Одете напред за да пристапите до предложените резултати
    Оваа содржина не е достапна на јазикот кој го избравте, па ја направивме достапна на најблискиот достапен јазик засега.

    Материјали за борба против расизмот во Airbnb заедницата

    Еве како може и вие да пружите поддршка.
    Од Airbnb на 1 јун. 2020 г.
    Четиво од 2 мин.
    Ажурирано на 28 апр. 2021 г.

    Исклучителни одлики

    Минатата година, поради трагичната смрт на Џорџ Флојд, Бриона Тејлор, Ахмуд Арбери и безброј други афроамериканци, настапија особено тешки времиња за многумина, вклучувајќи ги и домаќините и гостите. Исто така, забележавме и пораст на насилството врз лицата со азиско потекло.

    Здружението за поддршка на вработените со афроамериканско потекло на Airbnb – Black@ – подготви „Водич за активизам и застапување“ којшто го споделивме со нашата заедница во САД. Целта беше да ги поддржиме домаќините и гостите кои беа повредени, лути, исплашени или несигурни за тоа како да предизвикаат промени и да понудиме материјали за членовите на нашата заедница да станат подобри застапници.

    Дискриминацијата е голема закана за заедницата изградена врз чувството на припадност и меѓусебното прифаќање. Тоа противречи на сѐ она што сме и на она во коешто веруваме. Airbnb ги отфрла расизмот, нетолерантноста и омразата. Иако ја поздравуваме пресудата од судењето за смртта на Џорџ Флојд, знаеме дека тоа нема да врати ниту еден трагично изгубен живот, ниту ќе стави крај на вековната борба за изградба на поправедно општество кое не исклучува никого.
    Airbnb ги отфрла расизмот, нетолерантноста и омразата.

    Не можеме да зборуваме за неодамнешните настани без да ја признаеме и болната вистина дека некои домаќини и гости од целиот свет сѐ уште се соочуваат со дискриминација, што е во директен конфликт со нашата мисија да создадеме чувство на припадност. Во 2016 година, Airbnb воведе „Политика против дискриминација“ и „Обврска кон заедницата“. Оттогаш, повеќе од 1,3 милиони луѓе кои одбија да се согласат со овие политики се отстранети од нашата платформа. Имаме уште работа и продолжуваме да се бориме против дискриминацијата.

    Неодамна, споделивме материјали за да ви помогнеме да ја поддржите заедницата на лицата со потекло од Азија и Тихоокеанските острови и го проширивме водичот за активизам и застапување што го спомнавме погоре.

    Ажурираниот водич за активизам и застапување содржи материјали и предлага активности од антирасистички активисти и експерти во САД, Велика Британија и ЕУ, како и во Ирска, Јужна Африка, Канада и друго. Мислевме дека би било корисно да ги споделиме овие нови информации со вас бидејќи сите работиме заедно за да станеме подобри и поактивни застапници.

    Грижете се за себе и чувајте се.

    Во знак на солидарност,

    Тимот на Airbnb

    Информациите што ги содржи статијава може да се променети по објавувањето.

    Исклучителни одлики

    Airbnb
    1 јун. 2020 г.
    Дали ова беше корисно?

    Разгледајте повеќе теми