Како да поставите ефикасна страница со оглас

Споделете важни детали и користете привлечни фотографии.
Од Airbnb на 18 ноем. 2020 г.
Четиво од 3 мин.
Ажурирано на 8 ноем. 2023 г.

Страницата со огласот е вашата прва можност да го привлечете вниманието на потенцијалните гости. Користете го насловот, описот, фотографиите и удобностите за да им помогнете на гостите да разберат што нуди вашето сместување.

Контролирајте кога и како може да резервираат гостите

Како домаќин, вие одлучувате кога и како гостите можат да го резервираат вашето место. Внимателното избирање на подесувањата за календарот и за резервациите ви помага да угостувате онака како што сакате, а истовремено помага да се спречат непотребни откажувања.

Некои од овие карактеристики вклучуваат:

  • Подесувања на календарот: одржувајте го календарот ажуриран така што ќе преземете мерки како што се блокирање на датумите кога не угостувате и поставување на минималниот и максималниот број на ноќевања што гостинот може да ги резервира.

  • Барање за резервација: оваа функција ви овозможува да ги прегледувате барањата за резервација пред да ги прифатите. Погрижете се да му одговорите на гостинот во рок од 24 часа.

  • Инстант резервација: гостите честопати бараат сместувања кои користат „Инстант резервација“, што им овозможува да резервираат без однапред одобрено барање. Ако ја вклучите оваа функција, тоа укажува дека сте подготвени да ги угостите сите што се во согласност со вашите критериуми за резервација, што е од суштинско значење за да бидете домаќин кој не исклучува никого.

Додајте ги најважните детали

Ако споделите важни детали, вашиот оглас полесно ќе се истакне и ќе ги постави очекувањата на гостите.

  • Напишете детален опис. Обидете се да го наведете она што гостите треба да го знаат за вашето сместување во насловот и описот. На пример, домаќинот кој има мало место покрај море може да напише „Удобно место за одмор покрај плажа“ како наслов на огласот. Изразувајте се на начин кој не исклучува никого за да покажете дека кај вас се добредојдени луѓе од секакво потекло.

  • Наведете ги удобностите. Во популарни удобности спаѓаат wifi, самопријавување, погодно место за работа со лаптоп, бесплатен паркинг и погодно место за миленичиња, па не заборавајте да наведете сѐ што нудите.

  • Споделете го куќниот ред. Тој поставува очекувања за гостите и им дава преглед на вашиот стил на угостување. Користете го куќниот ред за да споделите неопходни информации со потенцијалните гости, како што е правилото за забрането пушење.

Користете впечатливи фотографии за да привлечете гости

Вашите фотографии од сместувањето може да го прикажат вашиот карактер и стил. Честото ажурирање помага точно да го прикажете она што моментално го нудите.

  • Прикажете сѐ што им е достапно на гостите. Поставете повеќе фотографии од секоја соба од различни агли. Алатката заснована на вештачка интелигенција може да ви помогне да ги организирате по соби за да создадете виртуелна обиколка.

  • Додајте конкретни детали за секоја соба. Ова вклучува аранжмани за спиење, информации за приватност, карактеристики за пристапност за лица со попреченост и удобности. Користете описи за да наведете важни детали.

  • Изберете ја насловната фотографија. Насловот на огласот и насловната фотографија се првите нешта што гостите ги забележуваат во резултатите од пребарувањето. „Кога барам сместување на Airbnb, секогаш прво ги разгледувам фотографиите. Затоа, размислете што го издвојува вашето место од другите“, вели Кандида, домаќин во Џошуа Три, Калифорнија.

Откако ќе почнете да угостувате, обидете се деталите на огласот да бидат секогаш ажурирани. Описот и фотографиите треба да им дадат претстава на гостите за она што го нудите, а истовремено да го истакнуваат она што е уникатно за вашето место.

Информациите што ги содржи статијава може да се променети по објавувањето.

Airbnb
18 ноем. 2020 г.
Дали ова беше корисно?