Совети од Супердомаќин за угостување лица од ЛГБТК+ заедницата

Секој месец ги споделуваме последните новости од Советодавниот одбор за домаќини и ви помагаме да ги запознаете членовите на одборот.

Здраво на сите,

Јас сум Питер Кван, Супердомаќин во Сан Франциско и член на Советодавниот одбор за домаќини. Откако станав домаќин пред речиси 10 години, се залагам за заедницата на домаќини, вклучувајќи ги и групите кои често се занемарени во општеството, како што се повозрасните лица и членовите на ЛГБТК+ заедницата.

Во чест на Месецот на гордоста, учествував на настанот на Airbnb „Возможно багодарение на (геј) домаќините“ на почетокот на овој месец. Тоа беше динамична дискусија со група геј лидери на домаќини за тоа како ние како ЛГБТК+ домаќини придонесуваме за успехот на Airbnb во остварувањето на чувството на припаѓање.

Подолу може да дознаете како да им помогнете на гостите кои се дел од ЛГБТК+ заедницата да се чувствуваат побезбедно во вашето сместување, како и да дознаете со што се стекнав поради вклученоста со мојата локална заедница на домаќини.

Ги советувам домаќините, на начин на кој тие сметаат дека е соодветен, во описот на сместувањето да наведат дека нивниот простор е безбеден за гостите кои се членови на ЛГБТ+ заедницата. Во Сан Франциско не е ништо чудно истополови парови да шетаат по улица држејќи се за раце. Но, за многу гости кои доаѓаат од земји со различни норми или правила, давањето на овие информации може да придонесе да се чувствуваат попријатно.

Ако домаќинот може да им каже на гостите дека не само што доаѓаат во безбеден град, туку дека доаѓаат и во безбеден дом, тоа може да значително да влијае на спокојството на гостинот. Пред да заѕвонат на вратата, гостите треба да знаат дека ќе бидат пречекани со отворени раце со својот партнер од ист пол, во согласност со мисијата на Airbnb да им помогне на луѓето „секаде да се чувствуваат како дома“.

Познавам ЛГБТК+ домаќини во Сан Франциско кои имаат фотографија на огласот со знаме со виножито во аголот, а во нивниот опис се опишува нивниот идентитет и видот на активизам во кој биле вклучени.

Исто така, може да направите стратешки работи за да им помогнете на гостите од ЛГБТК+ да се чувствуваат попријатно откако ќе пристигнат, како што е нудењето на геј водичи во градот и книги за историјата на ЛГБТК+ заедницата. Со такви работи гостите ќе се чувствуваат навистина добредојдени.

Откако станав домаќин, сфатив дека нема многу места каде може да се најдат одговори на сите мои прашања.

Основав група за поддршка на заедницата на домаќини во 2012 година и оттогаш се среќаваме секој месец.

Угостувањето може да биде многу осамена активност, па мојот совет за новите домаќини е да се приклучат на локален клуб на домаќини или да основаат еден ако сѐ уште не постои. Наместо да научите како да бидете одличен домаќин преку експериментирање, тоа може да го научите преку искуството на другите луѓе, а истовремено да стекнете одлични пријателства.

Навистина е задоволство да им се помага на другите домаќини, било да се работи за помош околу основите на угостувањето, како на пример, како да се снајдат на платформата или поканување членови на тимот на Airbnb да ги објаснуваат новите производи и да разговараат за промените на прописите на состаноците на нашиот клуб на домаќини.

На повозрасните лица обично не се ни помислува кога луѓето зборуваат за вклученост и разновидност во заедницата на домаќини, а тие навистина го заслужуваат нашето внимание.

Дознав дека на Airbnb, повозрасните лица се една од најбрзорастечките групи на нови домаќини во САД, а повозрасните жени во САД постојано имаат најдобри рецензии.*

Една од работите што сакам да ги направам како член на Советодавниот одбор за домаќини е да привлечам внимание кон повозрасните лица и да се погрижам дека Airbnb ќе нѐ има предвид кога работи на некој производ.

Во последно време, нешто за што најмногу се радувам е подгрупата што ја формирав за повозрасни домаќини наречена „Златни домаќини“. Јас сум член на Американското здружение на пензионирани лица (AARP), па доколку сте квалификувани да бидете член на AARP, може да се приклучите на „Златните домаќини“.

Групата „Златни домаќини“ расте и тие се едни од моите омилени членови на заедницата на домаќини деновиве. Пред COVID, секој месец одевме кај некој член на вечера заедно. Беше навистина супер.

Во клубот, повозрасните лица меѓусебно се учат како да угостуваат. Како и секоја друга група, повозрасните лица може брзо да научат за технологијата и многуте дигитални достигнувања што ни ги менуваат животите или пак може да им треба насочена обука или поддршка коишто може да им обезбедат најефикасно оспособување.

• Учествува во глобалните турнеи на домаќини на Airbnb во мај и споделува повеќе за добитниците на грантови од Фондот на заедницата во нашите региони.
• Советува за разновидноста и чувство на припаѓање, како што се правилата за пристапност.
• Дава повратни коментари за „Поддршката на заедницата“, како подобрувања во „Центарот за помош“ на Airbnb.

Дознајте повеќе за тоа што прави Советодавниот одбор за домаќини и следете ги месечните новости и совети од членовите на одборот.

*Според извештајот на Airbnb: „Растечката заедница на Airbnb на жени домаќини постари од 60 години“