Поставување стратегија за одредување цени

Airbnb апликацијата го олеснува управувањето со цените и достапноста. Еве како да ги искористите алатките за угостување за да добиете повеќе резервации и да ги остварите своите цели за заработка.

Гостите бараат Airbnb доживувања кои нудат одлична вредност. Редовно преиспитувајте ја цената што ја наплаќате и колку често угостувате за да останете конкурентни.

Може да ги прилагодите подесувањата за цената и достапноста директно во календарот. Секогаш имајте ги предвид овие фактори.

• Ден од неделата: размислете да поставите различни цени за различни денови. На пример, можеби ќе сакате да наплаќате помалку во деновите кога има помалку гости за да ги привлечете луѓето да резервираат.
• Време од денот: размислете кои се најдобрите термни за да привлечете различни гости и да додадете достапност. На пример, вечерите во работните денови може да им се допаднат на локалните жители кои работат во текот на денот и сакаат да ги избегнат викендите кога побарувачката е поголема.
• Голема група: може да поставите намалени цени по лице за да привлечете големи групи. На пример, може да понудите 10% попуст за 2 до 3 лица, 20% попуст за 4 до 5 лица или 30% за повеќе од 6 лица.
• Семејства: размислете да им дозволите на децата помлади од 12 години да учествуваат бесплатно или по пониска цена.
• Резервации во последен момент: ако доживувањето е само делумно резервирано, обидете се да ја прилагодите цената за да ги пополните преостанатите места.
• Големина на групата: може да ги прилагодите вашите слободни места за да избегнете прекумерно продавање ако го нудите вашето доживување на друга платформа.

Популарните сезони може да ви донесат подобри резултати. Подгответе се за поголемата побарувачка на гостите со овие совети за одредување цени.

• Додајте термини: понудете го доживувањето почесто кога времето, празниците и големите настани како концерти, фестивали и спортски турнири носат повеќе посетители во вашиот регион.
• Ажурирајте го бројот на гости: размислете да го зголемите бројот на места и да ја прилагодите цената за да привлечете гости во последен момент. Овие промени може да ги направите во јазичето „Денес“.

Популарните сезони се добра можност и да го ажурирате огласот за да се истакне во резултатите од пребарувањето. Размислете да ги прилагодите насловот и описот за да го истакнете периодот од годината или да додадете нови слики.

Еве начини како вашиот оглас да се истакне во периодите со пониска побарувачка.

• Додајте попусти: дури и малите попусти може да ја подобрат вашата позиција во резултатите од пребарувањето. Размислете да понудите пониски цени со попуст за рана резервација и за големи групи. Ако попустот е повеќе од 10% од вкупната цена, цената со попуст ќе се прикажува веднаш до првичната којашто е прецртана во резултатите од пребарувањето и на страницата со огласот.*
• Оставете простор за дополнувања во последен момент: намалете го крајниот рок за резервирање за гостите да можат да резервираат истиот ден или ден претходно. Половина од сите резервации се случуваат на помалку од 1 седмица пред почетокот на доживувањето.** Гостите како локалните жители и посетителите со флексибилни планови обично резервираат подоцна од вообичаеното во периодите со помала побарувачка.

*Мора да биде најмалку 3 американски долари (или еквивалентен износ во локалната валута) од вкупната цена

**Врз основа на резервациите за доживувања од 13 мај 2025 година до 20 јули 2025 година, во 30 града низ целиот свет

Контролата врз цените и другите подесувања е постојано во ваши раце. Вашите резултати може да се разликуваат.

Информациите што ги содржи статијава може да се променети по објавувањето.