Одете напред за да пристапите до предложените резултати

    Јасно и едноставно одјавување

    Пренесете ги вашите очекувања, од чистење до заклучување.
    Од Airbnb на 9 мар. 2020 г.
    Четиво од 4 мин.
    Ажурирано на 1 јул. 2021 г.

    Исклучителни одлики

    • Бидете јасни за времето на одјавување и нагласете колку е важно да заминат навреме.

    • Дајте им инструкции за заклучување, како и за тоа каде да го остават клучот.

    • Кажете им на гостите колку да чистат, од миење садови до вадење чаршафи од креветот.

    • Испратете потсетник за времето на одјавување и сите упатства претходниот ден.

    • Дознајте повеќе во нашиот целосен водич за да ги воодушевите првите гости

    За некои домаќини, одјавувањето едноставно значи замолување на гостите да ја затворат вратата зад нив и да уживаат во патувањето до дома. Другите домаќини оставаат детални инструкции за чистење. Каков и да е вашиот стил на угостување, јасното соопштување на очекувањата за одјавувањето на гостите е клучно за завршување на престојот на убав начин.

    Еве совети за одјавување без стрес:

    Јасно наведете го времето на одјавување

    Доцното одјавување предизвикува хаос во вашиот распоред и може да ја попречи вашата следна резервација, особено ако имате резервации една по друга. Погрижете се гостите да знаат точно во кое време треба да се одјават и нагласете ја важноста со објаснување зошто.

    Трик од домаќин: Џо од Сан Франциско користи паметна тактика: „Им кажувам на гостите дека чистачот ќе пристигне во 11 часот наутро за да го подготви станот за следните гости, за да сфатат зошто е важно да заминат навреме.“

      Споделете ги сите упатства за чистење

      Домаќините имаат многу различни очекувања кога станува збор за чистењето – некои сакаат гостите сами да си ги мијат садовите и да си ги перат алиштата, додека други претпочитаат задачите за чистење да ги остават за себе или за лицето задолжено за чистење (и може да користат надоместок за чистење* за да го покријат овој трошок). Каков и да е вашиот пристап, бидете прецизни. И размислете да ги наведете овие информации во упатството за користење на куќата. Многу домаќини, исто така, оставаат производи за чистење за да им олеснат на гостите во одржувањето на работите чисти за време на нивниот престој.

      Совет за домаќини: Челзи и Кевин од Чикаго најдоа креативен начин за споделување на барањата за чистење. „Создадов илустриран водич за одјавување за гостите со помош на нашето преслатко куче. Засега е вистински хит! Смешно, игриво и забавно, но најважно од сѐ – невозможно е да се игнорира!“

      Кажете им на гостите како да заклучат

      Начинот на заклучување на сместувањето може да ги збуни гостите. Оставете им јасни инструкции. Дали треба да се затворат прозорците? Дали некои врати треба да се заклучат? Треба нешто да им кажете за термостатот или клима уредот? Ако има клуч, гостите ќе треба да знаат каде да го остават. Да се потсетиме, упатството за користење на куќата е одлично место каде што може да ги дадете овие детали.

      Испратете потсетник

      Дури и ако сте обезбедиле инструкции за одјавување во сместувањето и/или во упатството за користење на куќата, би било добро да ги известите гостите за задолжителните работи на денот пред заминувањето. Гостите најверојатно уживале во престојот и можеби нема да размислат да ги разгледаат деталите за одјавувањето до утрото на денот од нивното заминување. Со соопштување на вашите очекувања еден ден претходно лично или преку СМС, е-пошта или порака преку Airbnb, поголема е веројатноста дека гостите ќе ги следат вашите инструкции и ќе излезат на време.

      Им кажувам на гостите дека чистачот ќе пристигне во 11 часот наутро, за да сфатат зошто е важно да заминат навреме.
      Joh,
      Сан Франциско

      Ако можете, направете нешто повеќе

      Деновите на патување може да бидат стресни за гостите. Размислете како може да го намалите стресот. Некои домаќини нудат помош во врска со аеродромските аранжмани. Други обезбедуваат простор за гостите да ги остават торбите на неколку часа додека го истражуваат градот. Овие гестови сигурно не се вообичаени и ниту еден гостин нема да ги очекува. Но, ако сте во можност да ги надминете очекувањата, ова е само еден од начините како може да ги воодушевите гостите.

      Со беспрекорно искуство при одјавувањето, гостите ќе се сеќаваат како се забавувале во вашето место наместо на стресот од заминувањето, а вие ќе бидете спремни за следната резервација!

      *Со исклучок на домаќините кои нудат сместувања во континентална Кина. Дознајте повеќе

      Информациите што ги содржи статијава може да се променети по објавувањето.

      Исклучителни одлики

      • Бидете јасни за времето на одјавување и нагласете колку е важно да заминат навреме.

      • Дајте им инструкции за заклучување, како и за тоа каде да го остават клучот.

      • Кажете им на гостите колку да чистат, од миење садови до вадење чаршафи од креветот.

      • Испратете потсетник за времето на одјавување и сите упатства претходниот ден.

      • Дознајте повеќе во нашиот целосен водич за да ги воодушевите првите гости
      Airbnb
      9 мар. 2020 г.
      Дали ова беше корисно?

      Можеби ќе ви се допадне и

      Можеби ќе ви се допадне и

      Разгледајте повеќе теми