Алатки и совети кои ќе ви помогнат да одредите цена за вашата соба

Прифатливата цена е една од главните причини зошто гостите резервираат соби на Airbnb. Повеќе од 80% од собите на глобално ниво во 2022 година чинеле помалку од 100 долари за ноќевање, со просечна цена од 67 долари за ноќевање.*

Секогаш имате контрола над одредената цена. Airbnb нуди алатки што може да ги користите за да ја одредите и прилагодите цената.

Разбирањето на просечните цени на слични сместувања во вашиот регион може да биде почеток за размислување колку да наплаќате.

Одете на календарот за угостување за да споредите слични сместувања во близина. Изберете датум или опсег на датуми, а потоа притиснете или кликнете на вашата цена за ноќевање. Под него, изберете го копчето на кое пишува „Споредете слични сместувања“. Ќе се прикаже мапа со просечните цени на сместувања како вашето. Може да изберете приказ на места што се резервирани или не се резервирани на тие датуми.

Ричард, кој угостува во соба во близина на центарот на Торонто, одлучил да започне со цена која е „малку пониска од онаа на конкуренцијата“ за да ги привлече гостите побрзо. И му успеало: вели дека првите три месеца биле речиси целосно резервирани.

„Мојата цена сè уште е малку ниска, но знам кон што целам“, вели Ричард. „Размислувам да ја зголемувам цената во мали интервали со текот на времето.“

Ако направите мало истражување за трендовите на патување во вашиот регион, може полесно да ја одредите конкурентната цена за вашето место. Посетителите што гостуваат во викенд, сезонските туристи, привремените работници и другите видови гости може различно да го толкуваат поимот „прифатлива цена“.

Рид, Супердомаќин во Филаделфија, ја набљудувал локалната сцена кога првпат ја одредил цената за својата наместена спална соба на третиот кат. Живее во близина на универзитети и болници, па цената за својата соба ја одредил за да биде прифатлива за студенти и практиканти со ограничен буџет. „Угостивме еден куп луѓе кои работат на истражувања или како практиканти во областа на медицината на кои им требаше сместување за неколку недели“, вели тој.

Со тоа што ја одржува својата цена ниска и прифаќа подолги престои, Рид вели дека успеал да го одржи календарот пополнет и да ја исплати хипотеката пред планираното. „Имам повеќе резервирани ноќевања и поретка промена на гости“, вели тој. „Работам паметно, не напорно.“

Гостите кои се заинтересирани за подолги престои обично бараат сместувања со попусти. Рид користи неделни и месечни попусти за да ги поттикне гостите да резервираат. „Поголемиот дел од луѓето кои се привлечени кон нашата соба бараат престој од најмалку неколку недели“, вели тој.

Може да испробате различни попусти за различни ситуации. Овие опции ќе ви бидат достапни во јазичето „Цени“ на календарот:

• Промоција за нов оглас. Со оваа промоција добивате 20% попуст на цената за ноќевање за првите три резервации. Ако ја додадете, може да ви помогне побрзо да добивате рецензии од гостите и да ја изградите вашата репутација како домаќин на соби.

• Попуст за рана резервација. Овој попуст важи за резервации направени однапред. Вие избирате колкав ќе биде тој период, од еден до 24 месеца пред пристигнувањето. Попустите за рана резервација може да ви помогнат да привлечете гости кои планираат однапред.

• Попуст за резервација во последен момент. Овој попуст важи за резервации направени кратко пред престојот. Вие избирате колку краток ќе биде тој период, од еден до 28 дена пред пристигнувањето. Гостите коишто престојуваат во соби честопати се самостојни патници кои се пофлексибилни од паровите или семејствата во однос на резервирањето поблиску до датумот на патување.

• Неделни и месечни попусти. Неделните попусти важат за резервации од седум ноќевања или повеќе, а месечните попусти важат за резервации од 28 ноќевања или повеќе. Тие може да ви помогнат да го пополните календарот со поретка промена на гости.

Секогаш поставувајте минимална и максимална должина на престојот согласно локалните правила и прописи. Оттаму, можете да го приспособите максималниот престој на најмалку онолку ноќевања колку што изнесува должината на престојот за кој сакате да додадете попуст.

*Цена за ноќевање со вклучени надоместоци и даноци од 1 јануари до 31 декември 2022

Информациите што ги содржи статијава може да се променети по објавувањето.