Снабдете се со следниве средства за чистење

Дали сте подготвени да го издигнете чистењето на следното ниво? Како дел од процесот за потемелно чистење во 5 чекора на Airbnb, врз основа на прирачникот за чистење, составивме листа на препорачани материјали, од заштитна опрема до производи за чистење за гостите. Еве некои работи со коишто треба да се снабдите за поефикасно чистење.

Може да ја намалите изложеноста на микроби и хемикалии со користење на следнава опрема додека чистите:

• ракавици за еднократна употреба (препорачано)
• маска или ткаенина за покривање на лицето (препорачано)
• безбедносни очила (незадолжително, за чистење на бањата)
• престилка или наметка (незадолжително)
• навлаки за чевли (незадолжително)
• штитник за лице (незадолжително)

Ќе може ефикасно да го поминете процесот на чистење со некои основни материјали. Еве што ви е потребно:

• метла и лопатче
• кофа (по потреба)
• четка за отстранување прашина
• кеси за отпадоци
• крпи од микрофибер
• џогер
• хартиени марамчиња
• четка за триење
• сунѓерчиња за триење (само за во кујна)
• скала (по потреба)
• четка за тоалет
• правосмукалка
• кеси за правосмукалка (по потреба)
• машина за миење садови
• машина за перење и машина за сушење алишта

Ви препорачуваме да користите само раствори за дезинфекција коишто се регистрирани во релевантните владини агенции (на пр., Агенцијата за заштита на животната средина на САД или Европската агенција за хемикалии). Снабдете се со:

• средство за чистење повеќе површини
• средство за дезинфекција на повеќе површини
• средство за чистење стакло
• избелувач
• детергент за перење алишта
• средство за отстранување дамки од алишта
• детергент за миење садови
• средство за чистење теписи (по потреба)
• средство за чистење подови
• средство за полирање мебел/дрво
• средство за чистење рерна (само за во кујна)
• средство за одмастување рерна (само за во кујна)
• средство за чистење мувла (по потреба)

Што треба да знаете за дезинфицирањето со средства за дезинфекција
Можеби се прашувате дали производите што ги користите се доволно силни за да помогнат во намалувањето на бројот на микроби, како што се бактерии и вируси. Еве краток преглед:

• Не заборавајте да користите одобрени средства за дезинфекција. Проверете кои средства за чистење и дезинфекција се одобрени од релевантните владини агенции, како што се Агенцијата за заштита на животната средина на САД (EPA) или Европската агенција за хемикалии. На пример, во САД, производите препорачани од EPA вклучуваат марамчиња Clorox, спрејови Lysol и други често користени средства за дезинфекција.
• Оставете го производот да се исуши. Ако го отстраните средството за дезинфекција пред препорачаното време, нема гаранција дека производот ги убил патогените микроорганизми како што се тврди на етикетата.
• Во ред е да се користат марамчиња за дезинфекција. Оставете ги површините влажни доволно долго. Времетраењето зависи од производот, проверете на етикетата.
• Избегнувајте недокажани средства за дезинфекција. Иако оцетот и етеричните масла можат да бидат ефикасни средства за чистење, не се одобрени од регулаторните агенции како средства за дезинфекција.
• Никогаш не мешајте средства за чистење. Комбинирањето на некои производи, како избелувач и амонијак, може да ослободи токсични гасови кои се опасни ако се вдишат.

Гостите ни кажаа дека сакаат да можат сами да чистат додека престојуваат во вашето сместување. Помогнете им така што ќе се снабдите со материјали што може да ги користат. Ако угостувате семејства, не заборавајте да ги чувате сите производи за чистење подалеку од дофат на деца. Еве што им е најпотребно на гостите:

• хартиени марамчиња за еднократна употреба
• средство за чистење повеќе површини
• марамчиња или спреј за дезинфекција
• антибактериско средство за дезинфекција на раце
• доволно сапун за раце

• Не влегувајте во простор без препорачаната заштитна опрема и не користете ја повторно извалканата опрема.
• Не заборавајте да ги прочитате сите безбедносни етикети за да разберете како правилно да ги користите хемикалиите за чистење.
• Секогаш чувајте ги хемиските производи подалеку од дофат на деца.
• За да спречите ширење на микроби, не си го допирајте лицето додека чистите.

Кога ќе завршите со чистење, не заборавајте повторно да се снабдите со материјалите кои се при крај или на кои им се приближува крајниот рок за употреба. Така, ќе може да ги замените и дополните пред следното чистење.

СЛЕДНО: кажете им на гостите дека чистите според процесот за потемелно чистење

Информациите што ги содржи статијава може да се променети по објавувањето. Во процесот за потемелно чистење во пет чекора, на едноставен начин се објаснети барањата за чистење на вашето сместување. За повеќе информации за тоа како да ги спроведете овие чекори, разгледајте го целиот прирачник за чистење на Airbnb. Како домаќин, можеби ќе треба да преземете дополнителни чекори за да се заштитите себеси, вашите тимови и гостите и секогаш треба да сте во тек со сите релевантни локални закони или упатства и да се придржувате до нив. Airbnb не е одговорен за какви било повреди или болести што би произлегле од придржувањето до овој процес за чистење. За упатства и правила за чистење специфични за регионот каде што угостувате, обележете ја оваа статија од „Центарот за помош“.