како да се справите со лоша рецензија на Airbnb

Лошата рецензија може навистина да ве здоболи. Но дури и најгостопримливиот домаќин може повремено да добива негативни повратни коментари од гостите.

Секогаш имате можност јавно да одговорите на рецензиите за вашето сместување. Конструктивниот одговор покажува дека се грижите за повратните коментари на гостите. Исто така, постојат чекори што може да ги преземете за целосно да ги избегнете негативните критики.

Ако напишете краток, љубезен јавен одговор на некоја негативна рецензија, тоа ви дава можност да покажете дека се подобрувате.

Гостите ни велат дека кога ќе забележат дека домаќинот одговара на повратните коментари, тоа прави да се чувствуваат посигурно при резервирањето, бидејќи знаат дека домаќинот е подготвен да ги прифати предлозите.

Може да одговорите на рецензија во секое време. Еве неколку совети за тоа како да смислите одличен одговор:

• Започнете со тоа што ќе потврдите дека сте го добиле повратниот коментар и ќе му се заблагодарите на вашиот гостин. Ова може да биде многу едноставно, на пример, напишете: „Благодарам за рецензијата, Мери! Навистина ни значи што одвоивте време за да напишете нешто за патувањето.“

• Споделете како го подобривте вашиот простор. Може да кажете: „Жал ни е што креветите не беа удобни. Вашиот сон е важен, па затоа додадовме удобни наддушеци по вашата рецензија.“

„Како гостин, не очекувам ниеден домаќин да има 100% беспрекорни рецензии, но поголем впечаток ми оставаат оние кои сериозно ги сфаќаат критичките повратни коментари и кои покажуваат волја за подобрување“, вели Ендру, Супердомаќин во Берлин.

Рецензиите може да бидат отстранети ако ги прекршат нашите „Правила за рецензии“. Може да пријавите рецензија за која сметате дека не е во согласност со нашите правила. Исто така, може да оспорите одмаздничка рецензија, без разлика на тоа кога е објавена, од гости за кои сметате дека сериозно ги прекршиле правилата.

Ако јавно одговорите на добрите рецензии, ќе покажете дека сте домаќин што брзо одговара.

Ако одговарате само на негативните рецензии, ќе привлечете посебно внимание на нив. Наместо тоа, одговарајте и на добри рецензии. Може само да кажете „Ви благодарам што престојувавте кај мене!“ и тоа да биде доволно.

Понекогаш лошите рецензии едноставно се резултат на поинакви очекувања. Секогаш кога пречекувате некој гостин, имате можност да понудите одлично гостопримство и да практикувате угостување при кое не исклучувате никого.

Иако не може да се гарантира дека никогаш нема да добиете лоша рецензија, има чекори што може да ги преземете за да ја подобрите вашата рутина за угостување.

• Направете прецизни фотографии од вашиот простор на кои се гледаат неговите предности и недостатоци.
• Напишете искрен опис за сместувањето и куќен ред за да поставите очекувања.
• Прилагодете го описот за сместувањето така што ќе ги вклучите проблемите наведени во лошите рецензии, особено работите што не можете да ги контролирате, на пример, фактот дека вашето сместување се наоѓа на бучна улица.
• Користете ги повратните коментари за да го подобрите сместувањето, на пример, додајте повеќе крпи ако некој гостин рекол дека нема доволно.
• Останете во контакт со гостите во текот на нивниот престој преку Airbnb апликацијата за да може да ги решите сите проблеми што би можеле да се појават.

Информациите што ги содржи статијава може да се променети по објавувањето.