Дискусија за дискриминацијата на сесија со прашања и одговори за домаќините на Airbnb

Во Airbnb, редовно одржуваме сесии со нашите домаќини за да водиме важни разговори за темите што им се најважни. Без разлика дали разговараме за оцените за локацијата или рецензиите од домаќините, овие сесии имаат неколку заеднички работи – тие се искрени, отврени и може да се однесуваат на тешки теми.

Во октомври 2018 година, Airbnb го промени начинот на прикажување на профилните фотографии на гостите за да поттикне пообјективно донесување одлуки во процесот на резервирање. Сега, профилните фотографии на гостите се прикажуваат само откако ќе се потврди резервацијата.

Некои домаќини изразија загриженост во врска со промените, нагласувајќи ја важната улога што фотографиите може да ја имаат во обезбедувањето информации за нивните гости. Меѓутоа, многу други, како Денис, се согласија со промените, истакнувајќи како фотографиите можат да придонесат за борбата против дискриминацијата.

„Многу гости дојдоа кај мене и ми рекоа: „Причината зошто ве избрав вас [да ми бидете домаќин] е затоа што знаев дека нема да бидам одбиен поради тоа кој сум“, вели Денис.

Лора Чемберс, која беше генерален менаџер на Airbnb во тоа време, ја заврши дискусијата со заклучок дека разговорите за дискриминација се сложени и предизвикувачки, но исто така се и од суштинско значење. Тешко е да се зборува за дискриминацијата, но мораме заедно и директно да се соочиме со неа пред да може да се бориме против неа.

Сите сме пристрасни. Но компаниите како Airbnb може да помогнат во создавањето алатки што ќе ги спречат луѓето да донесуваат пристрасни одлуки. Поради ова, во 2016 г. се обврзавме да го процениме начинот на кој ги прикажуваме профилните фотографии на гостите во процесот на резервирање. Сега, профилните фотографии на гостите не им се прикажуваат на домаќините додека резервацијата не биде потврдена, а тоа го поттикнува објективното донесување одлуки од страна на домаќините.

Ја донесовме оваа одлука по бројни разговори со домаќини и гости. Иако повеќето гости доставуваат фотографија, некои ни рекоа дека не сакаат да споделат слика од себе кога резервираат. Исто така, знаеме дека се загрижени во врска со можноста фотографиите да бидат злоупотребени на начин што ја крши нашата „Политика против дискриминација“.

Исто така, домаќините ни кажаа дека профилните фотографии им се важни бидејќи можат да им помогнат на домаќините и гостите да се запознаат пред да започне патувањето и да им помогнат на домаќините да ги препознаат гостите при пријавувањето. Освен тоа, видовме како фотографиите може да бидат корисна алатка за зајакнување на довербата и промовирање на заедницата.

За домаќините како вас да имаат поголема контрола во овој процес и полесно да изградите доверба кај гостите пред патувањето, може:

• Да побарате од гостите да достават официјален документ за идентификација до Airbnb пред да можат да го резервираат вашето сместување.
• Да им испратите порака на гостите за да ги прашате за целта на нивното патување.
• Да ги прегледате претходните рецензии за гостите за да дознаете што имале да кажат другите домаќини за нивното искуство со гостинот.
• Да побарате гостите да имаат профилна фотографија, иако фотографијата ќе се појави само откако резервацијата ќе биде прифатена.

Овие чекори може да им помогнат на домаќините, а истовремено помагаат во борбата против дискриминацијата. Исто така, создадовме корисни алатки коишто ги објаснуваат различните видови на пристрасност и стереотипи, како може да влијаат на искуството на одреден член на заедницата на платформата Airbnb и што можете да направите за да ги надминете.

Но има уште многу работа и знаеме дека ова е само една од многуте важни дискусии. Ќе продолжиме да се состануваме со домаќините за да дознаеме како можеме да работиме заедно за да им помогнеме на луѓето од сите средини да се чувствуваат безбедно, почитувано и добредојдено.