Како да го проширите вашиот бизнис со доживувања
Супердомаќините ги надминуваат очекувањата кога станува збор за тоа гостите да се чувствуваат добредојдени. На пример, им приготвуваат појадок, организираат прошетки, активности во соседството и др. Всушност, околу 30%* од домаќините на домови на Airbnb им нудат обиколки и активности на гостите. Некои домаќини дури и ги направија овие понуди официјални со тоа што ги нудат како доживувања.
Добар пример се Супердомаќините Патрисија Рамос и Оскар Фернандез, кои беа меѓу првите домаќини на доживувања во Куба. Парот, и двајцата професори по економија на Универзитетот во Хавана, започнаа како домаќини на сместувања. Сега се домаќини и на четири доживувања: дводневна културна авантура во Хавана и руралните области; полудневна прошетка низ автентичната Хавана; еднодневна екскурзија во руралниот дел на Куба каде што гостите можат да видат како се одгледува кафе, животни и како се живее од земјоделството; како и двочасовен разговор за кубанската економија и општеството со пиење коктели Куба Либре или некој друг пијалок по избор. Освен тоа, „ги поттикнавме пријателите да организираат уште 15 други доживувања“, рече Оскар.
Патрисија и Оскар разговараа со нас за тоа како направиле чекор напред со своето претприемништво.
Како започнавте со доживувањата?
Оскар: „Поминувавме по два часа со секој гостин за време на секое пријавување бидејќи сакавме да им кажеме сѐ што знаеме за Куба. И многу уживавме во тоа бидејќи се чувствувавме како професори, само со нов вид студенти.“
Патрисија: „Тогаш луѓето почнаа да оставаат рецензии за нас и да пишуваат за [нашите импровизирани обиколки]. Кога Airbnb започна со доживувањата во Куба, си помисливме: „Зошто да не создадеме доживување слично на она што веќе го правиме при пријавувањето на гостите?“
Раскажете ни за вашето прво доживување – „Авантурата да се биде Кубанец“. Што е тоа што го прави уникатно?
Патрисија: „Повеќето меѓународни посетители кои доаѓаат во Куба очекуваат да слушнат за тутун, рум и салса музиката. Но она што сакавме да им го покажеме на гостите е нешто повеќе од тоа: како функционираат образовниот систем, здравствениот систем и пазарите и како луѓето живеат со толку ниски плати. Се шетаме низ градот и им ги покажуваме местата кои не се за туристи, како што е Копелија, место кое е познато по најдобриот сладолед. 5 топчиња сладолед чинат околу 13 денари (25 центи). Се чека околу 30 минути, а луѓето се дружат, па дури имаат и состаноци додека чекаат на ред. Тоа е една општа слика од кубанското општество. Исто така, ги возиме гостите со јавен превоз, што воопшто не е вообичаено [за туристите]. На крајот на денот, се чувствуваат како да направиле нешто навистина значајно и можат да раскажуваат за тоа како Кубанците навистина живеат во социјалистичкото општество.“
Кој е најдобриот дел од тоа да се биде домаќин на доживување?
Оскар: „Знаењето и културното збогатување е неверојатно. Со секој гостин, ја споделувате вашата култура. Сѐ уште сме професори на универзитетот и ги поттикнуваме нашите помлади колеги да бидат кодомаќини на доживувањето со нас. Исто така, сметаме дека Airbnb создаде работни места и го подобри животот на луѓето. За нашето доживување „Живот на село“, ги носиме гостите во рурална област за да ги запознаеме со нашите семејни пријатели кои се рибари, одгледуваат овошје и кафе и живеат од тоа. Сега, ги водиме гостите таму околу трипати неделно, а и нашите пријатели сега се претприемачи.“
Имате ли некој совет за другите домаќини кои размислуваат да создадат доживување?
Патрисија: „Се работи за тоа дали имате нешто да споделите и дали навистина сакате да го споделите со другите.“
Оскар: „Бидејќи е најважно да бидете отворени со гостите. Мора да бидете искрени и автентични, во спротивно, нема да бидете успешни.“
*Врз основа на внатрешно истражување на Airbnb на повеќе од 100 домаќина.
Информациите што ги содржи статијава може да се променети по објавувањето.