Што се тоа клубови на домаќини?

Клубовите на домаќини се заедници на локални домаќини кои се поврзуваат онлајн и лично за да поставуваат прашања, да споделуваат совети, да ги слават постигнувањата и да разговараат за тоа како е навистина да се биде домаќин.

Пред сѐ, клубовите на домаќини се мрежа за поддршка – место каде што можете да се обратите кога ви треба совет или сакате да разговарате со други домаќини.

Клубовите се само за домаќини. Домаќините волонтери наречени водачи на заедницата ја поддржуваат секоја група. Тие започнуваат разговори и организираат средби и можности за волонтирање. Некои клубови одржуваат средби во живо, додека други се среќаваат онлајн.

Според податоците на Airbnb, членовите на клубовите на домаќини често заработуваат повеќе од другите домаќини и имаат поголеми шанси да бидат Супердомаќини.*

Мисијата на секој клуб е да создаде простор за поддршка, вклученост и помош каде што домаќините можат:

• Да ги развиваат своите бизниси со доверба.
• Да поставуваат прашања и да споделуваат совети.
• Да бидат информирани за новостите и материјалите на Airbnb.
• Да ги прослават победите и да ги решат предизвиците.
• Да најдат можности да се соберат на некое локално место и виртуелно.

Сѐ што ви треба за да се приклучите на некој клуб на домаќини е сметка на Airbnb со активен оглас за сместување или доживување.

Приклучувањето е едноставно:

• Најавете се на вашата Airbnb сметка.
• Најдете локални клубови на домаќини врз основа на локацијата и видот на сместувањето.
• Притиснете на „Приклучи се на групата“ и согласете се со упатствата на заедницата.

Ако нема достапни клубови во вашиот регион, ќе имате можност да бидете известени кога ќе се отвори клуб во близина.

*Врз основа на глобалните податоци на Airbnb за домаќините на сместувања од јуни 2025 г. Заработката не е загарантирана и зависи од неколку фактори, вклучувајќи ја вашата достапност, цената и побарувачката во вашиот регион.

Информациите што ги содржи статијава може да се променети по објавувањето.