Како да организирате непречено доживување

Гостите ценат кога домаќинот се труди да обезбеди беспрекорно искуство. Ова значи да одговарате брзо, да дадете јасни инструкции за пристигнување, точно да го опишете доживувањето и да бидете навреме и организирани.

Користете ги алатките за испраќање пораки на Airbnb за да одговорите на пораките на гостите веднаш пред и по доживувањето.

• Користете брзи одговори. Овие шаблони за пораки повлекуваат детали од огласот и резервациите на гостите за да ви помогнат да одговорите брзо. Може да ги уредите, а исто така и да ги закажете да се испратат во одредено време, на пример, веднаш по резервацијата на гостинот.
• Поставете известувања. Ако ги гледате пораките на гостите веднаш, може да ја подобрите брзината на одговор. Добро обрнете внимание во периодот пред средбата.

„Брзото одговарање е многу важно“, вели Џиб, која организира час по готвење во Бангкок. „Колку побрзо можете да ги решите проблемите на гостите или да одговорите на нивните прашања, толку повеќе ќе сметаат дека можат да ви веруваат.“

Погрижете се гостите да знаат каде ќе се сретнете за да покажете дека можат да ви веруваат.

• Напишете детални инструкции. Наведете релевантни детали за да им помогнете на гостите да го најдат зборното место и да знаат како да ве препознаат.
• Споделете ги насоките однапред. Закажете брз одговор со инструкции за пристигнување еден или два дена пред доживувањето за гостите да имаат време да постават прашања.

Дани, која организира обиколка за шетање околу Бруклин, испраќа порака за добредојде кога гостите резервираат објаснувајќи им како функционира метрото, каде ќе се сретнат и од каде ќе заминат. „Така гостите имаат доволно време да го испланираат остатокот од денот“, вели таа.

Во вашиот оглас треба детално да се опише што можат да очекуваат гостите за време на доживувањето.

• Додајте ги сите кодомаќини. Одете во календарот за да ги додадете кодомаќините со кои работите на термините на кои ќе бидат домаќини. Ова ќе им помогне на гостите да знаат кого да бараат.
• Вклучете детални информации. Помогнете им на гостите да се подготват за вашето доживување така што ќе споделите сѐ што треба да знаат во описот и фотографиите на огласот. Може да им кажете што да спакуваат, на пример, чевли за пешачење и вода или да им покажете фотографии од стрмни скали.

„Им кажувам на гостите дека ќе одиме пеш до пазар, каде што ќе искусат живописни звуци и богати ароми“, вели Грасиела, која организира час по готвење во Мексико Сити. „На овој начин пристигнуваат подготвени и возбудени за доживувањето.“

Следењето на планот помага доживувањето да тече непречено.

• Одвојте време за да испланирате однапред. Подгответе ги локацијата и сите материјали за доживувањето да се одвива според распоредот. На пример, проверете дали просторот е чист и дали има доволно столови и работни простори.
• Одредете темпо што може да се следи. Почнете и завршете на време и вклучете паузи за да не мора да брзате со активностите.

„Поминав многу време планирајќи ја мојата рута“, вели Еврен, кој организира музичка прошетка низ Сохо во Лондон. „А потоа постојано ја испробував за да се уверам дека функционира.“

Сите домаќини, фотографии и детали за огласот мора да ги исполнуваат стандардите и барањата за Airbnb доживувањата.

Информациите што ги содржи статијава може да се променети по објавувањето.