Јазичето „Пораки“ е вашата нова пошта

Домаќините ја користат поштата повеќе од кој било друг дел од апликацијата. Со новото јазиче „Пораки“, комуникацијата на Airbnb е побрза и поедноставна.

Редизајнираната пошта ги става сите ваши пораки за угостување, патување и поддршка на едно место. Јазичето „Пораки“ ви овозможува:

• Да ги филтрирате пораките со притискање или кликнување.
• Да комуницирате во групен разговор со секој гостин кој ќе се приклучи на резервацијата.
• Да одговарате поефикасно на прашањата на гостите со брзи одговори предложени од вештачката интелигенција.
• Да реагирате на пораките со емотикони.
• Лесно да пребарувате низ пораките.

Стандардниот приказ во јазичето „Пораки“ ги прикажува сите ваши пораки. Изберете „Угостување“, „Патување“ или „Поддршка“ за да ги филтрирате пораките по вид.

Во „Угостување“, може да ги примените овие дополнителни филтри:

• Делот „Непрочитани“ ги содржи само неотворените пораки.
• „Етапа на патувањето“ ги подредува пораките според барањата за резервација, претстојните резервации, оние што во моментот се угостуваат или минатите резервации.
• „Огласи“ ги сортира пораките по оглас ако имате повеќе.
• „Означени како важни“ ги прикажува само пораките што сте ги означиле со ѕвезда.

Ако имате кодомаќин, ако сте Супердомаќин-амбасадор или домаќин на доживување, ќе ги најдете и овие филтри во јазичето „Пораки“:

• „Кодомаќин“ ги прикажува разговорите помеѓу вас и сите кодомаќини на огласот.
• „Супердомаќин-амбасадор“ ги прикажува пораките помеѓу вас и домаќините со кои сте се поврзале.
• „Доживувања“ ви овозможува да ги читате пораките поврзани со тие резервации.

Со секоја нова резервација се започнува нов разговор. Секој разговор има ознака, на пример, „Побарано патување“ или „Кодомаќин“, за да видите за што се работи уште веднаш. Зелената точка покажува дека пораката се однесува на тековна или претстојна резервација. Црвената точка означува дека треба да преземете дејство, на пример, да одговорите на барање за патување.

Користете го филтерот „Патување“ за да ги видите пораките што ги испраќате и примате како гостин. Филтерот „Поддршка“ ги прикажува вашите пораки со тимот за поддршка на Airbnb.

Домаќините сега можат да комуницираат со секој гостин кој ќе се приклучи на патувањето. Еве како функционира групното испраќање пораки: 

• Гостинот кој резервира ги поканува другите луѓе да се приклучат на резервацијата. 
• Секој гостин кој ќе прифати се додава на резервацијата и на групниот разговор за тоа патување. Гостите можат да ги прочитаат сите пораки, дури и ако се приклучат подоцна.
• Испраќате пораки до сите во групниот разговор. 
• Изберете го копчето „Детали“ за повеќе информации околу резервацијата и разговорот, вклучувајќи и листа со сите што се приклучиле.
• Изберете фотографија на некој од гостите за да пристапите до неговиот профил и да дознаете повеќе за тоа кого угостувате.

Брзите одговори се шаблони за пораки што ги создавате за да одговорите на рутински прашања за пријавувањето, одјавувањето и друго. Треба да поставите брзи одговори за да ја користите новата функција за брзи одговори предложени од вештачката интелигенција.

Оваа функција користи вештачка интелигенција за да го разбере прашањето на гостинот и автоматски да предложи некој од вашите брзи одговори. Предложениот брз одговор се појавува во групниот разговор каде што само вие можете да го видите. Можете да ја прегледате и уредите пораката пред да ја испратите.

Јазичето „Пораки“ ви овозможува да одговарате на пораките со додавање емотикони. Секој во разговорот може да ги искористи емотиконите со насмевка, срце, палец нагоре, ракоплескање или смеење за да потврди дека ги видел пораките.

Треба да најдете конкретен разговор? Надградената алатка за пребарување пребарува низ вашите пораки.

Може да пребарувате пораки според името на лицето или според одреден збор или фраза. Резултатите ги земаат предвид сите филтри што сте ги примениле и ви помагаат побрзо да ги најдете разговорите.

Испробајте го јазичето „Пораки“ уште денес ако се пријавите за ран пристап.

Информациите што ги содржи статијава може да се променети по објавувањето.