Ви помагаме да станете поодржлив домаќин

Секој месец ги споделуваме последните новости од Советодавниот одбор за домаќини и ви помагаме да ги запознаете членовите на одборот.

Здраво на сите,

Јас сум Ана Џонс, член на Советодавниот одбор за домаќини и олеснувач на комитетот за одржливост. Во текот на изминатите неколку месеци се состанавме со раководителите на Airbnb за да истражиме како можеме да ги поддржиме домаќините да станат еколошки одговорни.

Во чест на Денот на Земјата на 22 април, задоволство ми е да споделам повеќе информации за она што го направивме!

Разбирливо, многу домаќини не знаат како да почнат да бидат поодржливи. Постојат многу информации и тоа често може да изгледа како премногу!

Кога се приклучив на Советодавниот одбор, една од моите цели беше одржливоста да им делува попристапно на домаќините. Навистина верувам дека со меѓусебна поддршка и пофалба можеме да создадеме позитивни промени!

Еве како работиме со Airbnb на ова:

• Ви ја претставуваме едукативната серија за одржливост: Airbnb соработуваше со Програмата за животна средина на Обединетите нации, светски шампион за животна средина, Светскиот фонд за диви животни, водечката светска организација за зачувување и комитетот за одржливост на Советодавниот одбор за домаќини за да создаде едукативни содржини за домаќините. Ова вклучува нови статии како на пример водич за почетници за станување одржлив домаќин и совети за промовирање одржлив туризам со гостите. Ќе ја прошируваме серијата во текот на годината, па останете со нас за да дознаете повеќе начини да бидете еколошки одговорни!
• Споделуваме како другите домаќини прават разлика:Практиките за одржливост може да се разликуваат врз основа на тоа каде живеете и што ви е достапно. За да им покажеме на домаќините како да бидат одржливи на различни места и простори, ќе ги истакнеме еколошки одговорните домаќини од целиот свет. Прва е Супердомаќинката Тифани, која има сместување на плажа во Холивуд Бич, Калифорнија.
  
• Истражуваме партнерства за обновлива енергија: За да помогне обновливата енергија да стане подостапна за домаќините, Airbnb истражува партнерства со „зелени“ претпријатија за комунални услуги во избрани заедници. Airbnb наскоро ќе започне пилот-програма во САД, а ако домаќините сметаат дека вреди, ќе работиме на обезбедување слични понуди на глобалната заедница на домаќини.

Со задоволство кажувам дека ова е само почеток! Комитетот за одржливост е желен да истражува нови начини за да им помогне на домаќините да бидат „позелени“, а и да заштедат пари! Ќе споделуваме повеќе за оваа тема во текот на годината.

Животот во близина на морето во Пемброкшир, Велс, ми разбуди нова страст и ме инспирираше да создадам поодржлив начин на живот. Мило ми е што можам да им помогнам на другите домаќини да започнат со ова патување. Еве нешто повеќе за мене:

Во 2017 г., моето семејство и јас баравме промена во начинот на живот и навистина сакавме да поставиме оглас на Airbnb. Потоа, оваа убава стара фарма излезе на пазарот и се заљубивме. Сите згради датираат од 1650 г., па тука е баш шармантно и смирено.

Не се само неверојатниот пејзаж и крајбрежјето. Луѓето се толку инспиративни—постои голема поврзаност со земјата и она што го работат. Заразно е! Нашата локална заедница е составен дел од доживувањето на гостите—од нашите локално направени сапуни до локалната уметност што ги краси ѕидовите!

Имаме две сместувања. Мајка ми и јас ги правиме сите промени и дотерувања. Татко ми е задолжен за одржувањето. Сè правиме сами, со тимска работа. Се чувствуваш толку вклучен во сржта, а страста за местото каде што живееме е огромна.

Го составив нашиот пристап кон одржливоста, кој е во описите на нашите сместувања. Исто така е отпечатен во викендиците за луѓето да можат да го прочитаат и да научат за она што го правиме. Дури и одгледуваме сопствени одржливи дрвја за да ги полниме нашите печки на дрва!

Бев еден од основачите на Одборот на заедницата на Airbnb во Велика Британија, кој започна во 2019 г. и водам иницијативи за одржливо угостување со голем број домаќини во Велика Британија и тимот на Airbnb.

Беше волшебно да се биде во контакт со природата. Станав ускладен со годишните времиња и ритамот на морето и тоа се отсликува во сè што правиме тука.

Многу луѓе повторно се поврзуваат со себе и со природата кога престојуваат тука—понекогаш се чувствувам како Купидон бидејќи гостите се заљубуваат во Пемброкшир и постојано се враќаат!

Советодавниот одбор за домаќини ќе се врати следниот месец со повеќе новости од нашите состаноци на одборот. Во меѓувреме, искрено се надевам декановата серија за одржливост ќе ви биде корисна!

На здравје! (Или како што велиме овде во Велс, „Iechyd da!“)

Ана Џонс

Информациите содржани во оваа статија можеби се променети по објавувањето.