Како да ја оптимизирате вашата рутина за угостување

Угостувањето одзема време, но откако ќе се навикнете на тоа, ќе можете да оптимизирате многу аспекти од вашата рутина. Така ќе се фокусирате на создавање незаборавно искуство за гостите.

Поставувањето на процедура за чистење помага да се олеснат задачите при промена на гостите.

• Размислете да ангажирате професионално лице за чистење за вашето сместување да биде постојано чисто.
• Изберете постелнина и крпи во слични бои, за да може да ги перете заедно.
• Имајте дополнителен комплет постелнина и крпи при рака за побрза промена помеѓу престоите на гостите.
• Испланирајте редовно подлабинско чистење за да си го олесните чистењето помеѓу престоите.
• Закажете трајна, редовна нарачка на вашите производи за чистење и други основни удобности, како што се тоалетна хартија и сапун. Ова може да ви заштеди време и да ви помогне да избегнете да снемате материјали.
• Купувајте на големо за да се снабдите со работите што најмногу ги трошите вие и гостите, како што се шампонот и балсамот за коса. 

Одговарањето на пораките на гостите не мора да одзема многу време. Користењето на алатките на Airbnb може да воспостави поефикасна комуникација со гостите.

• Преземете ја Airbnb апликацијата за да одговарате брзо. Вклучете ги мобилните известувања и имајте го вашиот уред при рака со вклучен звук.
• Користете закажани пораки за да споделите одредени детали кога на гостите најверојатно ќе им требаат, како на пример да потврдите дека гостите добиле инструкции за пријавување еден ден пред нивниот престој.
• Поставете брзи одговори за да одговарате на вообичаените прашања побрзо со тоа што однапред ќе напишете одговори. Јазичето „Пораки“ автоматски предлага кој од вашите брзи одговори може најдобро да се примени на разговорот.

Поедноставното пријавување може да им помогне на гостите да се чувствуваат добредојдени. Размислете за тоа да додадете кодомаќин за да ви помогне да управувате со огласот и резервациите.

• Користете го „Водичот за пристигнување“ во јазичето „Огласи“ за да додадете важни детали, вклучувајќи ги начинот и времето на пријавување, насоките, упатството за користење на куќата и лозинката за wifi.
• Изберете самопријавување – користете дигитални брави, паметни брави или сефови за клучеви – за да заштедите време и да им овозможите на гостите поголема флексибилност.
• Обезбедете упатство за користење на куќата за да споделите инструкции, на пример, како се користат удобностите или како се пристапува до wifi.

Информациите што ги содржи статијава може да се променети по објавувањето.