Одете напред за да пристапите до предложените резултати

    Заедно со домаќините го градиме и подобруваме Airbnb

    Постојано се развиваме со вашите повратни коментари и партнерство.
    Од Catherine Powell на 12 јан. 2022 г.
    Видео од 6 мин.
    Ажурирано на 12 јан. 2022 г.

    Исклучителни одлики

    • Благодарни сме за нашето постојано партнерство со домаќини како вас

    • Постојат повеќе начини од кога било за да соработувате со нас за да можеме да го изградиме Airbnb според вашите потреби и желби

    • Дознајте што бараа домаќините во 2021 година и што создадовме како одговор на тоа

    Здраво на сите,

    Јас сум Кетрин, глобален раководител за угостување на Airbnb. Во почетокот на 2022 година, би сакала да посветам малку време на сето она што го постигнавме заедно минатата година и лично да ви се заблагодарам на сите што им пруживте извонредно гостопримство на гостите низ целиот свет.

    И покрај предизвиците со пандемијата, влеговте во нова ера на патувања во која гостите сѐ повеќе бараат приватни домови и простори на Airbnb за да можат безбедно да се поврзат со семејството и пријателите, да се опуштат и да работат од далечина.

    Во текот на пандемијата, покажавте отпорност, прилагодливост и упорност и благодарение на вас стигнавме таму каде што сме денес. Вашата посветеност е толку инспиративна и нѐ одржува мене и мојот тим фокусирани на постојано подобрување и проширување на нашите производи и програми за угостување.

    Нудење повеќе начини за слушање

    Нашиот успех зависи од стабилната соработка со домаќините. Ги проширивме нашите иницијативи за заедницата за да вклучиме повеќе начини на кои можеме да се поврземе со вас и да го слушнеме вашето мислење, за да можеме да продолжиме да го градиме Airbnb според вашите потреби и желби.

    Еве што инспириравте минатата година:

    Им благодариме на оние од вас кои учествуваа во овие активности. Можеме само да продолжиме да се подобруваме со вашата соработка, затоа не престанувајте да ја одржувате врската со нас.

    Развивање на нашите производи и услуги

    Кога минатата година собравме повратни коментари од домаќините, се појавија три јасни теми. Ни кажавте дека сакате повеќе контрола и заштита, подобра поддршка кога ви е потребна и алатки што ќе ви го олеснат угостувањето.

    За да ги задоволиме овие потреби, воведовме повеќе од 150 нови функции и надградби на нашите производи и услуги. Еве само неколку примери од она што го направивме, инспирирани од вашиот придонес:

    Повеќе контрола и заштита

    • AirCover: целосна заштита која е бесплатна за секој домаќин, само на Airbnb.*
    • Поедноставно решавање на барањата: новиот процес овозможува поедноставно и побрзо надоместување на штетата за домаќините, со приоритетно насочување за Супердомаќините.
    • Подобрувања на нашиот систем за рецензии: во нашите постојани напори да го подобриме процесот за оставање рецензии, ги ограничивме случаите кога гостите кои откажуваат може да остават рецензија.
    • Надоместоци за чистење за пократки престои: за дополнителна флексибилност со цените, сега можете да го прилагодите надоместокот за чистење за кратки престои од само 1 или 2 ноќевања.
    • Додавање надоместоци за миленичиња: ако сакате да примате миленичиња, може да изберете да додадете надоместок за миленичиња на вашата цена за ноќевање.

    Подобра поддршка

    • Повеќе агенти, на повеќе јазици: го удвоивме нашиот персонал за глобална поддршка и се проширивме од 11 на 42 јазика.
    • Специјална поддршка: Супердомаќините и лидерите на заедницата имаат ексклузивен пристап до висококвалификуван персонал за корисничка поддршка.
    • Обновен дизајн на „Центарот за помош“: полесен начин за навигација низ „Центарот за помош“ со сеопфатна поддршка за домаќините и гостите.
    • Центар за правила на заедницата: појасните, поедноставни правила сега се наоѓаат на едно место во „Центарот за помош“.

    Алатки за олеснување на угостувањето

    • Јазичето „Денес“: едноставен начин за домаќините да управуваат со резервациите, задачите и друго, сѐ на едно место.
    • Подобрена пошта: никогаш не било полесно да управувате со комуникацијата со гостите преку пребарување, персонализирани брзи одговори и закажани пораки.
    • Сознанија за угостувањето: нашиот центар за можности дава информации за трендовите на патување во ваша близина за да ви помогне да го извлечете максимумот од вашиот бизнис за угостување.
    • Translation Engine: сега гостите низ целиот свет можат автоматски да пристапат до висококвалитетни преводи на вашиот оглас на 62 јазика.
    • Преглед на цената за домаќините: оваа алатка ви овозможува лесно да ги промените надоместоците и да ја проверите цената на вашиот оглас како што се прикажува за гостите.
    • Освежување на календарот: дизајнот на вашиот десктоп календар е обновен и полесен за употреба, со корисни нови функции.

    Благодарение на тесната соработка со домаќините минатата година, не само што ги подобривме услугите на Airbnb, туку и ја видовме целата заедница како расте и напредува, и покрај тоа што моравме да се прилагодиме на предизвиците на пандемијата. И домаќините беа тие кои го водеа овој развој.

    Изградивте профитабилни угостителски бизниси низ цел свет и во исто време придонесовте за развојот на вашите заедници во процесот со генерирање приход за локалните продавници и ресторани, како и за оние што ви помагаат во управувањето со вашите огласи. Треба многу да се гордеете со овие достигнувања. Многу се гордеам што сум ваш партнер.

    Оваа година, возбудени сме што ќе продолжиме да се развиваме и да го подобруваме Airbnb заедно со вас. Вашата соработка ќе ни помогне и понатаму да ја создаваме најдобрата можна верзија на нашата услуга. Затоа, продолжете да ги споделувате вашите мисли и идеи со нас. Ние ве слушаме. Како и секогаш, може да ме означите директно во „Центарот на заедницата“: @Catherine-Powell.

    Најдобри желби за среќна и успешна година на угостување во 2022 година!

    Кетрин

    *„Заштитата на домаќинот од оштетување“ на AirCover, „Осигурувањето од одговорност на домаќинот“ и „Осигурувањето од одговорност за доживувања“ не ги покриваат домаќините кои нудат сместувања преку Airbnb Travel, LLC, ниту пак домаќините во континентална Кина и Јапонија, каде што важат „Планот за заштита на домаќини во Кина“, „Осигурувањето за домаќини во Јапонија“ и „Осигурувањето за заштита за време на доживувањето во Јапонија“. „Заштитата на домаќинот од оштетување“ не е поврзана со „Осигурувањето од одговорност на домаќинот“. Имајте предвид дека постојат и други правила, услови и исклучоци.

    Информациите што ги содржи статијава може да се променети по објавувањето.

    Исклучителни одлики

    • Благодарни сме за нашето постојано партнерство со домаќини како вас

    • Постојат повеќе начини од кога било за да соработувате со нас за да можеме да го изградиме Airbnb според вашите потреби и желби

    • Дознајте што бараа домаќините во 2021 година и што создадовме како одговор на тоа

    Catherine Powell
    12 јан. 2022 г.
    Дали ова беше корисно?

    Можеби ќе ви се допадне и

    Можеби ќе ви се допадне и

    Разгледајте повеќе теми