Помош за гостите на „Соби“ да патуваат како локални жители
Airbnb започна како поволен начин со кој патниците ќе можат да престојуваат во туѓ дом. Идејата се распространи кога домаќини и гости од целиот свет почнаа да се поврзуваат на автентичен начин.
Собите ја слават оваа традиција. Повеќе домаќини од кога било им помагаат на гостите да патуваат како локални жители. Го прават тоа на многу начини, нудејќи им совети каде да одат или прифаќајќи ја магијата на неочекуваното.
Еве како тројца домаќини создадоа незаборавни врски.
Споделување на вашите омилени локални места
Може да им помогнете на гостите да ја запознаат вашата област така што ќе создадете водич за вашиот оглас. Ова е лесен начин да споделите препораки со гостите. Домаќините со водичи обично добиваат повеќе резервации.
Многу домаќини нудат препораки и во живо. Рид, кој угостува во соба во Филаделфија со својата сопруга, ги поканува гостите да им се придружат на неделната вечера. Прави чорба и ги прашува што би сакале да прават. Потоа споделува „кул места кои не се традиционални“ како маалското кафуле со ѕидови од книги.
Понекогаш Рид ги поканува гостите на танцување, една од неговите омилени активности. „Со неколку гости отидовме на едно латино место за малку да се забавуваме“, вели тој. Додава и дека некои гости „сега ни се како деца“.
Како гостите да се чувствуваат како дома
Гостите може да ја резервираат вашата соба бидејќи вашиот „Пасош на домаќинот“ создава чувство на блискост што може да им помогне на гостите да се чувствуваат пријатно кога престојуваат кај вас.
Никола угостува во соба во Фицрој, Австралија и споделува дека ги цени новите култури и кујни. Открила дека некои гости сакаат „да се дружат и да се чувствуваат како да имаат дом тука“.
Таа и нејзиниот брат, познат готвач во Мелбурн, понекогаш нудат да готват со гостите. „Имаме комерцијална кујна, па може сами да прават тестенини или леб за сендвичи“, вели таа.
Една група се чувствувала толку опуштено што вежбале јога во дневната соба на Никола. „Одлично беше што навистина уживаа во просторот“, вели таа. Забележувајќи го нивниот интерес за вежбање, Никола ги однела во блискиот парк каде што заедно поминале едно попладне качувајќи се на дрвја и разговарајќи за други места за истражување.
Прифатете го неочекуваното
Размислете колкава интеракција со гостите би сакале и кажете им што претпочитате. Ако сакате да се дружите, вашата отвореност може да доведе до значајни врски.
Гарт, кој угостува во соба во Окленд, Нов Зеланд, вели дека присуството на гости во неговиот дом му овозможува да поминува повеќе време со луѓе од други култури без да патува. Си помислил: „Луѓето нека доаѓаат кај мене.“
Еден од најнезаборавните моменти на Гарт како домаќин се случил со гости од Франција. Мајката прашала дали нејзиниот син може да го гледа како работи во неговата работилница во гаражата. „Мислеше дека сè што правам е кул“, вели Гарт.
Така, Гарт смислил проект на којшто ќе работат заедно. „Направивме мал брод и го обоивме“, вели тој. „Беше навистина прекрасно бидејќи тој не зборуваше англиски, но најдовме заеднички јазик.“
Ако се приклучите на вашиот локален клуб на домаќини, може да научите повеќе приказни и совети. Овие клубови ги водат домаќини за други домаќини и нудат лични и виртуелни средби, континуирана поддршка и вести и новости за производот на Airbnb.
Информациите што ги содржи статијава може да се променети по објавувањето.