Планирајте ги однапред итните случаи поради временските услови

Ако сместувањето ви е подготвено за лоши временски услови, тоа ви помага да се заштитите себеси, вашите гости и вашиот имот.

Организацијата за помош и развој „Americares“, која е фокусирана на здравјето, ги нуди овие совети за поддршка на гостите и намалување на штетата на имотот за време на урагани, торнада и топлотни бранови.

Гостите можеби не се запознаени со локалната клима и што да прават во итен случај поради временските услови. Еве неколку начини на кои можете да ги поддржите, според „Americares“.

Запишете ги или отпечатете ги важните информации и оставете ги на видно место.

• Контакти за итни случаи: наведете ги телефонските броеви за полицијата, противпожарната служба и службата за брза помош заедно со националниот телефонски број за итни случаи (како што се 911, 999 или 112).
• Адреса на имотот: наведете ја целосната адреса на вашето место, главните крстосници или обележја и името на соседството, областа или зоната.
• Засолниште за невреме: наведете каде да се засолнат за време на торнадо или ураган, како што е подрумот или некоја внатрешна просторија без прозорци или прозорци на покривот. 
• Мапа од регионот: идентификувајте ги потенцијалните патишта за евакуација, засолништата за евакуација на заедницата и центрите за ладење. Наведете во кои локации се дозволени миленичиња.

Водете сметка за сезонските временски услови во огласот, пораките и правилата за откажување.

• Куќен ред: додајте ги основните детали за сезонските временски услови. На пример, „Сезоната на урагани обично е од јуни до ноември. Следете ја временската прогноза и инструкциите издадени од локалните власти.“
• Брзи одговори и закажани пораки: користете ги алатките во јазичето „Пораки“ за да зачувате совети што може да ги споделите кога има прогноза за лоши временски услови. На пример, може да создадете брз одговор со предлог каде да се разладат за време на топлотен бран.
• Правила за откажување: тешките временски услови може да претставуваат дополнителна опасност за места без клима уред и за уникатни сместувања како кампер возила, шатори и куќи на дрва. Ако понудите прилагодливи правила за откажување, гостите ќе имаат поголема слобода да си го планираат времето во согласност со временските прогнози.

Правилата за откажување што ќе ги изберете за вашиот оглас обично ги одредуваат повратните средства на гостите за откажаните резервации, освен ако вие и гостинот не се договорите поинаку. Ако некој голем настан на локацијата за резервација спречува или законски забранува некоја резервација да биде завршена, може да важи „Полисата за големи нарушувачки настани“ на Airbnb. 

Кога важи „Полисата за големи нарушувачки настани“, може да откажете резервација без надоместоци или негативни последици, а календарот на огласот ќе биде блокиран за тие датуми. Гостите со засегнати резервации, исто така, може да откажат и да добијат целосно враќање на парите. Ако вие или гостите откажете резервација што е покриена со полисата, нема да добиете исплата.

„Americares“ предлага да им испратите порака на гостите со совети за временските услови. Може да ги потсетите на локалните информации и да споделите совети како да се заштитат за време на престојот.

Подобрувањата кои се отпорни на временски услови може да помогнат да се намали оштетувањето на имотот за време на ураган или торнадо и да го направат вашето место поудобно за време на топлотен бран. „Americares“ ги препорачува овие мерки за одржување и обезбедување на вашето место.

Информациите што ги содржи статијава може да се променети по објавувањето.