Додавањето и уредувањето удобности е полесно од кога било

Малите детали за сместувањето, од видот на кафе што му се служи на гостинот до глетката што го пречекува секое утро, може да имаат огромно влијание врз патувањето. Сакаме да можете полесно да им кажете на потенцијалните гости повеќе за конкретните удобности што ги нуди вашиот простор, што ќе ви помогне да ги поставите очекувањата за гостите и да им обезбедите одличен престој. Затоа додадовме повеќе од 40 нови опции за удобности, како и нови начини да бидете поконкретни и да ги уредувате деталите за огласот.

Деталите со кои најмногу се гордеете можеби се погледот кон шумата од дневната соба или панорамата кон океанот од стаклената тераса, па додадовме „живописен поглед“ на опциите за удобности. Сега може да го истакнете вашиот дом, без разлика дали има поглед кон планина, кон езеро, па дури и делумен поглед кон езеро. Гостите ќе можат да најдат сместувања со омилените пејзажи, а вие ќе можете да поставите реални очекувања за тоа каков е тој поглед.

Може да додадете „живописен поглед“ во делот „Детали за сместувањето“ во „Управување со просторот“. Само треба да го изберете огласот што сакате да го уредите.

Без разлика дали ѕвездата во вашиот простор е кујна на отворено, поплочен двор или блендер за утринско смути, гостите сакаат да го знаат тоа. Еве неколку од новите опции за удобности од кои може да изберете:

• Пристап до плажа
• Пристап до резорт
• Опрема за вежбање
• Висечка лежалка
• Материјали за читање

Кога гостите знаат што да очекуваат за време на престојот, можат да планираат однапред. А поставувањето на очекувањата е најважно: од нашите Супердомаќини дознавме дека вашиот имот не мора да биде совршен, но од суштинска важност е да им кажете на гостите што точно ќе најдат кога ќе пристигнат.

Ги групиравме најпопуларните удобности за да ви помогнеме да ги најдете и изберете набрзина. На пример, сега може да наведете дека вашето место има wifi, телевизор, простор наменет за работа, машина за перење алишта, клима уред – сѐ тоа во еден дел.

Продолживме да ги групираме удобностите по области за да може да ги изберете сите ваши удобности во кујната одеднаш, но го додадовме делот за популарни удобности за уште поедноставно да им кажете на гостите дека ги имате карактеристиките што најчесто ги бараат.

Порано, на Airbnb можевте да ја користите функцијата за удобности за гостите да знаат дека нудите простор наменет за работа или простор на отворено, како поплочен двор. Но сега може да им дадете уште повеќе детали на потенцијалните гости. На пример, може да им помогнете на работниците кои работат на далечина да ги најдат работите што најмногу им одговараат со тоа што ќе наведете дека има биро, монитор, канцелариско столче или маса и може да им кажете на гостите дали дворот е приватен или заеднички.

Може да бидете поконкретни и за некои други удобности, меѓу кои и:

• Услуги и уреди за емитување програми, вклучувајќи ги Apple TV, Netflix, Disney+ и друго
• Апарат за кафе, без разлика дали се работи за обичен, Keurig или апарат за еспресо
• Скара – на јаглен, на дрва и др.
• Внатрешен камин, без разлика дали е на струја или на дрва
• Системи за греење и ладење

Ако удобностите во вашето сместување се променат, сега е полесно брзо да ги ажурирате, што ви овозможува да продолжите да се фокусирате на она што најдобро го правите, односно обезбедување одлично гостопримство за гостите.