Што е тоа „Полиса за големи нарушувачки настани“?

Безбедноста на домаќините и гостите ни е главен приоритет. Кога некоја природна непогода, криза во јавното здравје или друг голем настан ве спречува да угостувате, имаме полиса што ќе ви помогне да се заштитите себеси и вашите гости. 

Оваа полиса претходно беше наречена „Полиса за непредвидени околности“. Ја ажурираме полисата и го менуваме името за полесно да се разбира. 

Ревидираната „Полиса за големи нарушувачки настани“ ќе важи за сите патувања и доживувања што ќе се одржат на или по 6 јуни 2024 година, без оглед на тоа кога биле резервирани.*

Полисата објаснува како Airbnb се справува со откажувањата и враќањето на парите кога некои огромни настани влијаат на некоја резервација. 

Следниве настани се покриени ако влијаат на локацијата на резервацијата, се случуваат по моментот на резервирање и го спречуваат или законски го забрануваат завршувањето на некоја идна или тековна резервација:

• Прогласени вонредни состојби и епидемии поврзани со јавното здравје. Ова вклучува епидемии прогласени од владата, пандемии и вонредни состојби поврзани со јавното здравје. Овде не спаѓаат ендемичните болести или болестите поврзани со одреден регион. COVID-19 не е покриен со „Полисата за големи нарушувачки настани“.
• Владини ограничувања за патување. Ова вклучува задолжителни ограничувања наложени од одредена владина агенција, како што е наредба за евакуација. Овде не спаѓаат совети за патување и слични владини упатства.
• Воени дејствија и други непријателски активности. Ова вклучува воени дејствија, непријателски активности, инвазии, граѓанска војна, тероризам, експлозии, бомбардирања, бунтови, немири и побуни.
• Големи прекини на основни комунални услуги. Ова вклучува продолжени прекини на основни комунални услуги, како што се греење, вода и електрична енергија, што влијае на поголемиот дел од домовите на одредена локација.
• Природни непогоди. Ова вклучува природни непогоди и други тешки настани поврзани со временските услови. Временските или природните услови што се доволно чести за да бидат предвидливи на одредена локација се покриени само кога резултираат со друг настан покриен со полисата што го спречува завршувањето на резервацијата. На пример, ураганот за време на сезоната на урагани во Мексико е покриен само ако резултира со задолжителна наредба за евакуација.

Ако некој настан е покриен:

• Домаќините може да откажат резервација без надоместоци или други негативни последици. Календарот на нивниот оглас ќе биде блокиран за датумите што се откажани.
• Гостите може да откажат резервација и да добијат повратни средства или кредит за патување без оглед на правилата за откажување на домаќинот. Календарот на огласот ќе остане отворен ако гостинот ја откаже резервацијата.
• Домаќинот не добива исплата кога резервацијата е откажана од домаќинот или гостинот.
• Домаќините и гостите можат да ги откажат преостанатите ноќевања дури и ако гостите веќе се пријавиле.

Ако некој настан не е покриен:

• Откажувањето на гостинот ќе биде предмет на правилата за откажување за тоа сместување.
• Откажувањето на домаќинот ќе биде предмет на „Правилата за откажување на домаќинот“, кои може да вклучуваат надоместоци и други последици. 
• Домаќините и гостите и понатаму ќе можат да постигнат сопствен договор за враќање на парите кој не е во согласност со правилата. 

Ја ажурираме и преименуваме полисата бидејќи ги зедовме предвид повратните коментари што ги добивме од домаќините и гостите. На пример, некои домаќини не знаеја како да препознаат дали некој предвидлив настан поврзан со временските услови или настан што влијае на можноста на гостите да патуваат е покриен. 

Еве ги клучните новости: 

• Полисата ќе важи само за настаните во местото каде што се наоѓа резервацијата. Настани кои влијаат на можноста на гостинот да патува до резервираното место веќе не се покриени. 
• Предвидливите временски настани на локацијата на резервацијата експлицитно ги исполнуваат условите за покритие ако резултираат со друг покриен настан, како што е владино ограничување на патувањето или прекин на комуналните услуги од големи размери. 

„Правилата за откажување на домаќинот“ не се исти со „Полисата за големи нарушувачки настани“. Според „Правилата за откажување на домаќинот“, Airbnb ќе се откаже од надоместоците, а во некои случаи и од други последици, ако домаќинот откаже поради одредени важечки причини кои се надвор од контролата на домаќинот, како што е пукната цевка. Од домаќините се очекува да ги почитуваат потврдените резервации според „Правилата за откажување на домаќинот“. 

Според правилата и полисата, домаќините се обврзани да откажат ако нивното место не е погодно за живеење или не е во согласност со она што го резервирал гостинот. На пример, ако вашиот базен е неупотреблив по големо невреме, но на огласот пишува дека имате базен, ќе треба да откажете или да постигнете договор со гостите пред да пристигнат.

*Освен ако одредени корисници не се известени поинаку од Airbnb.

Оваа полиса не ги ограничува правата на домаќините и гостите според локалните закони и прописи и сите одлуки донесени од Airbnb според оваа полиса не влијаат на нивните законски права.

Информациите што ги содржи статијава може да се променети по објавувањето.