Што се тоа клубови на домаќини на Airbnb?

Според податоците на Airbnb, домаќините кои се приклучуваат на клубовите на домаќини се поуспешни од оние кои не се приклучуваат. Новите домаќини кои се приклучуваат на некој клуб имаат 86% поголема веројатност да остварат три резервации од оние кои не се дел од клубот, а членовите уживаат поголема заработка и подобри оцени во рецензиите, како и поголеми шанси да станат Супердомаќини.

Како што вели еден домаќин: „Ми се допаѓа тоа што имам мрежа од локални домаќини за да споделувам материјали и идеи. Исто така, клубот им помага на домаќините да ги разберат променливите правила во нашата област кога станува збор за угостувањето.“

Клубовите на домаќини на Airbnb се заедници на локални домаќини кои се поврзуваат онлајн и лично за да поставуваат прашања, да споделуваат совети, да ги слават постигнувањата и да разговараат за тоа како е навистина да се биде домаќин.

Групите ги предводат домаќини волонтери наречени водачи на заедницата, кои започнуваат разговори и организираат средби и можности за волонтирање. Водачите соработуваат и со Airbnb за да ги споделат последните новости и образовни содржини за да ги информираат членовите на клубот.

Сите клубови користат приватни групи на Facebook, така што ќе ви треба сметка за да се приклучите на овие разговори. Клубовите организираат и средби кои се отворени за сите домаќини. Некои заедници организираат средби во живо, додека други го прават тоа виртуелно.

Пред сѐ, клубовите на домаќини се мрежа за поддршка – место каде што можете да се обратите кога ви треба совет или само сакате да разговарате со други домаќини.

Сѐ што ви треба за да се приклучите на некој клуб на домаќини е сметка за угостување на Airbnb и сметка на Facebook. Постојат повеќе од 600 клуба низ целиот свет во 90 земји, така што постои голема веројатност да најдете некој во близина. Ако живеете во регион каде што сѐ уште нема клуб, може вие да основате клуб на домаќини.

Откако ќе го најдете вашиот локален клуб, приклучувањето е лесно како песна:

1. Одете на Facebook групата до којашто има линк на мапата и испратете барање за приклучување.

2. Одговорете на прашањата за членство за да ни помогнете да ја потврдиме вашата сметка за угостување.

3. Откако барањето ќе ви биде одобрено, ќе станете член.

Можеби најважната придобивка придружувањето на некој клуб е можноста да се приклучите онлајн и да добиете повратни коментари за вашиот оглас или да поставите прашања на други домаќини во врска со угостувањето, без разлика дали се работи за локалните прописи или најдобрата служба за чистење.

Бидејќи ќе имате пристап до средби, ќе може да се сретнете и со домаќини во вашиот регион, што може да доведе до пријателства и професионални врски на кои ќе може да се потпрете ако се појави проблем или ако ви треба услуга.

Клубовите ги вклучија локалните бизниси, создадоа иницијативи за одржливост, се залагаат за правила за краткорочно изнајмување и волонтираат заедно. Средбите често резултираат со посебни врски или влијание на заедницата. Два примера:

• Клубот на домаќини во Жирона, Шпанија, покани познат дизајнер за ентериер на сесија за прашања и одговори, каде што членовите можеа да поставуваат прашања за тоа како да ги подобрат своите простори.

• Еден тим на водачи на заедницата во Панама организираше успешно чистење на плажата за својот клуб на домаќини.

Објавите на Facebook честопати нудат можности за да се сподели поддршка. Примери од клубот на домаќини во Кетскилс и Хадсон Вели, Њујорк:

• Еден водач на заедница прашува како напредува сезоната на угостување за сите и предлага да се разговара за идеи за подобрувања.

• Еден домаќин прашува како да избегне дупли резервации.

• Еден домаќин бара препораки за локален мајстор кој изработува сауни и служба за отстранување снег.

• Еден домаќин прашува дали некој може да смести група од 10 лица за една недела.

Информациите што ги содржи статијава може да се променети по објавувањето.